1 Korinito 1
1
1I Eloi inu lai mere Paulo Iesu Keriso onu iva a’a evere’eailaea‐ulauakei’inave, Sosotene ane ene aroa a’a:
2Eloi inu ekalesia a’a eiai Korinito ai, oro eiai Keriso Iesu laru ai oro iaa‐ekava?-?keina, iaa a’a evere’eai oro laea‐elauakeina, oro uriria kiripai makomako ai ene Amua Iesu Keriso onu nawi oro nawki‐awkana, omo Amua, ene Amua awku:
3La’aruku, airu ane, nakuakeinameki Eloi ene Mai mere, Amua Iesu Keriso mere ane.
4Na Eloi nai kopai‐awkana panipani ai noro eiai uku Eloi inu la’aruku nakuakeina Keriso Iesu laru ai,
5Uku U laru ai noro veruku painakavakeia’ane euna pirimaroakoa voa uriria eiai, lai evera iki ane;
6Orau na ione Keriso eiai noro laru ai evere’eakeia’ane euna:
7Orau Eloi inu la’aruku eria eiai noro oea‐rokona ei pani ai, noro aioiaka‐pokoimakina ene Amua Iesu Keriso onu erea pani eiai,
8U ane U iviri‐naiakana anea’anea ika pani ai, noro mua eria keia’ane‐iai ene Amua Iesu Keriso onu lare ai.
9Eloi panipani ai miki keina Una kuruei voa eiai, i U noro uriria laea‐nalauakei’inave avai monou evere’eai Una Mere Iesu Keriso ene Amua kiripai.
10Ovaki airavaki e, i ene Amua Iesu Keriso onu nawi nai nawki‐nakana noro uriria lai monou miai, noro awkono avao ai voa kamukamu eria keia’ane‐iai, noro avai monou pokoiane‐iai uku lai monou, voa vevea ane.
11Uku Keloe enu avai a’a ikiane euna noro awkono avao ai voa kamukamu rokoamakina, ovaki airavaki e.
12Na voa anu miki eire, nomo a’a kavakava una naumuki a’a mi’ina, erau voa kuruna ane; Nai Paulo onu a’a, a’a mo kuruna, Nai Apolo onu a’a; a’a mo kuruna, Nai Kepa anu a’a; a’a mo, Nai Keriso onu a’a.
13Keriso upuakeia’ana? Paulo iri keoa upa mere avakei’inave ana? i Paulo onu nawi noro bapatiso‐nakavakei’inave ana?
14Nai Eloi kopai‐awkanave nomo a’a kapeo nai bapatiso‐awkanave, Kerepu, Kaio ane, orere e i nai bapatiso‐ekavakei’inave.
15Uku a’a kurunavaia i na nawi u bapatiso‐awkavakei’inave.
16Setapana anu avai a’a nai bapatiso‐ekanave ane: na lai a’a e nai bapatiso‐a?-?awkanavea.
17Uku bapatiso‐liai Keriso a‐ikaivirinavea; a uku Iva voa omoro kuruai; a Iva voa, pani va’au unu lai evera voa peo, omoro kuruai Keriso onu iri keoa una iva paukinavaia.
18Uku iri keoa anu Iva voa avuavu voa keina oro eiai oro oava kapea ai enamakina, a kurua voa Eloi inu iva keina oro eiai U iekamakina.
19Uku ei voa kikiriakeina, Lai evera a’a anu lai evera eria keina Nai ipawkiakana, lai pamea a’a anu ipawkia voa Nai eria‐liakana.
20Lai evera a’a ekeiana? Vupu unu ipawkia a’a ekeiana? Ei pani va’au unu lai evera ipawkia a’a ekeiana? Ei pani va’au lai evera anu avuavu Eloi ipawkiapeana?
21Pani va’au unu a’a i pani va’au unu lai evera Eloi ipaliakape, Eloi inu lai evera orau U evere’eaka, a Eloi kopai‐awkavakei’inave a’a iekavai, oro ane oro pirimaroakoanave kurua avuavu Iva voa enei omoro kuruna.
22Uku iva veia inamu‐oiai Isaraela a’a umuli’ina, lai evera Heleni a’a vorona:
23A Keriso iri keoa upa mere avakeia’ane euna enei omoro kuruna, kurua voa uai keina Isaraela a’a eiai; avuavu keina Heleni a’a eiai.
24A uku oro eiai oro laea‐elauakeina, Isaraela a’a, Heleni a’a ane, Keriso Eloi inu‐iva, Eloi inu lai evera ane, ua‐rokona.
25Uku kurua awku Eloi laru ai a’a laikorana avuavu keina, kurua avuavu a’a anu lai evera awkoni‐awkana; kurua awku Eloi laru ai a’a laikorana eapa keina, kurua eapa a’a anu venea awkoni‐awkana.
26Nomo kaupu a’a laea‐elauakeina noro inamu‐eina, ovaki airavaki e, ei pani va’au unu lai evera a’a oro ailapea, marevaki a’a oro awku ailapea, amua a’a ane oro laea‐elauakeia’ane euna oro ailapea.
27A Eloi ie’eiane euna oro pani va’au laikorana avuavu keina, uku lai evera a’a makiri‐ekavai; pani va’au unu eapa awku Eloi ie’eiane euna pani va’au unu venea awku makiri‐ekavai;
28Awku ane pani va’au a’a laikorana oro rurupu keina, awku kape orau lai‐ekana ane, kurua awku Eloi ie’eiane euna pani va’au unu rokoa awku e‐avai;
29Uku a’a voa kurunavaia Eloi inu paku ai.
30A uku Eloi verukua noro Keriso Iesu laru ai rokona, i Eloi enei eiai U lai evera evere’eane euna, opara anana ane, iaa‐awkava ane, iawkava ane;
31Iaa revareva voa erau voa kikiriakeina, Kurua a’a kopaili’ina, Amua laru ai u kopaili’inamoki.
Currently Selected:
1 Korinito 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
