Roma 14

1A’a una pirimaroakoa eapa keina, aroa a’a orau noro umu‐aine, a u kiripai voa e kevakeva pa kuruai.

2Uku a’a monou unu pirimaroakoa evere’ena pei kavakava navai; a a’a mo, uku una pirimaroakoa eapa keina, u aurapei e na’ana.

3A’a u peipei na’ana u a’a e lari pa awkavai uku u peipei a‐na’anakea: peipei larilia vaki awku peipei na’a vaki u lari pa awkavai: uku orere i Eloi umu‐ekavakeia’?-?ane euna.

4Ni koana a’a e enu aivara ni voa veve’ena? U oiane naea, u arava’ane naea; una opara i una amua voa veve’eakeina. U oiakana uku oiai Amua iva awkuai li’ina.

5A’a monou lare monou e avioina; a’a mo lare kavakava ipi’ipia avieina. Una lai laru ai a’a kavakava ailiakeinamoki.

6A’a lare monou avioina uku kurua lare iaa keina, u orau li’ina uku Amua eiai; a’a awku u pei varomo e na’ana, kurua pei u na’ana Amua eiai, uku Eloi u kopai‐awkana; u awku kurua pei u larili’ina kurua pei u larili’ina Amua eiai, u awku Eloi kopai‐awkana.

7Uku ene a’a kapeo uarokona una nane eiai, a’a kapeo imuna una nane eiai.

8Enei rokoane naea, Amua eiai enei rokona; enei imuane naea, Amua eiai enei imuna. Ou uku eiai, enei rokoane naea, enei imuane naea, enei Amua anu a’a keina.

9Ei uku eiai Keriso imunave, moawku rokoanave ane, uku U Amua rokoakeia’ane?-?iai imua a’a eiai, rokoa a’a awku eiai.

10A ni, uku oiana ni aroa a’a ni voa veve’ena? Uku oiana ni aroa a’a ni lari‐awkana? Eloi inu voa vevea pakara paku ai enei uriria oiakana.

11Uku ei voa kikiriakeina, Amua erau voa kuruna, Orau Nai rokona kapoi, are‐epo kavakava Na paku ai aiakana, Eloi inu paku ai anai kavakava iki e’eakana.

12Enei inamu‐oina kapoi, ene a’a kavakava Eloi inu paku ai iki e’eakana uku una opara eiai.

13Ou uku eiai ene a’a enei voa pa veve’eai: a enei oivirinamaki auawia naea, ekeni naea, ene aroa a’a anu kapea ai enei einavaia uku aua’avai.

14Nai ipali’ina, i Amua Iesu nai aili’iakeina ane, pei miki eria upu keina; a a’a laikora’ane pei varomo upukeina, kurua pei upukeina oro eiai.

15I pei ni na’amakina ni aroa a’a kukunu‐eakeia’ane, ni opara umu unu opara peo. Oivirine i pei ni na’ana ni aroa a’a ni oa’anavaia, u ane u eiai Keriso imunave.

16Oivirine ni opara ima aviakeinavaia.

17Uku Eloi inu eiei pei peo, ere peo, a kurua eiei opara anana, airu ane, kopai ane, i Avaea Iaa mere;

18A u ane u orau Keriso kamaia‐awkana, Eloi kopai?-?li’ina u eiai, U kepoina ane.

19Airu unu awku, awku ane ene lai la‐ekana, enei evoronamaki.

20Uku pei eiai Eloi inu iaki pa au‐awkavai. Pei uriria urupu keina; a a’a namea keina una pei auawia keia’ane a’a e eiai.

21Opara anana oia pei, ere iara ane, opara uriria ane, lari‐ekavai, i oro ni aroa a’a arava’ane.

22A uku ni pirimaroakoa, ni e eiai ni oivirine Eloi inu paku ai. A’a anu lai‐amua mua‐awkavape liane una opara eiai u kopai keina.

23A’a peroro e’ea miane uku pei u na’ana, u mua‐awkavakeina, uku una opara pirimaroakoa upa mere la‐okavakeiapea, opara uriria pirimaroakoa upa mere la‐okavakeiapea, namea opara keina.

Currently Selected:

Roma 14: IAR1920

Highlight

Copy