Roma 13
13
1A’a kavakava kavana a’a kamaia‐ekanamoki; uku i Eloi e a’a amua evere’eakeina, ene eai amua a’a omo iva Eloi mere miaka.
2Ou uku eiai kurua a’a u una amua inaka‐awkana, Eloi inu vupu awku u inaka?-?li’ina: inaka‐lia a’a oro eiai oava kavani mi‐aneakana.
3Opara anana‐lia a’a kore keiapea kavana anu voa vevea a’a eiai, namea‐lia a’a oro kore keina. Ni umu‐ama‐li’i kore eria miai ni amua a’a eiai? Imau, opara anana‐li’ine, u kopai‐nikavakana.
4Uku u Eloi inu aivara keina ni paioka eiai. A ni opara namea liane, koreli’ine. U ipiki a‐vakarunakea uku eria eiai: u Eloi inu aivara keina, ipu mia a’a ane, uku namealia a’a kavani awkuai.
5Enei kamaia‐awkavai limakina uku namea opara anu kavani e peo, a uku ene lai‐amua awku eiai.
6Ei uku eiai uku kavani ni awkuna; uku kavani roikia a’a awku Eloi inu aivara a’a keina, omo venea oro awkuna ei iaki eiai.
7A’a uriria omo kavani miki emoki ekune: uku kavani roikia a’a uku kavani ekune, aru kavani roikia a’a aru kavani ekune, umu ekune a’a ni umu‐ekavai limakina, avioia ekune a’a ni avieiai limakina.
8A’a anu aru kamaia pa miai, umu e kamaia‐pokoine; uku kurua a’a una a’a u umu‐awkana, Vupu unu voa u kamaia‐liane euna.
9Ni eve’eve pa liai, Ni a’a pa avai, Ni avapu pa liai, Ni pa iawmiai; vupu e uriria ane, oro ei vupu monou laru ai akoakeina, Ni a’a ni umu‐awkavakana orau ni umu‐nikana.
10Umu oivirina una a’a u namea‐awkanavaia, ou uku eiai umu Vupu unu kamaia miki keina.
11Ei ipawkia voa kamaia‐elaune uku ei e’ei pani noro ipali’ina, pani ei‐anena ane enei epekeai awaw mere: uku eai ene iawka arekamu ai keina, enei pinai pirimaroakoaka’ane iawka arekamu ai a‐kei’inavea.
12Kipere pani arekamu periakeina, pani mereai awkamakina: muru unu opara enei au‐ekanamaki, aiau unu awre orau enei pamea lukinamaki.
13Uku lare pani inu pamea ai enei rokoamakina opara ima enei li’inamaki; eke enu avuavu opara, awpa anu mawka, pairama, eiri ane, voaki, namani ane, enei larili’inamaki.
14Amua Iesu Keriso noro luki‐nami’ine, kape enu i’ima lai aukiai noro umu pa liai.
Currently Selected:
Roma 13: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
