Roma 12
12
1Ovaki airavaki e, i Eloi inu umu nai nanuku‐nakana nomo kape iki Eloi awkuai, rokoa, iaa epie pei kopai‐awkavai. Ei opara avioia opara miki noro mere keiakana.
2Ei pani va’au unu opara noro pa e’e’ekavai, i nomo lai nawawrea‐eimakina noro a’a nawawrea ae’epuakeine, i lai evera Eloi inu lai noro ipaliane‐iai, kurua lai ima, vapara ane, anana ane.
3Uku i kurua la’aruku ikuakeina nomo a’a kavakava nai awkina lai kauakaua pa miai una nane eiai; a akere‐akere laikoravai kurua pirimaroakoa orau Eloi a’a kavakava awkuane euna.
4Uku orau kape monou kape‐aru aila mi’ina, ei kapearu uriria iaki monou miape;
5Orau enei iki Keriso laru ai kape monou keina, una kape‐aru enei monou‐monou paiakiakeina.
6A uku enei la’aruku e e mi’ina, oro e e li’ina uku iaki e e veruku akuakeina, laikorava voa kuruai naea, laikorava a’a voa kurunamoki una pirimaroakoa orau;
7Voa vevea a’a anu la’aruku u miane naea, u lai evera voa veve’enamoki; ipawkia a’a anu la’aruku u miane naea, u orau ipawkinamoki.
8Omoro a’a naea, u omoro kurunamoki: u awku u la’aruku awkuna, u veruku awkunamoki; u ane u amua‐awkana, u iviri roko‐roko amua‐awkanamoki; u ane u maia a’a paiokana, u kopai paiokanamoki.
9Umu miki, auoia umu eria, noro mi’ine. Opara lipi larili’ine; opara ima piriuoi?-?ne.
10A uku aroa a’a anu umu, noro umu‐nakane; nomo a’a avieiai noro kopaili’ine.
11Iviri umuliakeia’ane noro eapa pa pokoiai. Iva umu a’a noro evere’ene; Amua kamaia‐awkane.
12Kopai araea’araea noro mi’ine; mani pani ai lai kekepa pokoine, Eloi iviri nawki‐awkane panipani ai;
13Pei oea iaa a’a pei ekune; aki a’a kamaia‐ekane panipani ai.
14Oro ane oro mani‐nakana noro kopai‐ekane: kopai voa, anakaia voa peo, noro kuruene.
15Kopailia a’a kiripai noro kopaili’ine, vikiria a’a kiripai noro vikirine.
16Umu miki noro monou monou mi’ine nomo a’a eiai. Lai kauakaua anu awku miai noro umu pa liai; lai kekepa opara miai noro kopai‐li’ine. Uku nomo lai kauakaua noro kopai pa liai.
17Mani kavani pa awkuai mani opara eiai. Oivirine uku kurua opara u ima keina, anana ane, a’a kavakava anu paku ai.
18Ni liai liane, a’a uriria kiripai ni airu pokoine.
19Naumuki a’a e, ipu pa miai, ia’ia keinamoki, uku ei voa erau voa kikiriakeina, Ipu Na awku keina: mani kavani Nai awkuakana. Amua anu voa ioure.
20Ou uku eiai, ni mani a’a pei navai‐navai liane, ni pei awkune; u kamuri lavere keia’ane, ere awkune: ni orau limakina una uku upa mere ni iau aimakina.
21Namea awkoni‐nika?-?vai ni pa evere’eai, i opara ima namea awkoni‐awkane.
Currently Selected:
Roma 12: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
