Roma 11
11
1Nai erau voa veve’ena, Una a’a aruru Eloi laeiana? Ai. Nai awku Isaraela a’a, Aberahamo onu kiri a’a, Benanimi inu ravi a’a.
2Una a’a aruru U ipa?-?elau’unave Eloi laeiape. Iaa revareva voa uku Elia eiai noro ipapeana? Voa u Eloi nawki‐awkavaka uku Isaraela a’a mani‐ekavai, erau voa kurumakei’inave,
3Amua e, Ni laikorava a’a oro e’a’ane euna, Ni iaa pakara oro enaka’ane euna; eai nai epuri ave’i’iakeina i‐avai oro ipia‐mimakina.
4Eloi Elia oiamakuru’e? Nai eiai a’a 7,000 Nai eiviriane euna, Baala anu imunu paku ai oro are‐epo aiape.
5Orau eai pani ai a’a kakai rokoakeina i Una la’aruku Eloi ie’eiane euna.
6I Una la’aruku U ie’eiane euane, Una ie’ea i a’a anu opara evere’eakeiapea. A Una ie’ea i a’a anu opara evere’eakeia’ane, Una la’aruku eria‐liakeina.
7Oiana uakei’i? Kurua awku Isaraela a’a vorona u auiape; a Eloi inu ie’ea aivara auiane euna; a’a mo lai kane evere’eane euna.
8Ou uku‐eiai Iaa revareva erau voa kuruna, Omo inamu Eloi mu’u‐eiane euna, inamu awku eria inamu‐oiai, Keporo ane awku eria viriai, anea’anea eai pani ai.
9Davida erau voa kuruna, Omo pei uai, ekeni ane, evere’enamoki oro eiai, Auawia, mani kavani ane.
10Muru omo inamu ruawkinamoki oro inamu‐oinavaia, Omo muri vapari?-?nameki panipani ai.
11Nai erau voa veve’ena, Oro orau aua’ava’ana oro e‐avakeiakana? Ai. A uku omo arava iawka anea’ane euna lai unuku a’a eiai, uku Isaraela a’a anu namani awvoiai;
12Omo arava pani va’au unu paioka keia’ane, uku oro awkoni‐ekavakeia’ane euna lai unuku a’a pai‐ekavakeia’?-?ane, a’a nawawrea oro evere’eane ima awku ovara anea?-?peana?
13Noro e, lai unuku a’a e, nai kurunaina, uku nai iva a’a okaiviriakeina lai unuku a’a ai, na omoro iaki eiai nai kopaili’ina,
14Nai ipia‐mimakina namani awvoiai na kaki a’a laru ai, uku oro varomo ie?-?kavakeia’ane‐iai.
15Pani va’au airu‐eakeia’?-?ane euane uku oro laeia?-?keia’ane euna, oro moawku are’eiakeia’ane omo vairua rokoa imua mere orau peana?
16Maura‐uru iaa‐keia’ane, uru iki iaa‐keina; iri inu neva iaa‐keia’ane, vao awku iaa‐keina.
17Vao varomo eiakeia’ane euane, ni ane, ni rurupu iri inu vao keina, iri ima anu naka apokere ai ni painikia?-?keia’ane, iri ima anu vao kiripai iri uku unu ika ni aua‐mi’ina,
18Voa meramera pa kuruai vao miki mani‐ekavai. Voa meramera ni kurumakeia’ane, pa aikavai iri uku ni la‐okapea, a iri uku la?-?nikana.
19Ni erau voa kuruakana, Vao eiakeia’ane euna uku nai pai’ikiakeia’ane‐iai.
20Mikio, a uku omo peroro e’ea oro eiakei’inave, a i ni pirimaroakoa e ni pai?-?kiaka‐rokona. Lai kauakaua pa miai, kore mi’ine.
21Vao miki Eloi ieka?-?vape liane, ni oivirine U eininavaia.
22Eloi inu umu, Una ia’ia ane, inamu‐oine. Oro ara’ane euna oro upa mere Una ia’ia liliane euna, a noro upa mere Una umu liliane euna, Una umu noro aikavape liane: noro aikava’ane noro awku einaiakeiakana.
23A omo peroro e’ea mere oro urukiane, oro awku paiekiakeiakana; uku moawku Eloi paiekiai li’ina.
24Iri rurupu mere ni einiakei’inave ane, iri ima anu apokere ai ni paini?-?kiakei’inave ane; oro vao miki keina omo iri miki inu apokere ai oro paiekiakeia?-?peana?
25Ovaki airavaki e, voa miki uakeina, u ipawkiakeiape, noro pauapaua keiai ei voa eiai nai umu‐a‐li’inakea, nai kore li’ina noro lai kauakaua keia’ane naea nomo lai evera eiai, kurua voa miki eire, Isaraela a’a inamu ururu keina anea’anea lai unuku a’a ikirimaneane.
26Orau Isaraela a’a uriria iekavakeiakana. Voa orau Iaa revareva ai kikiriakeina, Siona akapu mere Iawka aneakana: Namea uriria Iakobo mere U lai‐ekava?-?kana;
27Uku eire Na kuruei voa oro kiripai keiakana Omo namea Nai iou‐miane.
28Uku Iva voa Isaraela a’a Eloi inu mani a’a noro eiai: a uku Eloi inu ie’ea oro umu‐ekavakeina omo mai‐oro eiai.
29Uku Eloi lai a‐uruki?-?nakea uku Una la’aruku, Una ie’ea ane, eiai.
30Uku orau eni pani ai Eloi noro pirimaroakoakape, eai umu noro mi’ina, ei pani ai oro larilia a’a keina:
31Orau oro awku lariliane euna ei pani ai noro umu mimakina: uku oro awku eiai umu eai keia’ane‐iai.
32Oro uriria peroro e’ea laru ai Eloi epiriane euna, uku oro uriria U umu‐ekava’?-?ane‐iai.
33Eloi inu iva, lai evera ane, opai keina, awku uriria U ipali’ina. Una voa vevea a’a ipaliai liapea. Una are awkoro a’a auiai liapea.
34Amua anu lai koama‐ipali’i? Una voa vevea koama‐aua‐mi’i?
35U koana u pinai Eloi awku awkuane euna u kavani miane‐iai?
36Pani va’au unu Uku U uarokona, i U eakei’inave ane, U laru ai pani va’au unu miki, uku ane, keina. U avioinamoki opai keiakana! Amene.
Currently Selected:
Roma 11: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
