Roma 10
10
1Ovaki airavaki e, na umu unu kopai, nawki ane, Eloi inu paku ai, uku Isaraela a’a iekavakeia’ane‐iai.
2Nai ioneli’ina oro iviri mi’ina Eloi eiai, a omo iviri lai evera eria keina.
3Oro pauapaua keina opara anana eiai Eloi awkuna, omo araea’araea omo opara anana upa mere oro la‐ekamakina, Eloi inu opara anana kamaialiai oro inaka liane euna.
4Uku Keriso Vupu unu ika keina opara anana eiai pirimaroakoa a’a kavakava eiai.
5Uku Mose Vupu unu opara anana ipawkina, u erau voa kuruna, A’a Vupu unu opara anana kamaiali’ina, i kurua opara anana u rokoakana.
6A pirimaroakoa anu opara anana erau voa kuruna, Ni umu laru ai erau voa pa kuruai, Pani muku ai koama?-?inamau? (Keriso arau ai arekavai)
7Mo, aroa eporo ai koa?-?ma‐lilimau? (Keriso imua mere la‐okavai)
8A voa oiama‐kuru’i? Iva voa ni arekamu ai keina, ni ane laru ai, ni umu laru ai ane: kurua pirimaroakoa anu Iva voa enei omoro kurumakina;
9Ni ane‐epo mere ni Iesu iki e’eane U Amua rokona, ni umu laru ai ni pirimaroakoane Eloi imua mere la‐oka’ane euna, ni inikavakeiakana.
10Uku i umu a’a pirimaroakona, opara anana mi’ina ane, i ane‐epo oro iki‐e’ena, iawka mi’ina ane.
11Uku Iaa revareva erau voa kuruna, A’a kavakava pirimaroakona u makiri‐awkavakeiapea.
12Uku Isaraela a’a, Heleni a’a ane, ipi’ipiakeina; uku Amua monou a’a uriria anu Amua keina, U umu veruku rokona a’a uriria iekavai oro ane oro nawki‐awkana.
13Uku a’a kavakava Amua anu nawi laeali’ina u iawkavakeiakana.
14U ane oro pirimaroakoape oro eka’ama‐nawki?-?awkamau? U ane Una voa oro viriape, oro eka’ama?-?pirimaroakoamau? omoro a’a kapeo keia’ane, oro eka’?-?ama‐virimau?
15Oro omoro eka’amakurumau oro ekaiviriakei?-?ape liane? Iaa revareva voa erau voa kikiriakeina, Ima awku unu kopai voa oro mi‐anena, omo are vapara keina.
16A Iva voa oro uriria kamaialiape, Uku Isaia erau voa veve’ena, Amua e, Iva voa ene ane mere oro viriane euna, koama‐pirimaroakoa’e?
17Ei voa ipawkina, pirimaroakoa Iva voa mere anena a’a virina, Iva voa anena uku kurua voa i Keriso kuruakeia’ane euna.
18A nai erau voa veve’ena, Oro viriapeana? Lia. Oro viriane euna. Pani va’au iki omoro a’a anu voa viriakeia’ane euna, omo ipawkia voa pani va’au unu orai orai viriakeia’ane euna ane.
19Isaraela a’a ipapeana? Pinai Mose enu voa virine, u erau voa kuruna, I kaki a’a oro kaki a’a miki peo Nai namani‐eniakana, I avuavu kaki a’a Nai iara‐enia?-?kana.
20Isaia anu iviri voa mo u erau voa kurunave, Nai aui’iakeia’ane euna i a’a a?-?ivoromakei’inavea, Nai ipai?-?kiakei’inave omo paku ai, oro voa a‐veve’enavea Nai eiai.
21Isaraela a’a eiai u erau voa kuruna, Lare pani iki Na eve Nai oioka’ane euna lari a’a, voa momou a’a eiai.
Currently Selected:
Roma 10: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
