Roma 9

1Keriso onu a’a orau voa miki nai kurunaimakina, voa arauau peo, uku na lai‐amua i Avaea Iaa pamea‐eakeina na voa anu miki ione‐li’ina,

2Nai kuruane kukupuna ovara, umu unu kukunu ane, nai panipani ai mi’ina.

3Keriso mere nai la’i’?-?iakeia’ane‐iai nai umuliai li’ina uku na aroa a’a eiai, oro ane oro na avai a’a keina:

4Oro Isaraela a’a keina; Eloi inu ukua‐mere oro apoakeina, Una evao’evao, kuruei voa ane, oro mi’ina, Vupu ipawkiai ane, omoro marea iaki, eni maura‐voa ane, eiviriai;

5Mai‐oro omo a’a keina, Iesu unu kape oro mere kiniakei’inave, U ane U a’a uriria upa mere are’eakeina, Eloi kopai‐awkavakeina opai keiakana. Amene.

6Eloi inu voa eria‐liakei?-?ape. Uku a’a uriria Isaraela a’a mere kiniakeia’ane euna, oro Isaraela a’a akoa‐akei’inakea:

7Uku oro Aberahamo onu kiri a’a oro uriria Aberahamo onu ukua‐mere miki akoa‐a‐kei’inakea: kuruei voa erau voa kuruakei’inave, I Isako mere ni ukua‐mere akoakeiakana.

8Kurua voa anu miki eire, ukua‐mere i a’a kiniakeina oro Eloi inu ukua‐mere orau akoakeiapea: a oro i kuruei voa ukua‐mere evere’eiakeina oro Aberahamo onu kiri a’a akoakeina.

9Uku kuruei voa erau voa kikiriakeina, Ei pani inu eiei vairuane Nai aneakana, Sara mere kiniakana ane.

10Ei voa awku uakeina; i ene mai‐vaki Isako Rebeka awku ia evere’eaka, u anaera ukua kiniai awkamakei’inave;

11Anaera ukua kinia?-?keiakape, opara ima naea, opara lipi naea, orere liakape, a uku Eloi inu ie’ea lai keia’ane‐iai, uku orere enu opara peo, a uku Una lai U ie’eiaka,

12Rebeka erau voa awkiakei’inave, Airavaki ovaki inu aivara keiakana.

13Ei voa Iaa revareva voa e mikirina, erau voa kuruakeina, Iakobo Nai umuawkava’ane euna, a Esau Nai vai’i‐awkava’ane euna

14Enei oiamalaikora’i? Eloi laru ai namea uakei’i? Ai.

15Kurua voa Eloi Mose kurunave Una lai ipawkina, U erau voa kurunave, Nai umu ipawkiane umu e Nai ipawkiakana, Nai paioka ipawkiane paioka e Nai ipawkiakana.

16Ei voa mere enei ipali’ina, uku a’a anu lai peo, uku a’a anu iviri peo, a uku Eloi, U ane U umu mi’ina, awku uriria rokoakeina.

17Uku Iaa revareva erau voa Paroa kurunave, Ei uku eiai mukua ai Nai la‐nikava’?-?ane euna, uku ni laru ai Na iva Nai ipawkiane‐iai, uku Na nawi awku pani va’au iki ai upurukiakeia’ane‐iai.

18Ei voa ipawkina U ie’eane U umu ipawkina, orau awku U ie’eane U umu kane‐ena.

19Ni erau voa veve’i’ina, Uku oiana Eloi voakina? Una lai koama‐lari‐li’i?

20Ni e, ni a’a e, ni koana ni voa kamukamu kuruna Eloi eiai? Aru karikiakeina una karikia vaki erau voa amaveve’emau? Uku oiana ei aipo orau ni i’iane euna?

21Vana karikia a’a iva miapeana ka’e varepa monou mere vana vapara, vana rurupu ane, karikiai?

22Eloi ie’emakina Una iara ipawkiai, Una iva ane, U lai kekepa keia’ane mani a’a eiai oro e‐avakeiai evere’eiakeina,

23Uku Una umu unu evereverea U ipawkiane‐iai Una umu‐mia a’a eiai U evere’eiane euna evao’evao eiai,

24Enei ane, enei Isaraela a’a e peo, lai unuku a’a awku, U laea‐alauane euna?

25Hosea anu buka laru ai U erau voa kuruna, Kurua kaki a’a Na a’a a‐kei’inavea Na a’a Nai eroiakana; U ane u naumuki a‐kei’inavea Nai naumuki oroiakana.

26Iou ai ei voa erau voa kuruakei’inave, Noro Na a’a peo, Iou ai Eloi rokoa‐opai inu ukua‐mere oro eroiakeiakana.

27Isaia awku voa araro erau voa kurunave, Isaraela a’a anu evereverea ere aura anu miri mikiriakeia’ane, Omo a’a ailapea iekavakeiakana;

28Uku pani va’au ai Iehova voa veve’eakana, ema oailiakana ane.

29Erau voa Isaia kuruaka, Iehova Sabaota kiri a’a varomo, a’a ailapea, ave’?-?aiaka livilia, Sodoma a’a, Gomara a’a ane, enei mikiriane euna.

30Oi ika voa ana enei mi’ina? Lai unuku a’a opara anana a‐voronavea, opara anana oro auiane euna, pirimaroakoa anu opara anana ane.

31A Isaraela a’a Vupu voronave opara anana awkuai li’ina, kurua Vupu oro auiape.

32Uku oiana? Uku i pirimaroakoa oro a‐voronavea, i Vupu unu opara oro voronave. Kurua uai ai oro ara’anave;

33Orau ei voa kikiriakeina, Akoi’i, Siona akapu upa mere uai rawre Nai aimakina a’a aruru arava’ane‐iai, rawre a’a aruru aua‐ava’ane?-?iai; a a’a kavakava pirimaroakoakana, u makiri‐awkavakeiapea.

Currently Selected:

Roma 9: IAR1920

Highlight

Copy