Apokalupo 9
9
1Aivara‐avaea 5 vaki una pi’i laeali’inave; pani va’au ai rawpu nai inamu‐oinave pani muku mere u aravaka; eporo aroa anu taviri u awkuakei’inave,
2Eporo aroa u au’unave. Aroa mere iana inanave, iau ovara anu iana mikirimakei’inave, i iana aroa mere lare, pani ane, muru‐eiakei’inave.
3Iana mere kira’a elemanenave pani va’au ai, iva ekuakei’inave omaina anu iva mikirimakina pani va’au omaina mi’ina.
4Oro eiakei’inave pani va’au unu pono lipiliai, aura?-?pei ane, iri ane. A’a e oro lipi‐elauai li’inave, a’a ane Eloi inu ekere oro miape omo iara ai.
5Omo iaki peo a’a e‐avai, a uku a’a kukunu‐eiai ia 5 inu pani ai; ei kukunu omai na anu kukunu mikirina u a’a veiane.
6Kurua pani ai a’a imua voroakana, oro auiapea; imuai oro umuliakana, imua oro mere area‐enavakana.
7Kira’a awki mikirinave u vaupa luki‐awmiakeina apakinavai enavai. Omo uku upa mere oro kaukoua emiaka laiko moni mikirimakei’inave.
8Omo paku a’a anu paku mikirinave, oro kimari miaka a’ero onu kimari mikirinave, a omo ni’iri lioni inu ni’iri mikirinave.
9Omo ukari ai ukiri oro emiaka, auri ukiri oro mikirinave; omo vao onu rawre awki aila, kere ane, enu rawre mikirinave, oro apakinavai area‐enava’ane.
10Aw awku oro emiaka, omaina anu aw oro mikirinave, nepawki ane oro emiaka: omo aw laru ai omo iva kei’inave a’a kukunu‐eiai ia 5 inu pani ai.
11Kira’a amua vaki miaka, u ane u eporo aroa anu aivara‐avaea, una nawi Heberu voa Abadona oroiakeina, Heleni voa una nawi Apoliona oroiakeina.
12Pinai kukunu awawpe?-?ane euna, a kukunu rere mo aneliviai anelia.
13Aivara‐avaea 6 vaki una pi’i laeali’inave: voa monou kurumakei’inave nai virinave laiko moni iau muri iaa pakara anu rawre mere, pakara ane Eloi inu paku ai keina.
14Aivara‐avaea 6 vaki, u ane u pi’i miaka, ei voa erau voa kurunave, Aivara‐avaea morere‐morere kipura epiriakeina Euparata aiara ovara arekamu ai ni ururuene.
15Aivara‐avaea morere?-?morere, oro ane oro evere’eiakeiaka, pani eiei eiai, lare ane, ia ane, aumeia ane, oro ururueakei’inave, a’a kaupu rere kaiane enu kaupu monou oro e‐ava’ane‐iai.
16Awki‐ena aiai oro 200,000,000 akoakei’inave. Omo akoa kaupu nai virinave.
17Uku awki, aiai ane omo muri upa mere, na avaea‐awku ai nai inamu‐ei’inave. Aiai inu a’a kape’?-?vaupa aro, ponere ane, laiko ane, kei’inave; awki inu uku lioni inu uku mikirinave, omo ane mere iau, iana ane, auma pairama ane, elemanenave.
18I ei kukunu rere kaiane a’a kaupu rere kaiane enu kaupu monou e’avakei’inave, i iau, i iana ane, i auma pairama ane, omo ane mere elemanenave.
19Uku awki inu iva omo aw laru ai, omo ane laru ai, kei’inave; omo aw paiko mikirinave, oro uku emiaka ane, i omo uku oro kukunu?-?ena.
20A a’a ane i ei kukunu oro e’ava’a‐kei’inavea, oro lai urukiakape, aru oro karikiaka oro a‐ave’einavea, laiko moni imunu, urupu moni imunu, paraki moni imunu, rawre imunu, iri imunu, imunu ane inamu‐oiai, viriai, laiai, oro liapea.
21Omo avé opara mere, omo menamena opara mere, omo eiri opara mere, omo avapu opara mere, oro lai a‐urukinavea.
Currently Selected:
Apokalupo 9: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
