Apokalupo 10
10
1Nai inamu‐oinave venea aivara‐avaea mo pani muku mere kinumakei’inave. Awporo u luki‐awmiakei’inave, una uku upai kamaria kei’inave. Una paku lare mikirinave, una are ane iau aipua mikirinave.
2Koravakeia buka mau’u una eve ai u miaka; una are miki ere aura ai, una are keau ka’e ai, u aimakei’inave,
3Voa araro, lioni inu pururu orau, u laeali’inave. U laealiaka’ane kaia kiri 7 monou‐monou una voa kurunave.
4Kaia kiri 7 voa kuruaka’ane, omo voa kikiriai nai awkamakei’inave; a voa pani muku mere nai virinave, voa ane ikinave voa uriria vaua‐ekavai, voa ane kaia kiri 7 kuruaka, voa pa kikiriai.
5Aivara‐avaea nai inamu‐oinave ere aura ai, ka’e ai ane, oimakei’inave, una eve miki pani muku i u la‐okanave,
6U erau voa kurunave, I Una nawi ane, U ane U ua‐rokona opai keiakana, U ane U pani muku enave, pani muku unu awku ane, pani va’au ane, pani va’au unu awku ane, ere aura ane, ere aura anu awku ane, pani mo uakeiapea:
7A pani ane aivara‐avaea 7 vaki una pi’i laealiai u awkamakeia’ane, Eloi inu vauavaua lai evere’eiakeiakana, Iva voa orau Una aivara laikorava a’a U ekunave.
8Voa ane pani muku mere nai viriaka u moawku kuruinave, erau voa kurunave ane, Enara, buka mau’u mi’ine ane, buka ane koravakeina aivara‐avaea anu eve ai keimakina, u ane ere aura ai, ka’e ai ane, u oimakina.
9Nai enanave aivara‐avaea ai, nanuku‐awkanave ane buka mau’u ikuai. U erau voa kurunave, Mi’ine, buka iki na’ane ane. Ni nava’ane una iara ni ipaliakana, a ni ane laru ai u venoko onu mera mikiriakana.
10Buka mau’u aivara‐avaea anu eve mere nai mi’inave, na’anave ane; na ane laru ai venoko onu mera orau u kei’inave, a nai navaka’ane una iara nai ipali’inave.
11U erau voa kuruinave, Laikorava voa ni moawku kuruai limakina a’a aruru aila paku ai, kaki a’a paku ai ane, voa e e a’a anu paku ai ane, amua‐a’a anu paku ai ane.
Currently Selected:
Apokalupo 10: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
