Apokalupo 7
7
1Neko mere ai nai inamu‐ei’inave pani va’au unu lauamea morere‐morere ai, aivara‐avaea morere‐morere oimakei’inave, pani va’au unu kavaea morere‐morere oro a’akinave, kavaea evukina?-?vaia pani va’au ai, ere aura ai ane, iri mako ai ane.
2Aivara‐avaea mo nai inamu‐oinave anu eiei mere anemakei’inave, Eloi rokoa anu ekere‐aru u vakarumakei’inave. Aivara‐avaea morere‐morere u voa araro laea‐elaunave, oro ane omo iaki pani va’au, ere aura ane, lipi‐ekavai,
3U erau voa kuruenave, Pani va’au, ere aura ane, iri ane, lipi pa ekavai, anea’?-?anea ene Eloi inu aivara enei ekere‐ekava’ane omo iara ai.
4Ekere‐mia a’a anu kaupu‐kaupu nai evirinave, oro ane oro ekere‐ekavakei’?-?inave Isaraela avai a’a uriria mere oro a’a 144,000 akoakei’inave.
5Iuda anu avai a’a mere a’a 12,000 ekere‐ekavakei’?-?inave; Reubena anu avai a’a mere a’a 12,000; Gada anu avai a’a mere a’a 12,000;
6Asera anu avai a’a mere a’a 12,000; Nepatalima anu avai a’a mere a’a 12,000; Manase enu avai a’a mere a’a 12,000;
7Simeona anu avai a’a mere a’a 12,000; Levi inu avai a’a mere a’a 12,000; Isaka anu avai a’a mere a’a 12,000;
8Sabulona anu avai a’a mere a’a 12,000; Iosepa anu avai a’a mere a’a 12,000; Benanimi inu avai a’a mere a’a 12,000;
9Neko mere ai nai inamu‐ekinave, a’a aruru ovara erenave a’a kapeo akoai li’inave, kaki a’a uriria mere, avai a’a uriria mere, pani va’au e e uriria mere, voa e e a’a uriria mere, oro roikiakei’inave, amua‐pakara paku ai, Mamoe Mere enu paku ai ane, oro oimakei’inave, urupu a’a kape va’au oro luki‐emiakei’inave, omo eve ai iri aw oro vakarumakei’inave ane.
10Voa araro oro erau voa kurumakei’inave, I ene Eloi, U ane amua‐pakara ai U pa’ana, i Mamoe Mere ane, enei iakavakeina!
11Amua‐pakara, mai‐oro ane, rokoa animala morere?-?morere ane, aivara‐avaea uriria avikiaka‐oimakei’inave, amua‐pakara paku ai oro are epo ai’inave, Eloi avioinave ane.
12Voa araro oro erau voa kurunave, Amene! Kopai‐awkava, evao’evao ane, Lai‐evera, kopai voa ane, Avioia, iva ane, ene Eloi awkuakeinameki, Ena’ena opai keiakana! Amene!
13Mai‐vaki monou erau voa veve’i’inave, Ei a’a koana urupu a’a kape va’au oro luki‐emiakeina? oro ekeimeremane’i?
14Nai erau voa kurunave, Amua e, ni ipali’ina. U erau voa kurunave, Ei a’a oro ane kukupuna ovara mere oro anea’ane euna, i Mamoe Mere enu aro omo a’a kape oro kikiane euna, urupu‐eiane euna ane.
15Ei uku eiai Eloi inu amua‐pakara paku ai oro oina kamaia‐awkana ane, Una iaa marea laru ai, lare pani, kipere pani ane, U ane U amua‐pakara ai pa’ana oro awkono avao ai U pokoiakana.
16Oro moawku pei navai‐navailiapea, kamuri lavere oro moawku miapea; lare enu iva, vero‐ava ane, moawku kukunu‐ekavapea.
17Uku Mamoe Mere ane U amua‐pakara paku ai oina, U pei ekuakana, ere rokoa anu awvi‐aumu ai U eravakana ane; inamu‐ere kavakava omo inamu mere Eloi namokiakana ane.
Currently Selected:
Apokalupo 7: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
