Apokalupo 6
6
1Mamoe Mere taviri 7 inu vaki monou vepenave’ane nai inamu‐oinave, rokoa animala 4 inu vaki monou nai virinave voa araro, kaia kiri inu rawre orau, erau voa kurunave, Anene, inamu‐oine ane.
2Nai inamu‐ekinave, urupu awki erenave ane, una muri pa’ava vaki anai vakarunave; kenia vaki inu kaukoua u awkuakei’inave ane; awkoni‐awkamakei’inave, awkoni‐awkavai ane, u elenave.
3Mamoe Mere taviri reku vaki vepenave’ane, rokoa animala reku vaki nai virinave erau voa kurunave, Anene, inamu‐oine ane.
4Awki mo, aro vaki, elenave: una muri pa’ava vaki iva awkuakei’inave airu pani va’au mere iou‐miai, a’a omo a’a eavai u einave; rawvi ovara u awkuakei’inave ane.
5Mamoe Mere taviri rere kaiane vaki vepenave’ane, rokoa animala rere kaiane vaki nai virinave erau voa kurunave, Anene, inamu‐oine ane. Nai inamu‐ekinave, moroa awki erenave, una muri pa’ava vaki una eve ai mu’u ipia aru vakarumakei’inave.
6Rokoa animala 4 awkono avao ai voa orau nai virinave erau voa kurumakei’inave, Kawni uru ipia monou seleni monou, pali ipia rere kaiane enu kavani seleni monou: mera, iri uru unu ere ane, pa e‐avai.
7Mamoe Mere taviri morere‐morere vaki vepenave’ane, rokoa animala morere?-?morere vaki nai virinave erau voa kurunave, Anene, inamu‐oine ane.
8Nai inamu‐ekinave, ponere awki erenave. Una muri pa’ava vaki nawi Imua oroiakei’inave, Ade arekamu ai e’e’okanave; pani va’au eiei morere‐morere enu eiei monou amua‐awkavai iva ekuakei’inave, i rawvi naea, i pei oea naea, i maia naea, i lekuleku animala naea, a’a e’avai.
9Mamoe Mere taviri 5 vaki vepenave’ane, iaa pakara arau ai a’a anu imunu nai inamu‐ei’inave, omo imunu oro ane oro avakeiaka Eloi inu Voa eiai, ione voa eiai oro awkuaka.
10Voa araro oro laeali’inave, erau voa kurumakei’inave, Amua Epe’epe e, Amua iaa, miki ane, Oi va’au ana voa vevea Ni au‐awkana, ipu‐mia ane, ene aro eiai, pani va’au unu a’a mere?
11A’a monou‐monou urupu a’a kape va’au awkuakei’inave, lai kekepa aioiaka‐pokoiai oro ekiakei’inave pani mau’u, anea’anea omo kaupu iki evere’eakeia’ane, omo aroa a’a ane oro e’avakeia’?-?ane orau oro e’avakeiaka.
12Mamoe Mere taviri 6 vaki vepenave’ane, nai inamu‐ekinave, pani va’au oioi ovara eakei’inave: lare muru, moroa kapua orau, evere’enave, ia anu paku iki aro orau evere’enave.
13Rawpu kaia ai pani va’au ai ara‐anave, iri orau uru awkiri aukina kavaea ovara pani ai.
14Kaia awku laikinave pepa orau vovoakei’inave; akapu kavakava, iniki kavakava ane, una mako mere lai‐awkavakei’inave.
15Pani va’au unu amua a’a, mai‐oro ane, marevaki a’a ane, aru‐mia a’a ane, iva‐mia a’a ane, a’a uriria, aivara a’a naea, amua a’a naea, ena laru ai, akapu unu rawre mako ai, oro vauakinave;
16Akapu, rawre ane, oro laea‐elaunave, erau voa kuru?-?nakei’inave ane, Ene upa mere arane, vaua’akane ane Una paku mere, U ane amua‐pakara ai U pa’ana, Mamoe Mere enu iara mere ane;
17Uku Una ia’ia lare ei‐anena, a’a koana Una paku ai oiai liai‐ama‐li’i?
Currently Selected:
Apokalupo 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
