Apokalupo 5
5
1U ane amua‐pakara ai U pa’anave Una eve miki ai buka keimakei’inave nai inamu‐oinave, buka mekai mekai kikiriakei’inave, i taviri 7 buka kane pamu?-?awkavakei’inave.
2Venea aivara‐avaea nai inamu‐oinave, voa araro u erau voa veve’emakei’inave, Koana ima keina ei buka koravai, una taviri ane e?-?vepeai?
3Pani muku ai, pani va’au ai ane, pani va’au arau ai ane, a’a kapeo buka koravai li’inave, buka laru ai inamu‐ekiai li’inave.
4Nai araro vikirimakei’inave’ane uku a’a kapeo ima auiakei’inave buka koravai, buka laru ai inamu‐ekiai ane,
5Mai‐oro onu a’a monou erau voa kuruinave, Pa viki?-?riai. Iuda anu avai a’a Lioni, Davida anu Neva a’a, U awkoni‐awkava’ane euna, U buka koravakana, taviri 7 e‐vepeakana ane.
6Amua‐pakara, rokoa animala 4 ane, mokono ai Mamoe Mere nai inamu‐oinave mai‐oro awkono avao ai oimakei’inave. Mamoe Mere orau u avakeiaka U erenave, uku rawre 7, inamu 7 ane, U emiaka. Inamu 7 oro Eloi inu Avaea 7 pani va’au iki ai oro ekaiviria?-?keia’ane euna.
7U anenave buka mi’inave ane Una eve miki mere, U ane U amua‐pakara ai pa’anave.
8U buka miaka’ane, rokoa animala 4, mai‐oro 24 ane, Mamoe Mere paku ai are epo ai’inave, monou‐monou kitara miaka, laiko moni epomara oro mi‐anenave muri mera evopoakei’inave, iaa a’a anu nawki ipekimakei’inave.
9Awni nawawrea oro awni‐awkanave, erau voa awni awkamakei’inave, Ni ima keina buka miai, buka anu taviri e’vepeai ane; uku Ni avakei’inave, i Ni aro Eloi eiai Ni inaea‐elauane euna a’a varomo a’a avai kavakava mere, a’a ane voa e e kavakava mere, a’a ane kaki kavakava mere,
10Amua a’a Ni are’eiane euna, omoro a’a ene Eloi eiai: pani va’au oro amua‐awkana ane.
11Nai inamu‐ekinave aivara‐avaea aila anu voa nai virinave amua‐pakara ai, rokoa animala 4, mai‐oro onu voa ane. Oro aruru aruru ovara‐mai kei’inave,
12Voa araro oro awni‐awkamakei’inave, erau voa kurumakei’inave, Mamoe Mere ane U avakei’inave U ima keina iva, amua aru ane, lai evera ane, venea ane, avioia ane, evao’evao ane, kopai‐awkava ane, emiai.
13Ea awku kavakava pani muku ai, pani va’au ai ane, ka’e arau ai ane, ere aura ai ane, inapei, urupei ane, erau voa kurunave nai evirinave, U eiai U ane amua‐pakara ai U pa’ana, Mamoe Mere eiai ane, Kopai‐awkava iki, avioia ane, Evao’evao, iva ane, awkuakeinameki, opai keiakana.
14Rokoa animala 4 erau voa kurunave, Amene, mai‐oro are epo ai’inave, avioinave ane.
Currently Selected:
Apokalupo 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
