Apokalupo 4
4
1Ei awku oailiakei’inave’ane nai inamu‐ekinave, pani muku ai kikau auakei’inave nai inamu‐oinave, voa ane nai pinai viriaka pi’i inu laea mikirinave, u moawku kuruinave, erau voa kurunave ane, Eu ai inane, Nai awku ipanikima, awku ane oro maura pani evere’eiakana.
2I Avaea nai emoki ipai?-?kiakei’inave, pani muku ai amua‐pakara nai inamu‐oinave ane, a’a monou ane amua‐pakara ai i‐pa’amakei’inave.
3U ane U i‐pa’anave Una paku iapara rawre mikirinave; kamaria emerala rawre mikirinave amua‐pakara avikinave.
4Amua‐pakara e 24 amua‐pakara miki avikimakei’inave, ei pakara ai mai‐oro 24 i‐pa’anave urupu a’a kape luki‐emiakei’inave, kenia a’a anu laiko moni kaukoua omo uku upa mere kei’inave.
5Amua‐pakara mere evao, voa araro ane, kaia kiri ane, elemanenave, amua‐pakara paku ai lamepa akuru 7 iau ruawkamakei’inave, oro ane Eloi inu Avaea 7 oro rokona.
6Amua‐pakara paku ai ere aura varivari orau kei’inave, kirikali mikirimakei’inave, amua‐pakara, mai‐oro ane, okai ai, amua‐pakara avikimakei’inave, rokoa animala 4 kei’inave, paku ai, neko ai ane, oro inamu evopoakei’inave.
7Pinai rokoa vaki lioni mikirinave, reku vaki bove?-?mere mikirinave, rere kaiane vaki a’a anu paku orau miaka, morere‐morere vaki naku area‐enamakina mikirinave.
8Ei rokoa animala 4 monou‐monou vao 6 miaka, laru ai oro inamu evopoakei’inave: lare pani, kipere pani ane, oro eiekavapea, oro erau voa kurumakina, Iaa, Iaa, Iaa, Amua Eloi, awku uriria anu Amua, U ane U ua‐rokoanave, ua‐rokona ane ua‐rokoakana opai keiakana ane.
9Rokoa animala 4 kepoiane, avioiane ane, kopai‐awkava’ane ane, U ane amua‐pakara ai U pa’ana, U ua?-?rokona ane opai keiakana,
10Mai‐oro 24 Una paku ai are epo aina, U ane amua‐pakara ai U pa’ana, oro avioina U ane U ua‐rokona opai keiakana, omo kaukoua ane amua‐pakara paku ai oro aina, erau voa kurumakina,
11Ni ima keina, Amua e, evao’evao, avioia ane, iva ane, emiai: uku awku uriria Ni einave, uku Ni lai e oro rokoaka‐anenave, oro eiakei’inave ane.
Currently Selected:
Apokalupo 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
