Apokalupo 21
21
1Pani muku nawawrea, pani va’au nawawrea ane, nai inamu‐ei’inave; pani muku pinai vaki, pani va’au pinai vaki ane, orere enavaka, ere aura eria uakei’inave ane.
2Iaa pai’iri, Ierusalema nawawrea, nai inamu‐oinave Eloi mere kinumakei’inave pani muku mere, evere’eakei’inave vako‐a’e orau vaupa luki‐awmiakei’inave una vaki au‐awkuai.
3Voa araro nai virinave amua‐pakara mere anenave, erau voa kurumakei’inave ane, Eloi inu pokoia mako a’a awkono avao ai uakeina, Oro awkono avao ai U pokoiakana ane, Una a’a aruru oro keiakana ane. Lia, oro awkono avao ai Eloi verukua pokoiakana.
4Inamu‐ere kavakava omo inamu mere U namokiakana. Imua eria moawku keiakana; Lai kukupuna eria ane, viki eria ane, kukunu eria ane; Uku pinai awku oro periane euna.
5U ane amua‐pakara ai U pa’anave, U erau voa kurunave, Awku uriria Nai moawku eimakina. Ei voa ane U akonave, Ei voa kikirine, uku oro miki‐rokoa voa, voa miki ane, keina.
6Ei voa awku U erau voa kurunave, Voa evere’eiakeia’ane euna. Alepa, Omeka ane, Pinai pani, Ika pani ane, Nai aku. Kamuri lavere a’a Nai evere’eiakana Rokoa anu ere awvi’aumu mere veruku navai.
7U ane u awkoni‐awkana ei awku uriria u omoro roikiakana, una Eloi Nai keiakana, Na mere u keiakana ane.
8A korelia a’a, larilia a’a ane, upulia a’a ane, avé a’a ane, eirilia a’a ane, menamenalia a’a ane, imunu avioia a’a ane, arauau a’a uriria ane, eiei ekuakeiakana iau auma‐pairama anu ururu ai. Imua rere vaki eire.
9Aivara‐avaea monou aivara‐avaea 7 mere anenave, epomara 7 ika ni’iri‐maia evopoakei’inave oro vakarumakei’inave. U erau voa kuruinave, Anene, Vako‐a’e, Mamoe Mere enu a’e, nai ipanikima.
10I Avaea nai avikiakei’inave u ivakarunave mukua akapu ovara ai, iaa pai’iri ipaikinave ane, Ierusalema, Eloi mere pani muku mere kinumakei’inave,
11Eloi inu evao’evao mi‐anemakei’inave ane. Vapara rawre orau u akuruli’inave, iapera rawre orau, akuru, parea ane.
12Kurua pai’iri vara miaka, vara ovara, mukua ane, kikau ovara 12 ane, kikau eiviriai aivara‐avaea 12 i‐pokoinave. Upa mere, kikau upai, nawi kikiriakei’inave, nawi ane oro Isaraela avai a’a 12 inu nawi.
13Vara anu eiei mekai kikau rere kaiane kei’inave, auanu eiei mekai kikau rere kaiane kei’inave, nara eiei mekai kikau rere kaiane kei’inave, maruru eiei mekai kikau rere kaiane kei’inave.
14Pai’iri inu vara rawre u’uri 12 emiaka, oro upa mere nawi 12 kikiriakei’inave, Mamoe Mere enu Iva a’a 12 inu nawi.
15U ane u kuruimakei’inave laiko‐moni ikiau u miaka, pai’iri, pai’iri inu kikau, vara ane, ipiai.
16Pai’iri iou anelai, ei ane lai ane, ei ane mekai, iou ane mekai ane, ipi’ipiakeina: i ikiau u pai’iri ipinave, pai’iri 1,200 maili, una va’au, peava ane, mukua ane, ipi’ipiakeina.
17Vara awku u ipinave, vara 144 kubita, a’a orau ipina, orau awku aivara‐avaea vara ipinave.
18Vara iapera rawre la‐okavakei’inave; pai’iri laiko moni la‐okavakei’inave, parea varivari mikirimakei’inave.
19Pai’iri vara anu rawre u’uri i vapara‐rawre e e oro vapara‐eiakei’inave, pinai vaki iapera rawre kei’inave, rere vaki kapira rawre kei’inave, rere kaiane vaki kale?-?koni rawre kei’inave, more?-?remorere vaki emarala rawre kei’inave,
205 vaki karekoniki rawre kei’inave, 6 vaki kara?-?kiu rawre kei’inave, 7 vaki kurokuliti rawre kei’inave, 8 vaki perila rawre kei’inave, 9 vaki kopaka rawre kei’inave, 10 vaki koropara rawre kei’inave, 11 vaki iaki?-?niki rawre kei’inave, 12 vaki ameki rawre kei’inave.
21Kikau 12 oro mairi 12 kei’inave; kikau monou‐monou mairi monou‐monou kei’inave. Pai’iri inu kapea miki laiko moni miki kari?-?kiakei’inave, parea varivari mikirimakei’inave.
22Iaa marea eria nai inamu‐oinave pai’iri ai, uku Amua Eloi, awku uriria anu Amua, Mamoe Mere ane, orere pai’iri inu iaa marea keina.
23Lare, ia ane, pamea awkuai pai’iri oea‐rokoapea, uku Eloi inu evao’evao pai’iri ai akuruliane euna, Mamoe Mere pai’iri inu lamepa ane.
24I pai’iri inu pamea kaki a’a rokoakana; pani va’au unu amua a’a omo evao’evao pai’iri ai mi‐aneakana.
25Lare pani ai pai’iri inu kikau ekuakeiapea opai keiakana, iou ai kipere pani eria keiakana;
26Kaki a’a anu evao’evao, avioia ane, pai’iri ai mi‐anea keiakana.
27Upu awku eria pai’iri ikiriakana, a’a kapeo ane u opara lipi li’ina, arauau voa kuruna ane, oro e omo nawi Mamoe Mere enu Rokoa anu buka laru ai kikiriakeina oro ikiriakana.
Currently Selected:
Apokalupo 21: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
