Apokalupo 22
22
1Rokoa anu ere aiara parea u ipaikinave, ere enu parea varivari inu parea mikirinave, Eloi inu amua‐pakara mere, Mamoe Mere enu amua‐pakara mere ane, elemanemakei’inave.
2Aiara anu mekai mekai, pai’iri kapea ane mokono ai, Rokoa anu iri ua‐rokoanave, iri ane uru e e 12 u merinave, ia kavakava una uru u merimakei’inave; iri inu aw muramura kei’inave kaki a’a eiai.
3Iru pani ai laoia voa eria keiakana: Eloi inu amua‐pakara, Mamoe Mere enu amua‐pakara ane, kurua pai’iri laru ai keiakana. Una aivara oro kamaia‐awkavakana;
4Una paku inamu‐oiakana ane, Una nawi ane omo iara ai keiakana.
5Iou ai kipere eria keiakana; lamepa anu pamea, lare enu pamea ane, oro oea‐rokoapea, uku Amua Eloi pamea ekuakana: oro amua‐awkavakana opai keiakana.
6U erau voa kuruinave, Ei voa miki‐rokona, voa miki ane: Amua ane, laikorava a’a anu avaea anu Eloi Una aivara‐avaea okaivirinave Una aivara awku ipekiai, awku ane liakeiakana maura pani ai.
7Nai epua anemakina. U ane ei buka anu laikorava voa u laikora‐awkina u kopai‐awkavakeina.
8Nai Ioane ei awku evirinave, inamu‐ei’inave ane; nai eviriaka’ane, inamu‐eiaka’ane ane, aivara‐avaea ane u ei awku ipaikimakei’inave una are ai uku avioiai nai are epo ai’inave.
9U erau voa kuruinave, Ai, ni orau pa liai, uku nai awku ni aivara kaupu unu a’a, ni aroa a’a, laikorava a’a, anu kaupu a’a ane, omo a’a ane oro ei buka anu ipawkia voa laikora?-?ekina. Eloi avioine.
10Ei voa ane u kuruinave, Ei buka anu laikorava voa anu miki pa vaua‐awkavai; uku omo evere’ea pani arekamu ai keina.
11Namea a’a u nameali’?-?inamoki; upu vaki u upu?-?awkanamoki; opara anana a’a u opara ananali’inamoki; iaa a’a ane u iaa‐rokonamoki.
12Nai epua anemakina; Na kavani Nai mi’ina, uku a’a kavakava una opara orau kavani awkuai.
13Alepa. Omeka ane, Pinai, Ika ane, Nai aku, Pinai?-?lia, Oailia ane.
14Oro ane omo a’a kape oro urupu ere kikina oro kopai‐ekavakeina, oro evere’?-?eiakeia’ane‐iai Rokoa anu iri ai enavai, kikau ai pai’iri ikiriai ane.
15A kikau awkuakeina upulia a’a eiai, menamenalia a’a eiai ane, eirilia a’a uriria eiai ane, avé a’a uriria eiai ane, oro eiai ane oro imunu avi’eina, a’a kavakava eiai ane arauauliai u umuli’ina.
16Nai Iesu Na aivara‐avaea okaiviriane euna ei ione voa ipanikiai Ekalesia awkono avao ai. Davida anu Neva, veve ane, akuru Kaurei ane, Nai aku.
17Avaea, Vako‐a’e ane, kuruna, Anene; a’a ane u virina, u kurunamoki, Anene; oro ane oro kamuri lavereli’?-?ina oro anenameki. A’a kavakava ane u umuli’ina, Rokoa anu ere u veruku mi’inamoki.
18Nai kuruna kapoi a’a kavakava ane ei buka anu laikorava voa u virina, u voa e ei buka anu voa kiripai akoane, ni’iri‐maia uriria ei buka laru ai kikiriakeina Eloi awkuakana;
19Ei buka anu laikorava voa mere a’a voa iou‐miane, una aua‐mia Rokoa anu iri ai, iaa pai’iri ai ane, awku ane ei buka laru ai ipekiakeina, Eloi u mere iou‐miakana.
20U ane ei voa uriria U kuruna kapoi, U erau voa kuruna ane, Lia, Nai epua anemakina. Amene. Amua Iesu e, anene.
21Ene Amua Iesu Keriso onu la’aruku Eloi inu a’a kiripai rokonamoki. Amene.
Currently Selected:
Apokalupo 22: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
