Apokalupo 20
20
1Aivara‐avaea pani muku mere kinunave nai inamu‐oinave, eporo aroa anu taviri u miaka, una eve ai auri konou ovara u vakarunave.
2Lekuleku animala, eni paiko ioure, u a’akinave, u ane u Diabolo, Satani ane, oroiakei’inave, u pirinave aumeia 1,000 inu pani eiai, eporo aroa laru ai kai’inave ane.
3Eporo aroa u awmuru?-?nave, taviri awkunave ane, u kaki a’a moawku ewaea?-?ekanavaia anea’anea aumeia 1,000 periane: neko mere ai pani mau’u eiai u ururuakeiakana.
4Amua‐pakara nai inamu‐ei’inave, a’a varomo ane upa mere papa’anave, iva ekuakei’inave voa veve’eai. Omo imunu ane nai inamu‐ei’inave, oro ane omo uku eiakeiaka uku ione voa Iesu eiai oro ioneliaka, uku Eloi inu Iva voa eiai ane, omo imunu ane oro ane lekuleku animala oro avioiakape, una imunu ane, una kaipoua omo iara ai, eve ai ane, oro miakape; oro rokoanave amua a’a Keriso kiripai oro kei’inave aumeia 1,000 inu pani ai.
5Imua a’a e kapeo rokoanave anea’anea aumeia 1,000 inu pani oailiakei’inave’ane. Imua mere enu pinai la’ava eire.
6A’a ane imua mere enu pinai la’ava oro aua‐mi’ina oro kopai‐ekavakeina, iaa‐keina ane. Imua rere vaki iva eria mi’ina oro eiai, Eloi inu omoro a’a, Keriso onu omoro a’a ane, oro keiakana, Keriso kiripai oro amua a’a keiakana aumeia 1,000 inu pani ai.
7Aumeia 1,000 inu pani oailiakeia’ane, Satani ururuakeiakana una piria mako mere,
8U eleakana kaki a’a ewaea‐ekavai pani va’au unu eiei morere‐morere ai, Koka Makoka ane, oro apakinavai u kaupu‐ekavakana, omo a’a aila miri inu aila mikirina ere aura ai.
9Oro eleaka‐inanave pani va’au unu peava iki ai, iaa a’a anu kaupukia mako oro avikinave, naumuki pai’iri ane. A pani muku mere iau kinunave, uriria e‐a’anave ane;
10Diabolo ane u ewaea‐ekavaka iau, auma‐pairama, ururu ai u kaiakei’inave, iou ai lekuleku animala, arauau Laikorava a’a ane, kei’inave, lare pani, kipere pani ane, oro kukunu‐rokoakana opai keiakana.
11Urupu amua‐pakara ovara nai inamu‐oinave, Monou ane U i‐pa’anave, Una paku mere pani va’au, kaia ane, area‐enanave, mako eria auiakei’inave orere eiai.
12Imua a’a, amua a’a, rurupu a’a ane, nai inamu‐ei’inave amua‐pakara paku ai oimakei’inave. Buka kokoravakei’inave; buka mo ane, Rokoa anu buka, koravakei’inave, i voa buka laru ai kikiriakei’inave imua a’a voa veve’eiakei’inave orau oro opara liaka.
13Ere aura ane imua a’a ururuenave, oro ane ere aura ai kei’inave, Imua, Ade ane, u omo imua a’a orere ururuenave; oro voa veve’eiakei’inave, a’a kavakava una opara orau u liaka.
14Imua, Ade ane, iau unu ururu ai kaieakei’inave: Imua rere vaki eire.
15A’a anu nawi Rokoa anu buka laru ai a‐auiakei’inavea, iau unu ururu ai u kaiakei’inave.
Currently Selected:
Apokalupo 20: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
