Apokalupo 19
19
1Neko mere ai a’a aruru unu voa‐mane orau nai virinave pani muku ai, oro erau voa kurunave, Aleluia! Iawka, evao’evao ane, iva ane, ene Eloi inu awku keina.
2Uku Una voa‐vevea oro miki, anana ane, keina, uku kana a’e ovara U voa veve’eane euna, u ane i una eiri opara u pani va’au iki pomoa?-?limakei’inave, Una aivara anu aro i kana a’e enu eve upuakei’inave U ipu‐miane euna.
3Pani rere vaki oro erau voa kurunave, Aleluia! Uku a’e enu iana inamakina opai keiakana.
4Mai‐oro 24, rokoa animala 4 ane, are epo ai’inave, Eloi avioinave ane, U ane amua‐pakara ai U pa’ana. Oro erau voa kurunave, Amene, Aleluia!
5Amua‐pakara mere voa anenave, erau voa kurunave ane, Noro Una aivara uriria e, ene Eloi noro kepoine, noro ane noro avioina, rurupu a’a, amua a’a ane.
6A’a aruru ovara anu voa orau, ere aila anu rawre orau ane, kaia anu kiri orau, nai virinave, erau voa kurunave, Aleluia! Uku Amua ene Eloi, awku uriria anu Amua ane, U Amua evere’eane euna.
7Enei kopaili’inamaki, piame’enamaki ane, avioia awkunamaki ane; uku Mamoe Mere enu a’e‐mia pani ei‐anena, Una vako‐a’e una kape vaupa‐liane euna ane.
8U evere’eakei’inave a’a kape awpono luki‐awmiai, a’a kape urupu, upu peo; a’a kape awpono iaa a’a anu opara anana keina.
9U erau voa kuruinave, Voa orau kikirine, Oro ane oro laea‐elauakeina Mamoe Mere enu a’e‐mia purai navai oro kopai‐ekavakeina. Ei voa ane U kuruinave, Ei voa Eloi inu voa kapoi.
10Una are ai avioiai nai are epo ai’inave. U erau voa kuruinave, Ai, ni orau pa liai; uku nai awku ni aivara kaupu unu a’a, ni aroa a’a anu aivara kaupu unu a’a ane, oro ane oro ione liane euna Iesu eiai. Ni Eloi avioine. Ione voa Iesu eiai laikorava voa anu avaea rokona.
11Kikau auakei’inave pani muku ai nai inamu‐oinave, urupu awki erenave ane. U ane awki upa mere pa’anave U Miki‐rokoa, Voa‐miki ane, oroiakei’inave, i opara anana U voa veve’ena, apakina’ana ane.
12Una inamu iau unu anai orau kei’inave, Una uku upa mere amua‐kiku aila kei’inave; nawi ane U mi’ina U upa mere kikiriakeina U e ipali’ina, a’a kapeo kurua nawi ipali’ina.
13A’a kape U luki‐awmiakei’inave aro ai nawi‐awka?-?vakeia’ane euna, Una nawi, Eloi inu Voa, oroiakeina.
14Aiai pani muku ai oro e’e’okanave, awki urupu upa mere pa’anave, a’a kape awpono luki‐emiakei’inave, a’a kape urupu, upu peo.
15Una ane mere akere rawvi elemanena, i ei rawvi kaki a’a U vaki‐emiakana; i auri kavai U amua‐ekavakana, Una iaki ane Eloi, awku uriria anu Amua, inu iara uru oiniai.
16Una a’a kape ai, Una aw ai ane, nawi kikiriakeina U mi’ina, Eire, Amua a’a anu Amua, mai a’a anu Mai ane.
17Aivara‐avaea monou lare enu pamea ai oimakei’inave nai inamu‐oinave; naku uriria kaia ai area‐enamakei’inave u voa araro erau voa laea‐elaunave, Anene, Eloi inu purai ovara eiai kaupukine,
18Amua a’a anu oia, marevaki a’a anu oia ane, venea a’a anu oia ane, awki inu oia ane, omo aiai a’a anu oia ane, a’a uriria anu oia, ururua a’a naea, aivara‐piria a’a naea, amua a’a naea, rurupu a’a naea, omo oia noro nava’ane‐iai.
19Lekuleku animala, pani va’au unu amua a’a ane, nai inamu‐ei’inave, uriria kaupukiakei’inave, awki inu Amua a’a, Una aiai ane, kiripai apakinavai.
20Lekuleku animala piriakei’inave, u kiripai arauau Laikorava a’a ane, u ane iva veia u liaka lekuleku animala anu paku ai, orau ane u ewaea‐ekavaka, oro ane lekuleku animala anu kaipoua oro miaka, oro ane una imunu oro avioiaka. Orere kape rokoa iau unu ururu ai kaieakei’inave, ururu auma‐pairama para’limakei’inave.
21I rawvi Una ane mere elemanenave, U ane awki upa mere pa’anave, a’a e uriria e‐avakei’inave. Naku uriria omo oia voviri na’anave.
Currently Selected:
Apokalupo 19: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
