Apokalupo 18
18
1Neko mere ai aivara‐avaea mo nai inamu oinave pani muku mere kinumakei’inave, iva ovara u miaka. Uku una evao’evao pani va’au akuruli’inave.
2Voa araro u erau voa laeali’inave, Babulonia ovara ara’ane euna, ara’ane euna, diabolo onu pokoia mako evere’eane euna ane, upu avaea kavakava anu pokoia mako ane, upu rurupu naku kavakava anu pokoia mako ane.
3Ia’ia i una eiri opara eakei’inave kaki a’a uriria nava’ane euna, u kiripai pani va’au unu amua a’a eiri liane euna, pani va’au unu aru inaealia a’a moni mo’onu roikiane euna uku una vaupa aru unu evereverea.
4Voa mo pani muku mere nai virinave, u erau voa kurunave, Pai’iri mere elemanene, Na a’a e, una namea noro aua’emi’inavaia, una ni’iri maia noro aua’emi’inavaia.
5Uku una namea varepa la‐ekavakeina kaia ai, una namea opara Eloi laikora?-?awkiane euna.
6Moawku awkune orau u awkuane euna; kavani, kavani mo, una opara orau, awkune; epomara laru ai u apaueane euna, iara, iara mo, apauene u eiai.
7Una nane u veruku evao’evao eane euna, aru evereverea u rokoane euna: kukupuna, kukunu ane, ipi’ipia awkune, uku una umu laru ai u erau voa meramera voa kuruna, Amua‐a’e orau amua‐pakara ai nai pa’ana: nai a’e kepea peo, lai kukupuna nai ipapea opai keiakana.
8Ei uku eiai lare monou kukupuna aila u upa mere aneakana, imua, awni mu’u mailau ane, pei oea ane, i iau u ruawkavakeiakana ane. Uku Amua Eloi venea keina, U ane U voa veve’eane euna.
9Pani va’au unu amua a’a ane oro u kiripai eiri liane euna, aru evereverea rokoane euna ane, u eiai oro voa araro vikiriakana, awni mu’u mailau awkavakana ane, una iau ruawkava anu iana oro inamu‐oiane,
10Oro amai mere oiane uku omo kore una kavani ovara eiai, erau voa kuruna ane, Au’a, Au’a, Babulonia pai’iri ovara e, pai’iri iva e! Uku pani inu eiei mau’u ai ni mua anu oava anea’ane euna!
11Pani va’au unu aru inaealia a’a u eiai voa araro vikirina, awni mu’u mailau awkana ane, uku eai omo aru oro inaealiai liapea.
12Laiko moni vaupa aru, urupu moni aru ane, vaupa rawre, mairi ane, awpono kapua, kapua ponere, aro ane, iri e e ane, ua aru e e uriria ane, iri ima anu ainau e e ane, paraki, auri ane, rawre ane.
13Iri‐kape ane, muri mera ane, iri ane uku iau ruawkavai mera muri eiai; mera muri, iri uru unu ere ane, mera ane, pu ane, kawni ane, bove ane, mamoe ane, awki ane, keré ane, aivara ane, a’a anu imunu ane.
14Uru ni imunu umuli’inave oro e‐avakei’inave, ni vaupa uriria, evao’evao ane, oro paroroli’inave, moawku oro auieakeiapea.
15A’a ane oro ei aru inaeali’inave, i ei pai’iri mere oro moni amua a’a evere’enave, oro amai mere oiakana, oro kore‐eiakeiakana uku una kukupuna kavani eiai,
16Voa araro vikirimakeiakana, kukupuna’ama?-?keiakana, erau voa kurumakeiakana, Au’a, Au’a, ei pai’iri ovara eiai, u ane u a’a kape awpono, a’a kape po?-?n’ere, a’a kape aro, u luki‐awmiakei’inave, laiko moni aru, vaupa rawre, mairi ane, u vapara‐awkavakei’inave;
17Uku pani inu eiei mau’u ai ei amua aruku ovara oavakeia’ane euna! Mapea kapena kavakava, mapea aki a’a kavakava ane, mapea iaki a’a kakakava ane, oro uriria ane oro ere aura ai iaki li’ina,
18Amai mere oro oinave, voa araro vikirinave ane, Pai’iri inu iau ruawkava anu iana oro inamu‐oiane, oro erau voa kurunave, Oi pai’iri ana ei pai’iri ovara mikirina?
19Omo uku upa mere oro ka’e kikirinave, voa araro oro vikirinave, awni mu’u mailau awkamakei’inave, oro erau voa kurunave, Au’a, Au’a, ei pai’iri ovara eiai, uku u ai, i una moni ovara mere, a’a uriria ane oro mapea miaka ere aura ai, oro moni amua a’a evere’eane euna; uku pani inu eiei mau’u ai ei pai’iri oavakeia’ane euna!
20Pani Muku e, noro awku iaa a’a e, Iva a’a e, Laikorava a’a e, noro kopai?-?li’ine uku Eloi ei pai’iri mere ipu‐miane euna noro eiai.
21Venea ovara aivara‐avaea rawre ovara uakinave, rawre ere aura ai u kai’inave, erau voa kurumakei’inave, Orau Babulonia, kurua pai’iri ovara, enakavakeiakana, moawku auiakeiapea opai keiakana.
22Kitara eria, awni eria, awvi eria, pi’i eria ni ai viriakeiakana opai keiakana; iakilia a’a kapeo ni ai auia?-?keiakana, kawni oinia iaki inu rawre ni ai moawku viriakeiapea opai keiakana.
23Lamepa anu pamea ni ai moawku parealiapea, vako vaki inu voa naea, vako a’e enu voa naea, ni ai moawku viriakeiapea opai keiakana. Uku ni aru inaealia a’a oro pani va’au unu amua a’a kei’inave, i ni menamena opara ni li’inave kaki a’a uriria ewaea‐ekavakei’inave.
24U ai laikorava a’a anu aro, iaa a’a anu aro ane, a’a uriria ane pani va’au ai oro e‐avakeiaka, omo aro ane, u ai auiakei’inave.
Currently Selected:
Apokalupo 18: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
