Apokalupo 17
17
1Aivara‐avaea 7 inu kaupu vaki monou, oro ane epomara 7 oro vakarumakei’inave, u anenave, erau voa kuruinave ane. Anene, kana a’e ovara anu mua‐kavani nai ipanikima, u ane ere aila upa mere u pa’ana.
2Pani va’au unu amua a’a u kiripai eiri liane euna, i una eiri ere pani va’au unu pokoia a’a ailo‐eiakeia’ane euna.
3I Avaea nai avi’ikiakei’inave u ivakarunave kekepere ai, a’e nai inamu‐oinave aro lekuleku animala upa mere pa’amakei’inave, animala ane mai‐voa nawi awmuruakei’inave, uku 7, rawre 10 ane u emiaka.
4A’e ponere‐aro a’a kape luki‐awmiakei’inave, laiko‐moni vaupa aru, vapara rawre ane, mairi ane, u akuruliakei’inave. Laiko‐moni koiri una eve a’akinave, koiri ane una i’ima opara evopoakei’inave, una eiri opara anu uru u ipekinave ane.
5Una iara ai ei voa kikiriakei’inave: Nai Babulonia ovara anu veia keina, kana a’ero onu mei, pani va’au unu upu opara anu mei ane, nai rokona.
6Nai a’e inamu‐oinave iaa a’a anu aro, Iesu unu ione a’a anu aro ane, u na’amakei’inave, u ailo‐eakei’?-?inave ane. Nai inamu‐oinave’ane nai varua’anave.
7Aivara‐avaea erau voa veve’i’inave, Uku oiana ni varuavakeina? Ei a’e enu vauavaua miki nai ipanikima, lekuleku animala ane enu miki, u a’e vakaruna, u uku 7 mi’ina, rawre 10 ane.
8Lekuleku animala ni inamu‐oiane euna u ua‐rokoanave, a u eai peo, a maura pani u moawku inavakana aroa eporo mere, oava ai enavakana ane. Pani va’au unu pokoia a’a oro varuavakeiakana, oro uriria ane omo nawi Rokoa anu buka laru ai keiape pani va’au unu ea pani mere, oro lekuleku animala inamu‐oiane: uku u ua‐rokoanave, u eai peo, u aneliviai anelia.
9Iaki eu ai lai evera a’a anu lai eiai! Uku 7 oro akapu 7, oro ane upa mere a’e pa’ana.
10Oro amua a’a 7 kei’inave ane: omo a’a 5 ara’ane euna, monou eai amua‐awka?-?makina. A 7 vaki u aneape, u anea’ane maura pani u pokoiliviai limakina.
11Lekuleku animala ane u ua‐rokoanave, a eai u a?-?rokoanakea, u amua a’a 8 vaki, a u kaupu 7 inu a’a ane, oava ai u enana ane.
12Rawre 10 ane ni inamu‐eiane euna oro amua a’a 10 ane amua‐pakara ai oro inavape, a pani mau’u e lekuleku animala kiripai amua a’a orau oro iva miakana.
13Oro lai monou mi’ina, omo venea, iva ane, lekuleku animala oro awkuakana.
14Mamoe Mere kiripai oro apakinavakana, Mamoe Mere awkoni‐ekavakana ane; uku amua a’a anu Amua U uarokona. Oro ane u kiripai oro enana, oro laea‐elauakeina, ie’eiakeina ane, miki‐rokoa a’a, Una kenia oro aua‐miakana.
15U erau voa kuruinave, Ere ni inamu‐eiane euna, ere ane upa mere kana a’e pa’ana, oro a’a aruru aruru, kaki a’a e e, voa e e a’a ane.
16Rawre 10 ane ni inamu‐eiane euna, lekuleku animala ane, kana a’e oro vai’i‐awkavakana, oavakana ane, irikaiva‐eakana ane. Una oia oro navakana, i iau ruawkavakana ane.
17Uku Eloi lai ekuane euna Una lai evere’eai, omo amua eiei lekuleku animala awkuai ane, anea’anea Eloi inu voa evere’eakeia’ane.
18A’e ane ni inamu‐oiane euna u pai’iri ane u amua a’a anu iva mi’ina pani va’au unu amua a’a amua‐ekavai.
Currently Selected:
Apokalupo 17: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
