Apokalupo 16
16
1Iaa marea mere voa araro nai virinave, aivara‐avaea 7 erau voa ekinave, Enara, epomara 7 mere Eloi inu iara orekane pani va’auai.
2Pinai aivara‐avaea enanave, una epomara mere u orekanave pani va’au ai; muri lipi auma kukunu omo kape ai erenave, oro ane lekuleku animala anu kaipoua oro miaka, una imunu ane oro avioinave.
3Aivara‐avaea rere vaki una epomara mere ere aura ai orekanave ere aura imua a’a anu aro orau evere’enave, inapei kavakava ere aura ai imunave.
4Aivara‐avaea rere kaiane vaki una epomara mere orekanave aiara ai, awvi’aumu ai ane, oro aro evere’enave.
5Ere enu aivara‐avaea erau voa kurunave nai virinave, Ni anana keina, Amua e, Ni ane Ni ua‐rokona, ua?-?rokoanave ane, uku Ni ipu‐miane euna.
6Uku Ni iaa a’a anu aro oro orekanave, laikorava a’a anu aro ane, uku navai Ni aro ekuane euna. Omo kavani miki ioure.
7Voa ane iaa pakara mere nai virinave erau voa kurunave, Lia, Amua Eloi e, awku uriria anu Amua e, Ni voa‐vevea miki, anana ane, keina.
8Aivara‐avaea morere?-?morere vaki una epomara mere orekanave lare upa mere, lare iva awkuakei’inave i iau a’a vero‐e‐avai.
9I iva ovara a’a vero‐e‐avakei’inave; Eloi ane U iva miaka ni’iri maia amua‐ekavai Una nawi oro onaili’?-?inave, oro lai a‐urukinavea oro avioiane‐iai.
10Aivara‐avaea 5 vaki una epomara mere orekanave le?-?kuleku animala anu amua‐pakara ai; una amua eiei muru evere’eakei’inave. Uku kukunu‐mai omo anai a’a vei’enave.
11Eloi pani muku ai oro onai‐awkinave uku omo kukunu, omo auma ane, eiai; omo namea opara mere oro lai a‐urukinavea.
12Aivara‐avaea 6 vaki una epomara mere orekanave Euparati aiara ovara ai; aiara anu ere lavere?-?eakei’inave, uku anu eiei inu amua anu kapea evere’ea?-?keia’ane‐iai.
13Upu avaea rere kaiane nai inamu‐ei’inave, omaia mikirimakei’inave, Iara animala anu ane mere elemanenave, lekuleku animala vaki inu ane mere, arauau laikorava a’a anu ane mere ane.
14Uku oro diabolo onu avaea iva veia limakina, avaea ane oro elena pani va’au iki inu amua a’a amua‐ekavai, kaupukiai ane, apaki eiai, apaki ane aneakana Eloi inu ovara lare ai, Eloi ane U awku uriria anu Amua rokona.
15(Avapu a’a orau Nai aneliviai anelia. A’a ane u rokoaka‐pokoina, una a’a kape u oivirina, u irikaiva are rokonavaia, makiri mi’inavaia ane, u kopai‐awkavakeina.)
16U kaupu‐ekanave mako ai nawi, Heberu voa, Hara‐Magedona.
17Aivara‐avaea 7 vaki una epomara mere orekanave pani ai; iaa marea amua‐pakara mere voa araro elemanenave, erau voa kurumakei’inave, Awku kavakava evere’eakeina.
18Evao onu para, voa ane, kaia anu kiri ane, e’e’okanave, oioi ovara‐mai ane, eni pani oioi orau miakape a’a anu pani pani va’au ai.
19Pai’iri ovara la’a rere kaiane kokoravakei’inave; kaki a’a anu pai’iri ara’anave; Babulonia ovara lai?-?kora‐awkiakei’inave Eloi inu paku ai, Una iara anu koiri mere u nava’ane‐iai.
20Iniki kavakava area‐enanave, akapu eria uakei’inave.
21Lai rawre mu’u, taleni mu’u mikirinave, kaia mere ara’anave a’a upa mere; oro Eloi onai‐awkinave lai rawre eiai, uku lai rawre enu kukunu ovara‐mai kei’inave.
Currently Selected:
Apokalupo 16: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
