Apokalupo 15
15
1Veia mo nai inamu‐oinave pani muku ai, veia ovara, momo’ore ane, aivara‐avaea 7 ni’iri‐maia 7 oro mi‐anemakei’inave. Ei ni’iri‐maia ika ni’iri‐maia keina, uku Eloi inu iara iki oro ipawkina.
2Nai inamu‐oinave ere aura varivari mikirimakei’inave iau kiripai apaueakei’inave, oro ane lekuleku animala vaki oro awkoni‐awka?-?vaka, una imunu ane, una nawi inu numero ane, varivari ere aura ai oro oimakei’inave, Eloi inu kitara oro mimakei’inave ane.
3Mose, Eloi inu aivara anu awni, oro awni‐awkamakei’inave, Mamoe Mere enu awni ane. Oro erau voa kurumakei’inave, Ni iaki oro ovara keina, momo’ore keina ane, Amua Eloi e, awku uriria anu Amua e. Ni kapea anana‐keina, miki keina ane, Kaki a’a anu Amua e.
4U ane u koana u kore?-?liapea, Amua e, Ni nawi ane u avioiapea? Uku Ni e iaa‐keina. Kaki a’a uriria aneakana, aviniakana ane, Uku uriria anu anana Ni liane euna ipawkiakeia’ane euna.
5Iaa marea anu ione komo marea anu kikau auakei?-?aka’ane pani muku ai, nai inamu‐ekinave,
6Iaa marea mere aivara‐avaea 7 elemanenave, oro ane ni’iri‐maia 7 oro mi‐anemakei’inave. Urupu akuru a’a kape oro luki‐emiakei’inave, laiko moni awre omo ukari ai oro emiaka.
7Rokoa animala morere?-?morere enu vaki monou aivara‐avaea 7 laiko‐moni epomara 7 ekunave, epomara ane Eloi inu iara evopoakei’inave, Eloi ane U ua‐rokona opai keiakana.
8Iaa marea iana evopoakei’inave Eloi inu evao’evao mere, Una iva mere ane; a’a kapeo iaa marea ikiriai li’inave, anea’anea ni’iri‐maia 7 oailiakeia’ane, oro ane i aivara‐avaea 7 mi‐aneakei’inave.
Currently Selected:
Apokalupo 15: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
