Apokalupo 14
14
1Nai inamu‐ekinave, Mamoe Mere Siona akapu upa mere oimakei’inave nai inamu‐oinave, U kiripai a’a aruru 144,000 kei’inave, Una nawi, Una Mai inu nawi ane, omo iara ai kikiriakei’inave oro emiaka.
2Pani muku mere nai virinave awni ere aila anu rawre, kaia anu kiri ane, mikirinave; awni nai virinave kitara a’a anu awni mikirinave omo kitara oro awni‐awkamakei’inave.
3Awni nawawrea orau oro awni‐awkamakei’inave amua‐pakara paku ai rokoa animala morere‐morere, Mai‐oro ane, enu paku ai; kurua awni a’a kapeo ipaliai li’inave, a’a aruru 144,000 oro e, oro ane pani va’au mere oro inaea‐elaukeiaka.
4Oro ane i a’ero oro upu?-?eiakeiakape: a’ero oro a‐ipali’inavea. Mako‐mako ai Mamoe Mere enana oro e’e’okana. A’a awkono avao mere oro inaea‐elaukeia’ane euna, maura‐uru orau Eloi eiai Mamoe Mere eiai ane.
5Arauau voa eria omo ane epo ai auiakeia’ane euna: oro namea eria keina.
6Aivara‐avaea mo nai inamu‐oinave kaia ai area‐enamakei’inave, opai Iva voa vakarumakei’inave kaki a’a kavakava, avai a’a ane, voa e e a’a ane, a’a aruru ane, omoro kurueai, oro ane pani va’au ai oro pokoina.
7Voa araro u erau voa kurunave, Koreli’ine Eloi eiai, avioine ane, uku Una voa vevea pani ei‐anena; avioine U ane kaia, pani va’au ane, ere aura ane, awvi’aumu ane, U einave.
8Aivara‐avaea mo e’e’okanave, erau voa kurumakei’inave, Babulonia ara’ane euna, kurua pai’iri ovara ara’ane euna, u ane kaki uriria u einave una eiri inu ere iara navai.
9Aivara‐avaea rere kaiane vaki e’e’okanave, erau voa kurumakei’inave, Lekuleku animala vaki a’a avioiane, una imunu ane, una iara ai naea, una eve ai naea, u kaipoua miane,
10Eloi inu iara anu ere u navakana, venea ere ane Una iara anu koiri laru ai uakeina, i iau, auma‐pairama ane, u kukunu‐eakeiakana iaa aivara‐avaea paku ai, Mamoe Mere paku ai ane.
11Omo kukunu unu iana inamakina opai keiakana; lekuleku animala anu avioia a’a, una imunu unu avioia a’a ane, oro laikaiapea lare pani, kipere pani ane, orau awku oro eiai oro ane una nawi inu kaipoua oro mi’ina.
12Eu ai pani uakeina iaa a’a omo iviri ipawkiai, oro ane Eloi inu Vupu oro kamaia‐ekana, Iesu unu pirimaroakoa ane.
13Nai voa virinave pani muku mere kurumakei’inave, u erau voa kurunave ane, Ei voa kikirine, Oro ane oro Amua ai imuna ei pani mere oro kopai‐ekavakeiakana. Avaea kuruna, Lia, omo iaki mere oro laikainameki, uku iaki oro liane euna oro kiripai enana.
14Nai inamu‐ekinave, urupu awporo erenave ane, awporo upa mere Monou pa’amakei’inave A’a anu Mere u mikirinave, Una uku upa mere laiko moni kaukoua U miaka, Una eve mokono ai araea‐rawvi akere U miaka ane.
15Aivara‐avaea mo iaa marea mere elemanenave, voa araro laea‐ulaumakei’?-?inave, U ane awporo upa mere U pa’anave, erau voa kurumakei’inave, Ni araea‐rawvi awkane, eine ane: uku pani ei‐anena uru roikiai: uku pani va’au unu uru nepa‐mai keina.
16U ane awporo upa mere U pa’anave Una araea‐rawvi U pani va’au ai kai’inave, pani va’au unu uru roikiakei’inave ane.
17Aivara‐avaea mo iaa marea mere elemanenave pani muku ai, u awku araea‐rawvi akere vakarunave.
18Aivara‐avaea mo iaa‐pakara mere elemanenave, u ane iau u amua‐awkanave, voa araro u kurunave, u ane u akere araea‐rawvi miaka, erau voa kurumakei’inave, Ni akere araea‐rawvi ni awkane, pani va’au unu iri mere uru‐kaupu eina, uku una uru nepa‐mai keina.
19Aivara‐avaea una araea‐rawvi awkanave, pani va’au unu iri uru ei’inave ane, Eloi inu iara anu oinia ovara laru ai u iri uru kaienave ane.
20Iri uru oiniakei’inave pai’iri iki ai, oinia eiei mere aro elemanenave awki inu ane‐epo eiei inamakei’inave, maili 200 aparemakei’inave ane.
Currently Selected:
Apokalupo 14: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
