Apokalupo 13
13
1Miri ai nai oinave, lekuleku animala ere aura mere inamakei’inave nai inamu‐oinave. Uku 7, rawre 10 ane, u emiaka; una rawre 10 upa mere amua‐kiku 10 kei’inave, una uku upa mere mai‐voa nawi kikiriakei’inave.
2Lekuleku animala nai inamu‐oinave lepara mikirinave, una are bea anu are mikirinave, una ane lioni inu ane mikirinave: amua lekuleku animala vaki una iva awkunave, una amua‐pakara ane, una amua‐awkava ane.
3Nai inamu‐oinave una uku monou ruawmiakei’?-?inave imua arekamu ai; a una imua awkoro aukarikavakei’inave, pani va’au iki varuavakei’inave, e’e’okanave ane.
4Amua lekuleku animala vaki oro avioinave, uku u lekuleku animala iva awkuaka; lekuleku animala awku oro avioinave, erau voa kurunave ane, Ei animala koama‐mikiri’i? Ei animala kiripai apakinavai koamali’i?
5Ane u awkuakei’inave mai‐voa, meramera voa ane, evopoakei’inave; iva awku u awkuakei’inave iva awkavai ia 42 inu pani ai orau u umuli’inave.
6Una ane u aikanave mai‐voa kuruai Eloi eiai, Una nawi, pokoia mako ane, onailiai, oro ane oro i‐pokoina.
7U evere’eakei’inave ane iaa a’a kiripai apakinavai, awkoni‐ekavai ane: iva u awkuakei’inave ane avai a’a kavakava, voa e e a’a ane, kaki a’a ane, amua‐ekavai.
8A’a uriria pani va’au ai pokoimakina oro avioiakana; oro ane omo nawi Rokoa anu buka laru ai kikiriakeiape, Mamoe Mere enu buka, U ane U epie‐pei awkuakeia’ane euna pani va’au unu ea pani mere.
9Keporo‐mia a’a u virinamoki.
10A’a ane u umuliane a’a e piriaka‐eravai, u piria?-?ka‐enavai limakina. A’a ane u umuliane a’a e rawvi avai, i rawvi u avakeiai limakina. Eloi inu a’a anu iviri, pirimaroakoa ane, enu ipia‐mia eu aku.
11Lekuleku animala mo nai inamu‐oinave ka’e mere inamakei’inave. Mamoe mere enu rawre orau u rawre rere emiaka, a amua lekuleku animala orau u kurunave.
12Pinai lekuleku animala anu iva iki u awkana una paku ai, pani va’au, pani va’au unu pokoia a’a ane, u eina pinai lekuleku animala avioiai, u ane una imua awkoro aukarikavakeiaka.
13Iva veia ovara awku u li’ina, iau pani muku mere u ena pani va’au ai kinuai a’a anu paku ai.
14I ei iva veia pani va’au unu pokoia a’a u ewaea‐ekana, ei iva veia liai pinai lekuleku animala paku ai u iva miaka. Pani va’au unu a’a u ekinave imunu la‐okavai lekuleku animala eiai, u ane i rawvi u awkoro miaka, u rokoanave ane.
15Iva awkuakei’inave le?-?kuleku animala anu imunu rokoa awkuai, lekuleku animala anu imunu voa kuruai li’inave, oro uriria ane imunu avioiai oro inakali’inave, oro avakei’inave u evere’enave.
16A’a uriria, mau’u, ovara ane, amua, rurupu ane, ururua a’a, aivara‐piria a’a ane, u eina, kaipoua miai omo eve miki ai naea, omo iara ai naea:
17A’a aru inaeali’ina?-?vaia u kaipoua miaka livilia, lekuleku animala anu nawi naea, numero naea, numero ane una nawi mikirina.
18Iaki eu ai lai evera a’a eiai. Lekuleku animala anu numero lai evera a’a akona?-?moki; uku kurua numero a’a monou ipawkina, una numero 666 keina.
Currently Selected:
Apokalupo 13: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
