Apokalupo 12
12
1Momo’ore awku ovara pani muku ai inamu‐oiakei’inave, a’e lare luki‐awmiakei’inave, una are arau ai ia u miaka ane, rawpu 12 awku u emiaka apakoro orau una uku piriakei’inave,
2U nemo kei’inave, vikirimakei’inave ane, ukua kinia kukunu eiai.
3Momo’ore awku mo pani muku ai inamu‐oiakei’inave; lekuleku animala ovara vaki, aro vaki ane, uku 7, uku?-?rawre 7 ane, u emiaka; una uku upa mere amua‐kiku 7 kei’inave.
4Kaia anu rawpu kaupu rere kaiane enu kaupu monou una aw lakinave u neko ai, pani va’au ai u kaienave ane. A’e ane u ukua kiniai awkamakei’inave una paku ai lekuleku animala oimakei’inave uku ukua navai u kiniakeia’ane.
5A’e mere kininave, vaki ane, u ie’eakei’inave kaki a’a uriria i auri‐kavai amua‐ekavai. A a’e enu mere Eloi ai, Una amua‐pakara ai, u ekeakei’inave,
6A a’e area‐enanave kekepere ai, kurua mako ai Eloi evere’eaka u eiai, iou ai u oiviriakeia’ane‐iai lare 1,260 inu pani ai.
7Mikaela, una aivara‐avaea ane, lekuleku animala vaki, una aivara‐avaea ane, kiripai apakina’anave pani muku ai.
8Lekuleku animala vaki, una aivara‐avaea ane, awkoni‐ekavakei’inave, neko mere ai mako eria uakei’inave oro eiai pani muku ai.
9Lekuleku animala ovara vaki, eni pani paiko, u ane u Diabolo. Mani Vaki ane, oroiakeina, u ane u pani va’au iki ewaea‐awkana, u laoiakei’inave, pani va’au ai u laoiakei’inave, una aivara‐avaea ane u kiripai laeiakei’inave.
10Voa araro nai virinave pani muku ai kurumakei’inave, u erau voa kurunave ane, Ene Eloi inu iawka, iva ane, Amua‐eiei ane, Una Keriso onu amua‐awkava ane, eai ei‐anena; uku ene aroa a’a anu onailia vaki laoiakeia’ane euna, u ane lare mo, lare mo, kipere, kipere mo, u onai‐elaunave Eloi inu paku ai.
11Uku Mamoe Mere enu aro, uku ione ane oro ione liane euna, oro awkoni‐awkava’ane euna, uku ane oro imuai oro kore‐a‐li’inavea.
12Ei uku eiai kopaili’ine, Pani Muku e, noro awku noro Pani Muku ai pokoina! Umu e pani va’au eiai, ere aura ane eiai! Uku diabolo noro ai kinuane euna; u iara‐mai evopoakeina uku u ipali’ina una pani uma keina.
13Diabolo inamu‐oinave’ane pani va’au ai u laoiakei’inave, a’e voroai u enanave, a’e ane u vaki ukua kiniaka.
14Akiamu ovara anu vao rere a’e ekuakei’inave, u area‐enavai kekepere ai paiokavai, kurua mako ai evere’eakeiaka u eiai, i‐oi?-?viriakeiai pani eiei monou, pani eiei rere mo, pani eiei mau’u ane, iou ai paiko aneai a‐li’inavea.
15Una ane mere paiko ere ovara, aiara ere aru orau, u orekanave, i ere aru a’e oavai u araea’araeali’inave.
16A ka’e a’e paiokanave, aiara na’anave ane lekuleku animala vaki una ane mere orekavaka.
17Ei uku eiai lekuleku animala vaki ia’ia‐mai kei’inave a’e eiai, a’e enu ukua mere e kiripai apakinavai u mako e enanave, oro ane Eloi inu Vupu oro kamaia‐ekana, Iesu unu ione voa ane oro a’akina.
Currently Selected:
Apokalupo 12: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
