Apokalupo 11
11
1U’i ikuakei’inave ikiau eiai, aivara‐avaea erau voa ikinave ane, La’ane, Eloi inu iaa marea ipine, iaa‐pakara ane, a’a ane iou ai avioina ni akone.
2A iaa marea anu ainamere iki ai keinamoki. Pa ipiai, uku ou mako lai unuku a’a ekuakeia’ane euna, iaa pai’iri ia 42 oro oavaka‐are?-?oiniakana ane.
3Na ione orere Nai ekiakana laikorava voa kuruai lare 1,260 pani ai, orere laka luki‐emiakeiakana.
4Ei ione orere oliva iri rere rokona, orere lamepa rere ane pani va’au unu Amua anu paku ai oina.
5A’a e‐avai ipia‐miane, iau omo ane mere elemanena, omo mani a’a e’a’ana ane: a’a e‐avai ipia‐miane orau u avakeiakana kapoi.
6Iva ekuakeina kaia awkuai, lai kinunavaia pani ane orere laikorava voa kuruane: iva ane orere mi’ina ere eai aro evere’eai, pani va’au ane maia e e awkuai panipani ai orere umuliane.
7Omo ione voa iki orere oailiane, Lekuleku Vaki ane u eporo aroa mere inavakana, orere kiripai u apakina’aka?-?na, u awkoni‐ekavakana, e’avakana ane.
8Omo imua kape pai’iri ovara anu kanikara ai keiakana, pai’iri ane una avaea nawi Sodoma, Aikupito ane, kurua pai’iri ai omo Amua iri keoa upa mere avakei’inave.
9A’a aruru uriria unu a’a, avai a’a ane, voa e e a’a ane, kaki e e a’a ane, omo imua kape inamu‐eki’ekava?-?kana lare rere kaiane enu pani ai, pani mo ane, omo imua kape i’iai oro evere’eiapea.
10Uku orere imuakeina pani va’au unu pokoia a’a kopailiakana, kekeliakana ane, la’aruku ekuakana ane, uku laikorava a’a rere pani va’au unu pokoia a’a orere kukunu‐eiaka.
11Lare rere kaiane, lare mo onu pani mau’u ane, periakei’inave’ane, rokoa anu ivakumu Eloi mere ikiri’?-?enave, orere lala’anave, a’a uriria ane oro inamu‐ei’inave oro kore ovara evopoakei’inave.
12Voa araro orere virinave pani muku mere laea?-?elaumakei’inave, inavai pani muku ai ekimakei’inave; awporo ai orere inanave pani muku ai; omo mani a’a inamu‐ei’inave ane.
13Kurua pani ai pani va’au oioi ovara li’inave, pai’iri inu eiei 10 vaki ara’anave, oioi eiei ai a’a 7,000 e’avakei’inave: rokoa pokoia a’a varuavakei’inave, pani muku unu Eloi oro avioinave ane.
14Kukunu rere vaki periakeina; kukunu rere kaiane vaki epua aneakana.
15Aivara‐avaea 7 vaki una pi’i laeali’inave; voa araro pani muku mere erau voa kurunave, Pani va’au unu amua‐awkava ene Amua, Una Keriso ane, eai mi’ina; U Amua rokoakana opai keiakana.
16Mai‐oro 24, oro ane pakara ai oro papa’ana Eloi inu paku ai, oro are epo ai’inave, Eloi avioinave ane,
17Erau voa kurumakei’inave, Enei kopai‐nikana, Amua Eloi e, a’a uriria anu Amua e, Ni ane Ni rokona, rokoanave ane, Uku Ni iva, Ni iva ovara, Ni awkava’ane euna, Amua evere’eane euna ane.
18Kaki a’a ia’ia evere’enave, Ni ia’ia anea’ane euna ane, Pani ane imua a’a voa veve’eiai, pani ane Ni aivara laikorava a’a, Ni iaa a’a ane, omo kavani Ni ekuai, oro ane oro avinina, lai vaparia a’a, amua a’a ane; e’avai ane oro ane oro pani va’au oa’ana.
19Eloi inu iaa marea anu kikau auakei’inave pani muku ai, Una Kuruei voa anu maua iaa marea laru ai inamu‐oiakei’inave; evao onu para, voa ane, kaia anu kiri ane, oioi ane, lai rawre ovara ane, anenave.
Currently Selected:
Apokalupo 11: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
