Pilipi 1
1
1Paulo, Timoteo ane, Iesu Keriso onu aivara a’a, ei voa enere kikirina iaa a’a uriria eiai, oro ane oro Keriso Iesu unu a’a Pilipi ai rokona, omoro a’a, diakona a’a ane:
2La’aruku, airu ane, Eloi ene Mai mere, Amua Iesu Keriso mere ane, noro mi’ine.
3Uku na lai kavakava noro eiai na Eloi nai kopai‐awkana,
4Panipani ai nai nawki‐awkava’ane noro uriria eiai, nai kopai mi’ina,
5Uku nomo paioka eiai Iva voa upurukiai pinai lare mere anea’anea eai pani ai.
6Uku nai ipali’inake, U ane U ei ima iaki noro laru ai pinai‐liane euna, ei iaki U liakana anea’anea Iesu Keriso onu lare ai.
7Opara anana nai orau laikoravai uku noro uriria eiai, uku na kipura piria pani ai, pani ai awku Iva voa eiai apakinavai, Iva voa anu miki ipawkiai, nai oiane; na umu ai nai na‐mi’ina, uku noro nai kiripai ei la’aruku monou aua‐mi’ina.
8Uku Eloi na ione ua?-?rokona, i Keriso Iesu unu umu‐mai noro uriria nai umu‐nakana.
9Na nawki eire, uku nomo umu lai evera, lai parea ane, meriane‐iai, voa e kevakeva noro ipia‐miane‐iai;
10Uku opara ima noro evere’eane‐iai; noro awku opara parea a’a keia’ane‐iai, mua eria miane‐iai, anea’?-?anea Keriso onu lare ai;
11Ei opara anana anu uru i Iesu Keriso mere anena noro evopoakeia’ane‐iai, Eloi inu kopai, avioia ane, eiai.
12Uku noro ipaliai nai umuli’ina, ovaki airavaki e, lai kukupuna nai miane euna Iva voa upurukiai oro paioka’ane euna.
13Amua anu aiai uriria awkono avao ai, mako‐mako ai ane, ei voa ipaliakeina, nai kipura piria a’a keina Keriso eiai;
14Aroa a’a aila ane, i na kipura piria iviri‐eiakeina, kore eria eai Eloi inu Iva voa oro iviri omoro kuruna.
15Omo a’a varomo, uku namani, iara ane, oro Keriso omoro kuruna, a a’a e uku umu oro Keriso omoro kuruna.
16Ei ika kaupu Keriso omoro kuruna uku oro umu‐ikana, oro ipalimakina uku Iva voa eiai apakinavai nai eu ai pokoina;
17A pinai kaupu Keriso omoro kuruna uku namani, ewaea ane, eiai: oro laikoramakina orau na kukupuna kipura marea ai oro ovara?-?emakina.
18Oiama‐kuru’i? Ewaea voa naea, voa miki naea, Keriso omoro kuruakeina; ou uku eiai nai kopaili’ina, lia, kopailiakana ane.
19Uku nai ipali’inake, i nomo nawki mere, Iesu Keriso onu Avaea ane, ei omoro opara urukiakana na iawka eiai,
20Orau nai iviri umuli’ina, araea’araea li’ina ane, nai uku mi’inavaia makiri ipaliai, a i na iviri voa panipani ai, eai awku Keriso avioiakeia’ane‐iai na kape ai, i na rokoa naea, i na imua naea.
21Nai rokoane, Keriso eiai nai rokona, nai imuane, kavani nai mi’ina.
22Nai kape ai rokoane, iaki mo uakeina nai eiai, uru meria iaki ane: rokoai naea, imuai naea, eka ie’eai nai a‐ipali’inakea.
23Nai lai koravakeina orere eiai; enavai Keriso kiripai pokoiai nai umuli’ina; ima‐ima miki ioure.
24A uku uakeina nai kape ai pokoi‐liviai uku noro eiai.
25Ei lai nai mi’ina, nai ipali’ina kapoi noro kiripai nai pokoiakana, noro uriria kiripai iaki‐limakeiakana, uku nomo pirimaroakoa anu la’ava, kopai ane, paiokavai:
26Orau noro avioia uku mo miane‐iai Keriso Iesu ai nai eiai, uku noro ai nai vairuna.
27Noro oivirine nomo opara Keriso onu Iva voa avioiane‐iai, noroainai anea’ane, inamu‐naiane naea, nai aneape liane, nomo uru e nai viriane naea, nai ipaliane‐iai noro avaea monou oimakina, lai monou ane a’a monou orau Iva voa anu pirimaroakoa eiai noro apakina’amakina;
28Nomo mani a’a anu paku ai noro kore pa liai. Nomo iviri omo oava anu veia keiakana, a noro eiai nomo iviri nomo iawka anu veia keiakana, veia Eloi mere anemakina.
29Orau iva nakuakeina Keriso pirimaroakoai, orau iva nakuakeina kukunu miai Keriso eiai;
30Apaki nai miaka noro inamu‐oinave ane, eai virina nai mi’ina, kurua apaki noro awku mi’ina.
Currently Selected:
Pilipi 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
