Pilipi 2
2
1Keriso onu e’e’okava a’a orau nai nanuku‐nakava’ane, umu awku ailia iva miane, Avaea anu aua‐mia opara uakeia’ane, lai kekepa, umu ane, noro miane,
2I nomo lai ipi’ipia na kopai noro oaili’ine, i umu monou noro painakiakeina, uku awku monou eiai nomo lai, lai monou orau, ekumakina.
3Uku lai manipu eiai, lai kauakaua eiai, awku eria li’ine, lai kekepa a’a monou‐monou laikoranamoki a’a e enu opara ima una opara ima upai keina;
4A’a kavakava una awku e u pa eiviriai, a’a e enu awku u eivirinamoki ane.
5Ei lai Keriso Iesu laru ai kei’inave noro laru ai noro awku mi’inamoki.
6U ane U Eloi ipi’ipiakei’?-?inave, U a‐laikoranavea Una ipi’ipia Eloi kiripai U kane a’akiai limakina.
7Una evao’evao U erenave, kamaia aivara U evere’enave, a’a e orau a’a U kinia?-?kei’inave.
8A’a orau U ipaliakei’inave, Una nane U rurupu?-?awkanave, imuai U vapari?-?awkinave; lia, iri keoa upa mere imuai.
9Ei uku eiai Eloi mukua epe’epe are’eane euna, nawi awku oroiane euna, nawi e kavakava anu upai mukua epe’epe keina,
10Uku Iesu unu nawi ai are epo kavakava aiane‐iai, pani muku ai, pani va’au ai ane, pani arau ai ane,
11Anai kavakava ane iki e’eane‐iai Iesu Keriso U Amua ua‐rokona Eloi Mai inu avioia eiai.
12Ou uku eiai, na naumuki a’a e, uku panipani ai noro kamaia‐liane euna, na pokoia pani ai noro kiripai, pani e ane, eai pani nai noro kiripai pokoiapea, iaki iviri li’ine nomo iawka eiai.
13Uku Eloi ane noro laru ai, Una iva ane umu ena Una veruku lai liai, ei umu awku U evere’ena.
14Noro oivirine uku voa momou‐momou eiai, voa e kevakeva eiai,
15Panipani ai noro ipanakiane‐iai noro namea eria keina, noro mua eria keina, Eloi inu opara anana mere keina, lai kukia, inaka‐lia, kiri a’a awkono avao ai, oro awkono avao ai pamea orau noro akuruli’ina pani va’au ai,
16Oro eiai rokoa anu Iva voa oiokamakina; uku nai kopailiane‐iai Keriso onu lare ai, awku kape eiai nai a’epea?-?kavakape, awku eria eiai nai iaki liakape.
17Na rokoa anu aro nomo pirimaroakoa epie la’aruku upa mere orekavakeia’ane, nai kopai li’ina, noro uriria ane nai kopai‐nakana.
18Ei uku eiai noro awku kopaili’ine, kopai‐ikane ane.
19Amua Iesu evere’eane, nai araea’araea li’ina Timoteo noro ai okaivirina vailiai, nai nomo uru miane‐iai nai pai’ikavakeia’ane‐iai.
20Uku a’a e kapeo nai mi’ina, u ane u umu‐nakava?-?kana kapoi.
21Uku a’a uriria omo awku eivirina, Iesu Keriso onu awku oro a‐eivirinakea.
22A Timoteo onu opara noro ipali’ina, ukua orau una mekai kiripai iaki limakina, nai kiripai u iaki liane euna Iva voa upurukiai.
23U ane okaiviriai nai araea’araea li’ina, nai inamu‐oiane uku iru pani inu awku nai eiai;
24A Amua ai nai pirimaroakoamakina nai awku anenavailia noro ai.
25A nai laikorana uku uakeina Epaparodito noro ai emoki okaiviriai, na aroa a’a, na iaki paioka a’a ane, na aiai avai a’a ane, a u nomo iva voa a’a u kamaia’?-?ikava’ane euna.
26Nai okaivirina uku noro uriria inamu‐naiai u umuli’ina, u lai mu’u‐awka?-?vakeina uku una maia anu uru noro viriane euna.
27U maia keia’ane euna kapoi, imua arekamu ai kei’inave ane; a Eloi umu‐awkavaka, nai awku U umu‐ikavaka, lai kukupuna mo nai mi’inavaia.
28Ei uku eiai okaiviriai nai umuli’ina, noro moawku inamu‐oiane noro kopailiane‐iai, orau na kukupuna mau’u evere’eakeia’ane‐iai.
29Uku Amua eiai noro kopai umu‐aine, a’a ane u orau noro avi’eine.
30Ei uku eiai, uku Keriso onu iaki eiai imua arekamu ai u anenave, una rokoa e’ei ai aimakei’inave u pai’?-?ikava’ane‐iai, uku paioka noro mere miakape.
Currently Selected:
Pilipi 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
