Epeso 6
6
1Ukua mere e, ekalesia anu kamaia opara orau, nomo mekai, mei ane, noro kamaia‐ekane: uku ei opara anana keina.
2Ni mekai, mei ane, avi’eine; pinai vupu eire maura‐voa mi’ina;
3Awku ima keia’ane‐iai ni eiai, ni va’au rokoane‐iai pani va’au ai.
4Noro mekai e, nomo ukua mere noro iara pa ekavai: ekalesia ipawkia voa miki, paioka voa ane, noro ipekine.
5Aivara e, nomo pani va’au amua kamaia‐ekane, lai avioia, lai kekepa ane, lai monou ane, orau noro Keriso kamaia‐awkava’ane.
6Lai kaikai iaki a’a orau noro pa liai; Keriso onu aivara a’a orau noro kamaia‐ekane, aivara ane omo umu mere oro Eloi kamaia‐awkamakina;
7Lai kopai nomo iaki ima li’ine Amua eiai, a’a eiai peo;
8Noro ipali’ina kapoi, a’a piria aivara keia’ane, ururua a’a keia’ane, u iaki ima liane, kavani una iaki eiai Amua mere u miakana.
9Noro awku, amua a’a e, opara orau li’ine nomo aivara eiai, iara voa pa kurueai: uku noro ipali’ina pani muku ai Monou uarokona, U ane nomo Amua, omo Amua ane, U uarokona; opara e e a’a e e eiai U miape.
10Ika voa eire, na ovaki airavaki e, iviri‐nakane Amua ai, i Una iviri Una iva‐mai awkuna ane.
11Eloi inu aiau vaupa iki noro luki‐nami’ine, noro iviri oiane‐iai diabolo onu ewaea uriria paku ai.
12Uku oia, aro ane, kiripai enei apakina’apea, ene mani avaea amua, avaea marevaki ane, ei pani va’au unu muru unu amua ane, avaea namea avaea mako mukua ai.
13Ou uku eiai Eloi inu aiau vaupa iki noro luki‐nami’ine, noro iviri oiai liane‐iai apaki inu lare ai, nomo mani noro awkoni‐ekava’ane euane ane, noro iviri keia’ane‐iai.
14Iviri oine, voa miki inu awre nomo muri ai pirine, opara anana ukari oiviriai ke ai eokane;
15Airu unu Iva voa anu rawre are nomo are lu?-?kine;
16Pirimaroakoa anu kore?-?paka a’akine, mani vaki inu iau ere uriria noro nomoane?-?iai.
17Iawka anu kiku noro mi’ine, Avaea anu rawve ane, kurua rawve Eloi inu Voa keina:
18Avaea ai panipani ai nawki, nanuku ane, nawki‐awkane, panipani rokoa pokoine ima pani a’akiai noro nawki‐awkava’ane‐iai Eloi inu a’a eiai;
19Nai awku eiai, uku voa ikuakeia’ane‐iai, nai iviri omoro kuruane‐iai Iva voa anu vauavaua ipawkiai,
20Ei Iva voa eiai nai iva a’a arekapu ipiriakeina: nai omoro kurumakeia’ane, nai iviri omoro kuruane‐iai.
21A uku noro awku na uru viriane‐iai, Titiko, aroa naumuki a’a, Amua anu omoro a’a miki ane, awku uriria u ipanakiakana:
22Noro ai nai okaiviriane euna uku noro ene uru viriane‐iai, nomo umu ane u paiekava’ane‐iai.
23Eloi Mai mere, Amua Iesu Keriso mere ane, airu, umu ane, pirimaroakoa ane, aroa’a’a mi’ine.
24Oro ene Amua Iesu Keriso miki umu‐awkana, oro uriria la’aruku mi’inameki. Amene.
Currently Selected:
Epeso 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
