Iakobo 4
4
1Iakava voa, kouamina voa ane, ekeimeremane noro awkono avao ai? I’ima mere peana oro ane panipani ai noro laru ai apakina’amakina?
2Noro i’emi’ina, emiai noro liapea; noro a’a a’ana; lai i’ima noro mi’ina, nomo lai evere’eai noro liapea; noro apakina’ana. Noro miape uku noro Eloi nawki‐a‐awkanakea.
3Noro nawki‐awkana naea, a noro a‐mi’inakea, uku noro kukia nawki‐awkana, awku eiai noro nawki‐awkana noro umuli’ina nomo i’ima eiai.
4Eve’eve a’a e, kana a’ero e, noro ipapeana pani va’au unu i’ima opara mani rokona Eloi eiai? Ou uku eiai a’a ane pani va’au unu i’ima opara u ie’eina u Eloi inu mani a’a rokona.
5Noro ama‐laikora’i ei Iaa revareva voa uku eria mi’ina, Voa ane erau voa kuruna, Avaea ane ene laru ai pokoiai U awkiane euna, U namani umu‐akana?
6A la’aruku mo U veruku awkuna. Orau U erau voa kuruna, Lai kauakaua a’a Eloi lari‐ekana, lai vaparia a’a U la’aruku ekuna.
7Ou uku eiai noro Eloi kamaia‐awkane; Diabolo lari‐awkane, noro mere u area‐enavakana.
8Eloi arekamu ai anene, noro arekamu ai U aneakana. Nomo eve urupu‐eine, noro namealia a’a e, nomo umu urupu‐eine ane, noro e, noro lai rere a’a keina Eloi eiai.
9Nomo rurupu ipali’ine, awni mu’u mailau awkane, araro vikirine ane; nomo keke viki evere’enamoki, nomo kopai ane makiri evere’enamoki.
10Nomo nane vaparia?-?ekane Eloi inu paku ai, U arenaiakana.
11Aroa a’a e, nomo a’a eiai voa lipi noro pa kuruai. A’a ane u voa lipi kuruna una aroa a’a eiai naea, voa veve’ena naea, u voa lipi kuruna Vupu eiai, u Vupu voa veve’ena ane. Ni Vupu voa veve’eane, Ni Vupulia a’a peo, ni Vupu unu voa vevea a’a keina.
12Vupu unu Amua monou e uarokona, U ane U iawkavai li’ina naea, U oavai li’ina naea. Ni koana ni a’a e voa veve’ena?
13Akoi’i, noro e, noro erau voa kuruna, Eai lare naea, namai lare naea, ei pai’iri naea, ou pai’iri naea, enei enanavailia, aumeia monou i‐pokoiakana, aru inaealiakana ane:
14Panipani ai noro paua?-?paua keia’ane namai inu awku eiai. Nomo rokoa oiana? Nomo rokoa maiva mikirina, maiva ane pani mau’u erena, neko mere ai periakeina.
15A erau voa noro kuruai limakina, Amua umuliane, enei rokoakana, ei iaki naea, ou iaki naea, enei liakana.
16A eai noro kopaili’ina uku nomo voa meramera eiai: voa meramera uriria namea keina.
17Ou uku eiai opara anana liai a’a ipaliane, u liape liane, u namea li’ina.
Currently Selected:
Iakobo 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
