Iakobo 5
5
1Akoi’i, amua a’a e, araro vikirine nomo kukupuna eiai, oro noro ai maura pani ai aneakana.
2Nomo amua‐aru uparu?-?liane euna, nomo a’a kape paua i ano navakeina;
3Nomo laiko moni, nomo urupu moni ane, iri‐aro keina; omo iri‐aro ioneliakana uku noro eiai, iau orau nomo oia navakana ane. Ei ika lare ai amua aru noro roikiane euna.
4Nai nakina iakilia a’a ane nomo iri uru oro roikiane euna, omo kavani noro ekuape, omo voa kavani eiai mani laea‐nalaumakina; nomo iakilia a’a laea voa pani muku aiau unu Amua anu keporo ikiriane euna.
5Eu ai, pani va’au ai, noro manipu rokoane euna, noro kaipui‐kaipui liane euna ane. Uku noro voviri na’?-?ava’ane euna nomo lai noro mu’u liane euna; oava lare anea’ane euna ane.
6Noro a’a mua‐ekava’ane euna, e‐ava’ane euna ane, opara anana a’a, u ane u mani‐a‐nakanakea.
7Ou uku eiai aroa a’a e, noro lai kekepa li’ine anea’?-?anea Amua anea’ane. Akoi’i, uru voea a’a lai kekepa aioiaka‐pokoina veve uru eiai! U lai kekepa pokoina anea’?-?anea veve pinai pani inu lai, ika pani inu lai ane, miane.
8Noro awku lai kekepa liai limakina: nomo lai iviri‐eine; uku Amua anu anea pani arekamu ai keina.
9Voa momou pa kurunaiai, aroa a’a e, noro mua‐nakavakeinavaia. Nai nakina voa vevea Amua kikau ai oimakina.
10Aipo voa eire, aroa a’a e, uku mani‐mia a’a anu iviri ipawkiai. Laikorava a’a ane oro Amua anu iva a’a oro mani iviri rokoaka‐mi’inave.
11Akoi’i, a’a ane oro rokoaka‐mi’inave orau oro li’inave enei laikorana oro kopai a’a kei’inave, Iobu unu iviri uru noro viriane euna, Amua anu opara ane u eiai noro inamu‐oiane euna. Amua umu‐mai evopoakeina.
12Na aroa a’a e, i pani muku naea, i pani va’au naea, kuruei voa pa kuruai, kuruei voa e naea. Noro lia kuruane, lia evere’enamoki, noro peo kuruane, peo evere’enamoki; noro mua‐nakavakeinavaia.
13Nomo a’a monou u kukunu ana? U Eloi nawki‐awkanamoki. A’a monou u kopai ana? U Salamo awni?-?awkanamoki.
14Nomo a’a monou u maia ana? Ekalesia anu mai‐oro aneai u okaivirinamoki, oro Eloi nawki‐awkanameki u eiai, i Amua anu nawi oro mera orekanameki.
15Pirimaroakoa anu nawki maia a’a aukarikavakana, Amua la‐okavakana ane; u namea liane euane, oro paue’?-?emiakeiakana.
16Nomo a’a paku ai nomo namea iki e’eine, nomo a’a eiai noro nawki‐awkane, noro aukarinakavakeia’ane‐iai. Opara anana a’a anu nawki miki una umu mere iva ovara mi’ina.
17Elika enei orau a’a kei’inave, u iviri nawki‐awkanave lai li’inavaia: aumeia rere kaiane, ia 6 ane, lai eria kinunave.
18U moawku nawki‐awkanave, kaia mere lai kinunave, ka’e pei la’anave ane.
19Aroa a’a e, nomo a’a monou voa miki mere kekeane, a’a mo pawru‐ena vaki kapea miki ai areka’ane,
20U ipali’inamoki a’a ane u namealia a’a una namea mere areka’ana u a’a anu imunu imua mere iaw?-?kana, namea aila ane u vaua?-?ekana.
Currently Selected:
Iakobo 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
