Iakobo 3
3
1Na aroa a’a e, nomo a’a aila omoro a’a evere’eiai noro umu pa liai; uku noro ipali’ina enei omoro a’a voa vevea kane miki miakana.
2Uku enei uriria pani aila aua’a’ana, ara’ana ane. A’a voa aua’avape aua’a’ane u opara anana a’a evere’eane euna, una nane iki u piriai li’ina.
3Auri awki inu ane laru ai enei aina oro kamaia?-?akava’ane‐iai, orau omo kape iki enei uru‐ekana.
4Orau awku uku mapea, oro ovara‐mai keina, pani aila i kavaea ovara oro laeiakeina ane, i avaro mau’u oro uru‐ekavakeina orau kapena vaki umuli’ina.
5Orau awku anai kape enu kape‐aru mau’u vaki, a u voa meramera vaki miki keina. Akoi’i, i iau mau’u pono eiei ovara iau awkuakeina.
6Anai iau mikirina. Kurua namea vaki, anai, enei laru ai aiakeina, ene nane iki upu‐awkamakina, ene rokoa anu opara iki iau awkumakina, i Gehena anu iau u iau awkuakeina.
7Uku animala anu kaupu kavakava epae’e‐awkava?-?keina, naku, vivia awku ane, emeiki ane, i a’a oro epae’e?-?ekavakeina.
8A a’a kapeo anai epae’?-?e‐awkavai li’ina. U namea rokoa vaki miki, imua anu ivave evopoakeina ane.
9I anai Amua Mai enei kopai‐awkana, i anai enei a’a anakaia‐elauna, a’a ane oro Eloi inu aipo eiakeina.
10Ane monou mere kopai voa, anakaia voa ane, elemanena. Na aroa a’a e, ei opara anana peo.
11Awvi’aumu mere ere vaiape, ere aura ane, ama?-?oreki’i?
12Na aroa a’a e, veila iri imara anu uru ama‐meri’i? Imara iri awku ma uru ama‐meri’i? Ai, orau awvi’aumu ere aura, ere vaiape ane, orekiai liapea.
13Nomo a’a koana u lai evera a’a, ima ipawkiakeia a’a ane? I una opara anana anu voa, i una lai evera anu lai iva’iva, una lai evera u ipawkinamoki.
14Nomo umu laru ai namani, iara ane, noro miane, voa meramera, voa arauau ane, pa kuruai, voa miki apakinavai.
15Kurua lai evera pani muku mere kinuapea: u pani va’au unu lai evera, u i’ima keina, u avaea lipi inu lai evera keina.
16Uku iou ai namani, iara ane, rokona, lai iakari, opara lipi kavakava ane, rokona.
17Lai evera pani muku mere u pinai urupu keina, airu ane, kekepa ane, manipu peo, umu, uru ima ane, u evopoakeina, voa e e peo, u naumuki opara eria mi’ina.
18Opara anana anu uru airu ai voeakeina, omo airu ai oro ane oro airu‐ena.
Currently Selected:
Iakobo 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
