Iakobo 2
2
1Na aroa a’a e, nomo pirimaroakoa Amua Iesu Keriso ai oiviriai noro ipia?-?mimakeia’ane, U ane U ene evao’evao rokona, opara e e noro pa miai a’a e e eiai.
2A’a nomo omoro ravi ikirimaneane, eve uru unu laiko moni aru luki‐awmimakina, a’a kape vapara ane, rurupu a’a awku ikirimaneane a’a kape araupu luki‐awmimakina,
3A’a kape vapara anu vaki noro avioiane, orau voa kuruane, Eu ai, ei ima mako ai, ni pa’ane; rurupu a’a noro erau voa kuruane, Eu ai naea ni oine, karara ai naea na are eiei ai pa’ane;
4Ei opara ipawkiapeana nomo umu laru ai noro pirimaroakoa mau’u mi’ina, voa vevea amua a’a noro evere’eane euna, lai kukia noro evopoakeina ane?
5Na naumuki aroa a’a e, virine. A’a ane pani va’au laikorana oro rurupu a’a Eloi ie’eiapeana pirimaroakoa amua a’a, Eiei inu omoro roikia a’a ane, keiai, Amua Eiei U maura‐voa kurueane euna, oro ane oro umu‐awkana?
6A rurupu a’a noro lari‐awkava’ane euna. Amua a’a peana oro na’unina? Oro peana voa vevea amua anu paku ai naraina?
7I nawi ima ane noro naroiakeina oro mai‐voa kuruapeana?
8Iaa revareva anu amua?-?vupu noro kamaialiane, vupu ane erau voa kuruna, Ni a’a ni umu‐awkavai limakina orau ni umu‐nikana, opara anana noro limakina.
9Noro avioia opara e e miane a’a e e eiai noro nameali’ina, i Vupu namealia a’a noro mua‐nakavakeina.
10A’a ane u Vupu iki kamaialiane euna, a Vupu unu aua monou u inaka‐liane euna, u mua evere’eane euna orau u Vupu aua uriria ina?-?kaliaka livilia.
11Uku U ane U erau voa kurunave, Eve’eve pa liai, erau voa U kurunave ane, A’a pa avai. Ni avé a’a keia’ane, eve’evelia a’a peo, Vupu unu namealia a’a ni evere’eane euna.
12Orau kurune, orau li’ine ane, a’a orau i ururua anu Vupu oro voa veve’eiakeiakana.
13Uku u ane u umu eria ipawkina, umu eria u voa veve’eakeiakana; a umu voa‐vevea awkoni‐awkana.
14Na aroa a’a e, oi pai’oka ana, a’a iki e’eane u pirimaroakoa mi’ina, una opara una voa mikiriape mikiriane? Kurua pirimaroakoa iawkavai amali’i?
15Ekalesia aroa a’a naea, aro a’e naea, a’a kape araupu luki‐awmiakeia’ane, pei oea‐rokoane naea, nomo a’a monou erau voa kuruena,
16Nai umu‐nakana, nomo kape iva‐ekane, pei veruku nane ane, noro ekuape ekuane awku oro oea‐rokona; nomo voa e enu pai’oka oiana?
17Orau awku uku pirimaroakoa, pirimaroakoa kamaia opara miape miane, pirimaroakoa e imuakeina, rokoa eria mi’ina.
18A’a kuruakana naea, Ni pirimaroakoa mi’ina, nai kamaia opara mi’ina: ni pirimaroakoa, kamaia opara mere lai‐awkavakeina, ipai?-?kine, i na kamaia opara na pirimaroakoa nai ipanikiakana.
19Noro pirimaroakona Eloi monou ua‐rokona, noro anana ane: namea avaea awku orau pirimaroakona, varu‐a’ana ane.
20Avu’avu voa meramera vaki e, ni ama‐ipalimau pirimaroakoa, kamaia opara mere lai‐awkavakeina, kape keina?
21Aberahamo ene mai?-?vaki, uku una kamaia opara peana opara anana a’a u upurukiakei’inave, uku una mere Isako iaa pakara upa mere epie‐pei u ai’inave?
22Ni inamu‐oina una pirimaroakoa una kamaia opara kiripai pai’okamakei’?-?inave, i una kamaia opara una pirimaroakoa anana‐eakei’inave;
23Iaa revareva anu voa evere’eakei’inave ane, voa ane erau voa kuruna, Aberahamo Eloi pirimaroakoanave, una pirimaroakoa opara anana orau akoakei’inave u eiai, nawi, Eloi inu a’a, u oroiakei’inave ane.
24Noro uriria inamu‐oina, uku pirimaroakoa e peo, a uku a’a anu kamaia opara awku, u anana a’a oroiakeina.
25Rahaba awku, kana a’e, u orau anana oroiakeia?-?peana uku una opara eiai u iva a’a eiviriaka’ane, pai’?-?ekavaka’ane, kapea e area‐enavai?
26Uku orau kape avaea mere lai‐awkavakeina, imua keina, orau pirimaroakoa awku, kamaia opara miape miane, imuakeina.
Currently Selected:
Iakobo 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
