Iakobo 1
1
1Nai Iakobo, Eloi inu aivara, Amua Iesu Keriso onu aivara ane, kaki 12 inu a’a laeiakeina pani va’au ai, oro eiai nai kikirina, nai keponaina.
2Na ovaki airavaki e, i ailia e e noro avikiakeia’ane noro kopaili’ine;
3Ipali’ine nomo pirimaroakoa anu ipia‐mimakina iva nakuna iviri‐rokoai.
4Iviri uru miki meriai evere’enamoki, anana a’a, a’a miki ane, noro evere’eane‐iai, awku eria noro oea?-?rokoamakina.
5Nomo a’a monou lai evera oea‐rokoane, u Eloi nawki‐awkanamoki, U ane a’a uriria U veruku ekuna, lai evera u awkuakeiakana, voa momou peo.
6Peroro’e’ea eria, i pirimaroakoa u nawki‐awkanamoki; uku u ane u lai peroro’e’ea mi’ina ere aura anu menono u mikirina i kavaea laoiakeina, ere karukaru eakeina ane.
7A’a orau pa laikoravai Amua mere pai’oka miai,
8Uku u lai rere vaki, u lai vanovano vaki uku una opara kavakava eiai.
9Rurupu aroa a’a kopaili’inamoki u are’eakeia’?-?ane;
10Amua a’a kopaili’inamoki u rurupu‐eakeina, uku pono onu iri‐a’a orau amua a’a imuakana.
11Lare una vero‐ava iva inana, pono paroroli’ina ane, iri‐a’a aukina, iri‐a’a anu vapara perina ane, orau amua a’a, omo aru uriria ane, paro?-?roliakana.
12U ane u ailia lai kekepa rokoaka‐emi’ina u kopai‐awkavakeina; u ailia awkoni‐awkava’ane euane, rokoa anu kaukoua u miakana, kaukoua ane Amua maura‐voa kurueane euna, oro ane oro umu‐awkana.
13A’a ailiakeia’ane u pa kuruai, Na ailia Eloi mere anena; uku namealiai Eloi ailiakeiai liapea, U a’a kapeo ailina ane.
14A’a ailiakeia’ane, i una i’ima u ewaea‐awkava?-?keina, oravakeina ane.
15I’ima ia evere’ena, namea kinina ane; namea ovara la’ava’ane, u imua kinina.
16Na naumuki ovaki airavaki e, namea pa liai.
17Ima la’aruku kavakava, anana la’aruku kavakava ane, pani muku mere anena, Mai mere kinuna ane, U ane pamea uriria anu aw U rokona. U ai opara e e uakeiapea, U ae’epuapea.
18I voa miki inu Iva voa mere Una ukua‐mere evere’eai U verukua ainave, awku unu maura‐uru orau enei keia’ane‐iai, awku ane U eiane euna.
19Ou uku eiai na naumuki ovaki airavaki e, voa viriai a’a kavakava emali’?-?inamoki, voa kuruai u akereli’inamoki, ia’ia miai u akereli’inamoki ane.
20Uku a’a anu ia’ia kurua opara a‐li’inakea, anana opara ane Eloi avioina.
21Upu opara uriria au‐ekane noro mere, namea opara ane noro ai rokona, Iva voa noro laru ai kiniakeina noro lai kekepa mi’ine, Iva voa ane nomo imunu i’ekavai li’ina.
22Ipanakine Iva voa noro kamaiali’ina, voa viria a’a e noro pa rokoai, orau ewaea?-?nakamakina.
23A’a voa viriane u kamaialiape liane, u a’a mikirina, u ane una paku varivari laru ai u inamu‐ekina.
24Una paku u keverekevere inamu‐ekiane euane, u elena, una paku unu aipo u emoki aika’ana ane.
25A u ane ururua anu anana Vupu laru ai u kevere?-?kevere inamu‐ekiane euna, u viria e a’a peo, u iakilia a’a, una kamaia eiai u kopai?-?awkavakeiakana ane.
26A’a laikora’ane u iaa?-?lia a’a miki, a una anai u piriape piriane, una lai u ewaea‐awkana, una iaa iaki kape keina.
27Iaa iaki ane urupu keina, upu eria ane, ene Eloi Mai inu paku ai eire, rurupu ukua‐mere, a’ero kepea ane, eiviriai omo kukupuna pani ai, una nane ane pani va’au unu upu opara mere oiviriai.
Currently Selected:
Iakobo 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
