Heberu 13
13
1Aroa umu rokonamoki panipani ai.
2Kikoro a’a umu ipekiai pa aikavai: uku a’a varomo orau aivara avaea pauapaua kamaia‐ekava’ane euna.
3Oro ane oro arekapu piriakeina noro eivirine, orau noro awku arekapu piriakeia’ane; oro awku oro mani‐kukunu rokoaka‐mimakina noro laikora‐ekine, uku noro awku kape ai rokona.
4A’e‐mia opara noro uriria awkono avao ai avioinamoki, eve’eve pa liai: uku kana a’e, eve’eve a’a ane, Eloi voa veve’eiakana.
5Nomo opara iawmia eria miai limakina moni eiai. Kopaili’ine uku awku eiai noro mi’ina; uku Eloi erau voa kuruane euna, Ni eve Nai uniapea panipani ai, Nai ave’niapea panipani ai.
6Ou uku eiai enei iviri kuruna, Amua na paioka rokona; nai kore miapea: A’a anu mani oiana nai eiai?
7Nomo eni orava a’a pa aiekavai, oro ane Eloi inu Iva voa noro ai oro mi‐anenave. Omo rokoa anu ika pani opara noro pa aikavai, omo pirimaroakoa noro ipi‐awmi’ine.
8Iesu Keriso namai lare, eai lare ane, opai keiakana ane, ipi’ipia rokona.
9I ipawkia voa e e kapea miki mere pa kekeai; opara ima i Eloi inu la’aruku umu iviri‐eai, i pei e e peo a’a ane oro na’ana, paioka eria mi’ina ane.
10Enei Ekalesia a’a iaa pakara mi’ina, Isaraela Komo marea omoro a’a uku eria mi’ina kurua pakara mere pei navai.
11Animala anu aro i Omoro Amua a’a Iaa ravi‐awru laru ai vakaruakei’inave namea anu epie‐pei eiai, animala pai’iri vara iki ai avakeina, omo kape iau rue?-?kavakeina ane.
12Ei uku eiai Iesu awku pai’iri vara iki ai imunave, i Una aro a’a aruru namea mere ururuai.
13Una makiri vakarumakina U ai enei elenamaki pai’iri vara iki ai.
14Uku eu ai opai pai’iri eria enei mi’ina, pai’iri ane maura pani enei miakana enei eai vorona.
15I U mere kopai inu epie‐pei iaa pakara ai enei ainamaki Eloi eiai panipani ai, kopai voa ane Una nawi kopai‐awkana.
16A’a umu‐ekavai, pai’ekavai ane, pa aikavai: uku epie‐pei orau Eloi kopai‐awkava keina.
17Nomo orava a’a kamaia‐ekane, lai kekepa mi’ine oro eiai. Uku nomo imunu oro eivirimakina, a’a orau oro ioneliai limakina omo oiviria eiai; uku oro kopai ioneliane‐iai, kukunu mi’inavaia ane. Kukupuna pai?-?oka eria mi’ina noro eiai.
18Enei eiai nawki‐awkane: uku enei ipali’ina enei lai parea mi’ina, uku opara kavakava eiai anana rokoai enei umuli’ina.
19Orau liai nai nanuku‐nakana, nai epua vairuane?-?iai noro ai.
20Eloi ane U airu awkuna, Iesu, ene Amua, imua a’a mere U moawku la‐okanave, U ane, i opai Kuruei‐voa anu aro onu iva, U mamoe enu oiviria Amua ovara ua?-?rokona,
21La’aruku kavakava U nakunamoki noro umuliane naea Una lai liai, noro laru ai evere’emakina kurua awku ane kopai‐awkavakana i Iesu Keriso mere. Enei avioinamaki opai keiakana eiai! Amene.
22Ovaki airavaki e, nai orau nanuku‐nakava’ane, noro umu‐ikane, uku uma revareva nai kikirinaiane euna.
23Uru viriai noro kopailiakana ene aroa a’a Timoteo ururuakeia’ane euna, u ema anea’ane, u kiripai nai inamu‐naiakana.
24A’a uriria ane oro amua?-?nakana, Eloi inu a’a uriria ane, noro kepeine. Italia aroa a’a keponaina.
25Noro uriria la’aruku mi’ine. Amene.
Currently Selected:
Heberu 13: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
