Heberu 8
8
1Ei voa enei kuruane eumakina omo miki eire, Omoro Amua enei mi’ina, U ane Eloi Epe’epe enu amua‐pakara eve miki mekai U pa’ane euna pani muku ai;
2Iaa mako laru ai U omoro iaki li’ina, komo omoro marea miki laru ai Amua la‐okanave, a’a peo.
3Omoro Amua kavakava aviri‐awkavakeina aro eria la’aruku, epie pei ane, ekuai. Ei uku eiai ei Omoro Amua awku epie pei miai limakina U awkuane‐iai.
4U eai pani va’au ai pokoiane, U omoro a’a keiapea, uku a’a eu ai pokoina, Vupu unu ipawkia voa orau oro epie pei ekuna,
5Pani muku awku unu aipo, avaea ane, oro kamaia‐ekana, orau Mose i Eloi awkiakei’inave u komo omoro marea la‐okavai awkamakei’inave’ane. Uku Eloi erau voa kurunave, Inamu‐oine awku kavakava ni karikiai aipo orau ipanikiakei’?-?inave akapu upa mere ai.
6A omoro a’a iaki Keriso au‐miane euna omoro iaki ima‐ima miki keina, uku kuruei‐voa ima‐ima miki inu omoro a’a U mokono ai ua‐pokoina, kuruei‐voa maura‐voa ima‐ima miki upa mere la‐okavakeina.
7Pinai kuruei‐voa namea eria miaka livilia, uku eria keia’ane euna kuruei‐voa mo evere’eai.
8Uku Eloi i Una a’a lari‐awkavakei’inave, U erau voa kuruna, Lare aneliviai anelia, Amua kuruna, Isaraela avai a’a kiripai, Iuda avai a’a kiripai ane, kuruei‐voa nawawrea Nai eakeiakana:
9Kuruei‐voa mikiriapea omo mai‐oro kiripai Nai enave, Lare ai omo eve Nai a’akinave’ane Aikupito pani va’au mere eravai; Uku kurua kuruei‐voa kamaialiai oro umu‐a‐li’inavea, Oro mere Nai urukinave, Amua kuruna.
10Kuruei‐voa eire Isaraela avai a’a kiripai Nai kuruakana, lare oro periane, Amua kuruna: Na Vupu omo lai laru ai Nai aiakana, Na Vupu omo umu upa mere Nai kikiriakana ane. Omo Eloi Nai keiakana kapoi, Na a’a oro keiakana ane.
11Oea eria uakeiakana a’a monou‐monou una pai‐iri a’a ipawkiai, A’a monou‐monou ane una aroa a’a erau voa ipawkiai, Amua ipali’ine, uku oro uriria ipa?-?ilauakana, rurupu a’a, amua a’a ane;
12Omo opara kaika eiai Nai umu keiakana, Omo namea ane Nai laikora‐ikiapea.
13Uku U erau voa kurunave, Kuruei‐voa nawawrea, pinai kuruei‐voa U araupu?-?liane euna; a awku kavakava pomoalimakina, araupu unu veia ipekimakina ane, kurua awku unu peria pani arekamu ai keina.
Currently Selected:
Heberu 8: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
