Heberu 9
9
1Pinai kuruei‐voa vupu emiaka avioia opara eiai, pani va’au unu marea ane.
2Uku iaa komo marea la‐okavakei’inave, marea ane lalava rere koravakei’inave; iki lalava laru ai lamepa, pakara ane, iaa pu ane ekuakei’inave iou ai kei’inave; ei lalava Iaa mako oroiakeina.
3A lalava anu mai iou ane mekai iaa lalava kei’inave, nawi Iaa ravi‐awru oroiakeina.
4Laiko epomara, kuruei‐voa anu maua ane laiko apareakei’inave laru ai, iki ai ane, ei maua laru ai moni laiko vana kei’inave, Arona anu iri iei ane u ilo‐erenave, kuruei‐voa anu rawre ane, ei lalava emiaka.
5Maua upai Kerubimi kei’inave, Eloi inu evao’evao ipawkimakei’inave, Umu?-?pakara ane awmurumakei’?-?inave. A uku ei awku uriria eiai nai eai voa kuruai liapea.
6Ei awku oailiakei’inave’ane, omoro a’a omoro iaki liane, iki lalava oro ikirina panipani ai.
7A lalava e omoro amua a’a e ikirina lare monou e aumeia monou unu pani ai, aro u mi‐enana epie‐pei awkuai una nane eiai, a’a aruru unu namea eiai awku, namea ane oro pauapaua liane euna.
8Ipawkia voa ane Avaea Iaa ipawkina voa eire, Iaa ravi‐awru unu kapea aua’?-?keiapea iki lalava anu uakeia pani ai.
9Ei awku aipo keina eai pani eiai, ei pani ane la’aruku, epie‐pei ane, ekuakeina, a omoro a’a namea mere iawkavai oro liapea.
10Ei awku unu iva uku kape eiai, uku kape enu pei, ere ane, ere‐kia opara e e ane, avioia opara evere’eakeina anea’anea nawawrea pani anea’ane.
11Ima awku unu omoro amua a’a orau Keriso erenave, ima awku ane oro anea’ane euna i avioia anu komo marea ovara‐mai, komo marea ane i a’a anu eve la‐okavakeiape, ei pani va’au unu komo marea peo,
12Una aro mi‐enamakina, nani inu aro peo, bovi‐mere enu aro peo, U ikiriane euna pani monou Iaa ravi‐awru ai, orau inaea‐akamakei’?-?inave opai keiakana eiai.
13I nani inu aro, bovi‐vaki inu aro ane, bovi‐a’e enu iau‐awpo ane, oreka’?-?amakeia’ane a’a anu kape upu upa mere, kape enu upu namokiakeia’ane, oro iaa?-?eiakeia’ane ane,
14Mikio, Keriso onu aro imua opara nomo lai mere namokiapeana kapoi, opai rokoa Eloi noro kamaia?-?awkava’ane‐iai, U ane i opai Avaea mere Una nane U Eloi awkunave, U ane U namea eria rokoanave?
15Ei uku eiai Kuruei‐voa nawawrea anu amua a’a U rokona, uku oro ane oro laea‐elauakeia’ane euna oro opai omoro roikia miane‐iai, orau maura‐voa kuruakei’inave oro eiai, uku rokoa awkuakeia’ane euna namea eiai oro ane oro liakei’inave pinai Kuruei‐voa anu pani ai.
16Roikia aru unu maura‐voa uakeia’ane, roikia awkua a’a imua pinai ipawkiai limakina.
17Roikia aru unu maura‐voa iva miape anea’anea roikia aru awkua vaki imuane; una rokoa pani ai maura‐voa una aru eiai iva eria mi’ina.
18Orau enei auina pinai Kuruei‐voa aro eria a‐evere’?-?eakei’inavea.
19Vupu unu aua kavakava Mose a’a aruru uriria ipekiaka’ane, bovi‐mere enu aro, nani inu aro ane, ere ane, mamoe enu aro kimari ane, isopa ane, u emi’inave, buka, a’a uriria ane u ore’?-?eka’anave, erau voa kurumakei’inave ane,
20Ei aro ane Kuruei‐voa evere’ena Eloi vupu‐naka’?-?ane euna.
21Orau ane omoro onu komo marea, omoro marea anu vana uriria ane, u aro ore’ekanave.
22Enei kuruai li’ina naea awku uriria i aro ore’ekava?-?keina Vupu kamaialiai, aro eria upuakeia’ane, namea eria namokiakeina.
23Uku uakei’inave pani muku awku unu aipo awku orau namokiakeia, a pani muku awku miki i epie‐pei e ima‐ima miki namokiakeia.
24Uku Iaa ravi‐awru i a’a anu eve la‐okavakei’inave, Iaa ravi‐awru miki inu aipo marea, Keriso ikiriakape, a pani muku miki U ikirinave, eai Eloi inu paku ai ereai enei eiai.
25U ikiriakape uku pani aila Una nane epie‐pei awkuai, orau Omoro Amua a’a Iaa ravi‐awru ikirina, aumeia kavakava, aro mi‐enamakina ane, aro ane una aro peo.
26Keriso orau liane pani aila imuai U oea‐rokoane euna, pani va’au unu ea pani mere anea’anea eai; a pani va’au unu ika pani ai, pani monou pani uriria eiai U ereane euna, i Una nane epie‐pei namea paueai.
27Orau opara evere’eakeina a’a kavakava pani monou imuai limakina, neko mere ai u voa‐veveakeiai;
28Orau Keriso awku, pani monou epie‐pei U awkuakeia’ane euna, a’a aila anu namea U vakaruane‐iai, namea mere lai‐awkavakeina, U moawku ereakana oro paku ai, oro ane oro aioiaka‐pokoimakina, uku omo iawka oailiai.
Currently Selected:
Heberu 9: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
