Heberu 6
6
1Pinai ipawkia voa Keriso eiai ave’eimakina, a’a miki evere’eai enei la’ana?-?maki, lai urukia anu u’uri imua opara mere, pirimaroakoa anu u’uri ane, enei moawku pa aiekiai,
2Ipawkia voa naea uku kape ere‐kia opara eiai, eve aiai opara eiai naea, imua mere la’ava ipawkia voa eiai naea, ika pani inu voa vevea eiai naea.
3Eloi evere’eane, enei la’avakana.
4Oro ane oro pamea‐eia?-?keia’ane euna, pani muku la’aruku unu mera oro kevere’?-?eane euna ane, Avaea Iaa anu aua‐mia a’a oro eiakeia’ane euna,
5Eloi inu Iva voa anu ima‐mai oro ipaliane euna, anea pani inu iva‐mai ane,
6Oro arava’ane, nai kuruna, oro moawku‐moawku lai urukiai liapea, uku omo nane eiai oro moawku‐moawku Eloi inu Mere iri keoa upa mere a’amakina, makiri?-?awkamakina ane.
7Uku ka’e ane lai‐ere u na’ane euna u upa mere panipani ara’ana, aurapei u merina ka’e kinia a’a eiai, Eloi inu kopai aua‐miane euna ane.
8Ka’e aimu, kikini ane, meriane, kurua ka’e inakaliakeina, ivaveliakeina ane, neko mere ai i iau oavakeiakana ane.
9Enei orau kuruane, naumuki e, enei ailiaiakeina ima awku, iawka ane, uakeina noro eiai.
10Uku Eloi namea keiapea nomo iaki, nomo umu ane, aikavai noro ipekiane euna U eiai i paioka Una a’a noro ekuane euna, eai ekumakina ane.
11A enei umuli’ina nomo a’a monou‐monou iviri ipi’ipia ipawkiane‐iai, noro araea’araea iki kopai miane‐iai anea’anea ika pani ai;
12Noro umu eapa evere’enavaia, a noro e’e’ekava’ane?-?iai oro ane i pirimaroakoa mere, i lai kekepa ane, maura‐voa oro omoro roikina.
13Eloi Aberahamo maura‐voa kurunave’ane, uku opara e U liai a‐li’inavea, i Una nane U maura‐voa kurunave, erau voa kurunave ane,
14Moawku‐moawku Nai kopai‐nikavakana kapoi, Ni a’a aila aila lala’avai Nai evere’eiakana.
15Orau uku ene mai‐vaki lai kekepa aioiaka‐pokoinave u mi’inave orau Eloi maura‐voa kuruaka.
16A’a anu opara i awku oro upai epe’epe keina oro maura‐voa kuruna; i maura‐voa orau kouamina voa oailiakeina.
17Orau ane Eloi umuli’inave maura‐voa anu omoro roikia a’a ipekiai Una voa opai keina, i maura‐voa ane Una voa U evere’enave;
18I opai awku rere Eloi arauau kuruai liapea, enei pai‐oka miki miane‐iai, enei ane, iawka eiai, enei ema?-?liane euna araea’araea a’akiai ene paku ai aiakeina.
19Ei araea’araea mapea auri kovena orau keina imunu eiai, u eikiai liapea, oikiai liapea ane, kovena ravi inu mai laru ai ikirina
20Iou ai Iesu, ene paku ena a’a orau, ikiriane euna, Melekideka orau, U Omoro Amua evere’eane euna opai keiakana eiai.
Currently Selected:
Heberu 6: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
