Heberu 5
5
1Uku Omoro Amua a’a kavakava a’a mere ie’eakeina, a’a eiai u aviri‐awkavakeina omo kava a’a evere’eai uku Eloi inu awku eiai, la’aruku, namea anu epie‐pei ane, u ekuane‐iai,
2U ane u lai kekepa liai limakina pauapaua a’a eiai, namealia a’a eiai ane, uku u awku i eapa avikiakeina.
3Ei uku eiai, una nane eiai namea epie‐pei u awkuai limakina, orau u li’ina a’a aruru eiai.
4Ei avioia iaki a’a kapeo verukua mi’ina, i Eloi u laea‐ulauakeia’ane, orau Arona laea‐ulauakei’inave, ei iaki u mi’ina.
5Orau Keriso awku uku Una nane eiai Omoro Amua a’a anu avioia U umu‐a‐li’inavea, U avioiakei’inave i U ane U erau voa kurunave, Ni Na Mere rokona: Ei lare ai Ni mekai Nai evere’eane euna;
6Orau awku mako mo ai U erau voa kuruna, Ni omoro a’a opai keiakana eiai, Ni Melekideka anu omoro kaupu a’a ane.
7Uku Iesu Una pani va’au unu rokoa pani ai nawki‐awkanave, nanuku‐awkanave ane, viki ovara U vikirimakei’‐inave U nawki‐awkama?-?kei’‐inave’ane, U ane U iawkavai li’inave imua mere, awku mere U kore kakau li’inave U pai’okavakei’?-?inave.
8A U ane U Eloi inu Mere rokoanave, U kukunu mi’inave, kukunu mere kamaia opara U ipawkiakei’inave:
9U orau anana‐eakei’inave, opai iawka anu aw U evere’enave oro uriria eiai oro kamaia‐awkana.
10Uku Eloi verukua Omoro Amua opai keiakana eiai oroinave, Melekideka anu omoro kaupu a’a ane.
11U eiai kuruai enei voa aila mi’ina, voa aila ane oro kane miki uku ipanakiai omo miki noro ipaliane‐iai, uku noro keporo namau evere’eane euna.
12Uku pani va’au noro pirimaroakoa a’a keia’ane euna, nomo iaki a’a e ipekiai, ai! a noro oea‐rokona kapoi a’a moawku ipanakiai Eloi inu voa miki inu pinai voa, ame, pei kane peo, noro umuli’ina.
13A’a ane omo pei ame oro lai evera miki miape opara anana anu ipawkia voa eiai: oro upi keina.
14Pei kane a’a miki eiai uakeina, oro ane uku panipani ai omo lai oro eivirimakina omo lai ipekiakeina opara ima, opara lipi ane, ipaliai.
Currently Selected:
Heberu 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
