Heberu 12
12
1Uku i ione kaupu ovaramai enei aviakiakeina, awku mu’u kavakava enei a’uniakeina enei au‐ekanamaki, namea ane ene are iakari‐eina. Enei kevere?-?kevere iviri a’epeaka’ana?-?maki eiei ane ene paku ai keina,
2Iesu inamu‐ekiawkama?-?kina, ene pirimaroakoa anu Orava Amua, U ane kavani U akuakana. Uku kopai eiai Una paku ai kei’inave iri keoa U lai kekepa rokoaka‐mi’inave, iri keoa anu makiri U lari‐awkanave, neko mere ai U pa’anave, iou ai U eai pa’ana, Eloi inu amua‐pakara eve miki mekai.
3Ou uku eiai lai mu’u mere, umu‐eavu mere ane, area‐enavai noro umuliane, nomo kukunu Una kukunu kiripai noro ipine, U ane mani ovara mi’inave namea a’a mere.
4Namea awkoni‐awkavai nomo rokoa e’ei ai noro aiape.
5Iviri voa ane, ukua‐mere orau, kurunaina noro aika’ane euna, voa ane erau voa kuruna, Na mere e, keporo namau pa liai Amua anu ipawkia voa eiai, U anana?-?naiane euane oia‐eavu pa liai;
6Uku oro ane Amua umu‐ekana U ipekina: Mere kavakava U umu‐aina U vaki?-?awmi’ina.
7Kukunu noro rokoaka?-?emimakina oro uku nomo ipawkia eiai. Mere orau Eloi ipanakimakina; mere koana i una mekai u ipawkiakeiapea?
8Ipawkia noro miape miane, ipawkia ane mere miki kavakava aua‐miane euna, noro rurupu‐ukua ipanakia?-?keina, mere miki peo.
9Ei voa ane, ene pani va’au mekai ipakinave, enei avi’einave ane, ene avaea anu Mai enei kamaia‐awka?-?vapeana, rokoakana ane?
10Voa miki aumeia ailapea oro ipakinave orau oro laikoranave; a uku ene ima eiai U ipakina uku Una iaa opara enei aua‐miane‐iai.
11Ipawkia opara ipawkia pani ai kukunu mikirina, kopai miape ane, a oro eiai ane oro ipekiakeia’ane euna ipawkia opara airu, opara anana ane, merina.
12Ou uku eiai eve puku, are epo paroro ane, venea‐eine.
13Kapea anana karikine nomo are eiai, o’onu are unininavaia, oro aukarieka?-?vakeia’ane‐iai.
14A’a uriria kiripai airu miai noro ipia‐mi’ine, iaa opara eiai ane, a’a iaa opara miape miane u Amua inamu‐oiapea.
15Keverekevere oivirine a’a Eloi inu la’aruku mere leunavaia; neva mere veve la’anavaia iara uru meriai noro awkono avao ai kuku?-?puna‐eai, aroa a’a iki upu?-?eai;
16Eiri lia a’a, iaa eria a’a Esau orau, noro mi’inavaia, u ane una airavaki kinia anu aru u awkunave pei monou eiai.
17Uku noro ipali’ina, neko mere ai kopai miai u umuli’inave’ane, u inaka‐awkavakei’inave: uku pani eria u auinave una opara paueai, opara ane u liaka, i viki inu inamu‐ere kurua kopai u keverekevere voronave.
18Uku noro aneape akapu iau paraparalimakina mako ai, ivawvoa’a mako ai ane, muru ai ane, kavaea ovara ai ane,
19Pi’i inu laea rawre mako ai, voa araro onu rawre mako ai ane, uku rawre enu ovara eiai oro ane oro virinave rawre eiai oro nawki‐awkanave:
20Uku vupu voa awkuakeiaka oro rokoaka‐miai a?-?li’inavea, Lekuleku animala akapu nekeane u imuai rawre epakiakeiakana:
21Uku akapu iara aipo orau kei’inave Mose erau voa kurunave, Nai koreli’ina, varuvaru li’ina ane.
22Siona anu akapu ai noro anea’ane euna, Eloi rokoa anu pai’iri ai, aivara avaea aruru‐aruru ai,
23Airavaki inu purai ovara anu kaupukia mako ai, Ekalesia ai ane, oro ai ane omo nawi pani muku ai kikiriakeina, voa vevea Amua ai, U ane U a’a uriria anu Eloi rokona, opara anana a’a oro anana‐eiakeina omo avaea anu mako ai,
24Iesu ai ane, U ane nawawrea Kuruei‐voa anu Amua U rokona, orekava aro ai ane, aro ane voa ima‐ima miki kuruna Abela anu aro a‐kurunakea.
25Noro oivirine noro lari?-?li’inavaia Una voa viriai, U ane u kurunaimakina. Eni a’a kavani mere area‐enavakape enava’ane oro lariliaka’ane Una voa viriai u pani va’au ai kurunave, enei area‐enavapea enei ane enei keporo namau li’ina Una voa eiai, U ane pani muku mere U kuruna.
26Eni pani Una voa pani va’au oioili’inave: a eai Una maura‐voa enei mi’ina, Pani monou e pani va’au, pani muku ane, Nai moawku oioiliakana.
27Ei voa, Pani monou e, ipawkina oioi inu awku lai?-?ekavakeiakana, awku ane oro eiakeina, awku ane oro oioiliakeiai liapea, oro keiakana.
28Ei uku eiai uku enei mimakina amua eiei oioiliakeiai liapea, kopai enei umuli’inamaki, lai iaa, lai avioia ane, enei Eloi avioinamaki.
29Uku ene Eloi awku ruawkava iau rokona.
Currently Selected:
Heberu 12: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
