Heberu 11
11
1Pirimaroakoa lai mikirina enei mi’ina awku eiai enei araea’araeali’ina, lai pamea mikirina ane awku unu miki eiai, awku ane enei inamu‐a‐einakea.
2I pirimaroakoa eni mai‐oro uru ima mi’inave.
3I pirimaroakoa mere enei ipali’ina pani va’au i Eloi inu voa eiakei’inave, orau awku ane inamu‐eiakeina oro rokoa awku mere a’eiakei’?-?inavea
4I pirimaroakoa mere Abela epie‐pei ima‐ima miki Eloi awkunave, Kaino onu epie‐pei ima mau’u kei’inave, i ei pirimaroakoa opara anana a’a anu uru u mi’inave, i una epie‐pei mimakei’inave Eloi awku ione awkunave, i una pirimaroakoa, ei a’a ane u imuakeina, u eai voa kuruna.
5I pirimaroakoa Enoka pani va’au mere ekeakei’inave, u a‐imunavea, u a‐auiakei’inavea, uku Eloi ae’?-?eaka: enei ione voa mi’ina uku una ekea pani paku ai u Eloi kopai‐awkanave.
6Pirimaroakoa eria a’a Eloi kopai‐awkavai liapea: uku a’a ane u Eloi ai anena Eloi ua‐rokona u pirimaroakoai limakina, U kavani ekuna ane oro ane auiai oro ipia‐mi’ina.
7I pirimaroakoa mere Noa, i Eloi ipawkiakei’inave uku vauki‐rokoa awku eiai, kamaiali’inave, mapea la‐okanave ane una avai a’a anu iawka eiai, i ei opara pani va’au unu a’a u mua‐ekanave, opara anana ane pirimaroakoa mere anena u omoro roikinave.
8U laea‐ulauakeiaka’ane una pani va’au ave’eai, eleai ane pani va’au e ai u maura pani omoro roikiakana, i pirimaroakoa Aberahamo Eloi kamaia‐awkanave; u elenave, una aki inu eiei u a‐ipali’inavea.
9I pirimaroakoa u anenave, i‐pokoinave ane, maura‐voa anu pani va’au ai, kairi pani va’au orau, Isako, Iakobo ane, kiripai komo marea ai pokoimakei’inave, orere u kiripai maura‐voa aua‐mi’inave;
10Uku panipani ai u araea?-?’araealimakei’inave pai’iri eiai, pai’iri ane u u’uri mi’ina, pai’iri inu avaea kikiria uku, la‐okava uku ane, U Eloi ua‐rokona.
11I pirimaroakoa mere Sara awku venea mi’inave ia evere’eai, u ukua kininave ane, u umu a’e kei’inave’ane, uku u laikoranave U ane U maura‐voa kuruaka, U miki‐rokoa kei’inave ane.
12Orau a’a monou mere, u ane u imua a’a orau kei’inave, kaki a’a kiniakei’inave, oro a’a aila kaia anu rawpu aila mikirina, miri inu aila mikirina a’a oraiai liapea.
13Ei a’a uriria pirimaroakoa a’a orau oro imuane euna. Maura‐voa anu kopai awku oro miakape, amai mere oro inamu‐eiaka, ke?-?peiaka ane, oro iki e’eaka ane oro kairi a’a, kikoro a’a ane, pani va’au ai;
14Uku a’a ane oro orau iki e’ena oro ipawkina pani va’au e oro voromakina mako e ai.
15Pani va’au oro ave’eaka oro umuliaka livilia, oro uku auiaka omo pani va’au ai vairuai;
16A oro iviri umulimakei’inave pani va’au pani muku ai: ei uku eiai Eloi makiri‐awkavakeiapea omo Eloi oroiakeiai, uku pai’iri oro eiai U evere’eane euna.
17Eloi ipia‐awmiaka’ane, i pirimaroakoa Aberahamo Isako epie‐pei orau awkunave. Lia, u ane maura‐voa u miaka, una mere e epie‐pei orau u awkuai awkamakei’inave,
18U ane u awkiakeiaka, I Isako mere ni kiri a’a eroiakeiakana.
19Uku u laikoranave Eloi a’a imua mere la‐okavai li’ina, aipo voa kurumakina, imua a’a mere u Isako moawku mi’inave.
20I pirimaroakoa Isako, Iakobo, Esau ane, kopai‐ekanave uku awku ane oro aneliviai anelia.
21Iakobo imumakei’ina?-?ve’ane i pirimaroakoa Iosepa anu mere monou‐monou u kopai‐awkanave, una iri iei upa mere ekekelimakei’inave u Eloi avioinave.
22Iosepa ane una imua pani arekamu ai u kei’inave’ane, uku Isaraela a’a anu ena pani Aikupito pani va’au mere i pirimaroakoa u voa kurunave, mako ane u ekinave una kape i’iai.
23I pirimaroakoa upi Mose i una mekai, mei ane, ia rere kaiane vauakavakei’inave, uku una vapara‐mai orere inamu‐oinave: amua anu vupu kore eria miaka orere eiai.
24Mose ane u a’a miki la’avaka’ane, Paroa paka anu mere oroiakeiai i pirimaroakoa u larili’inave:
25Mani inu kukunu miai Eloi inu a’a aruru kiripai u ie’enave, namea anu avioia pani mau’u eiai u umu‐a?-?li’inavea.
26Uku u laikoranave anara voa Keriso eiai kavani ima miki kei’inave, Aikupito onu aru uriria kavani mau’u kei’inave; aneliviai anelia kavani u inamu‐ekinave.
27I amua anu iara peo, i pirimaroakoa u Aikupito ave’enave; a’a orau vauki‐rokoa Amua inamu‐oina una kapea ai u enanave.
28I pirimaroakoa pasova purai, aro orekava opara ane, u eivirinave, uku oava vaki Isaraela a’a anu airavaki ukua e‐anavaia.
29I pirimaroakoa Aro Ere Aura, kapea eorari orau, oro kenave, Aikupito a’a orau keai ipia‐mimakei’?-?inave’ane oro mumukiakei’inave
30Ieriko onu vara lare 7 avikiakei’inave’ane, oro ara’anave.
31I pirimaroakoa Rahaba kana a’e larilia a’a kiripai a‐imunavea, uku inamu‐oia epo a’a u umu?-?aiaka, eiviriaka ane.
32Voa mo ane nai oiamakurumau? Pani eria uakeina voa kuruai uku Gideona, Baraka ane, Samasona ane, Iepeta ane, Davida ane, laikorava a’a ane;
33Oro ane i pirimaroakoa amua eiei iki oro awkoni‐ekanave, opara anana miki evere’enave, maura‐voa Eloi mere mi’inave, lioni inu ane ekunave ane;
34Iau unu iara oro nomo?-?nave, rawve enu akere epo mere oro area‐enanave, eapa mere oro venea‐eiakei’inave, apakinavai oro iviri evere’enave, kairi a’a anu aiau oro la’einave.
35A’ero omo imua a’a rokoa moawku mi’inave: e oro mani e‐avakei’inave, iawka ekuakei’inave oro larili’inave, la’ava ima miki imua mere oro miane‐iai:
36A’a e ane i mani anara voa, i vaki‐awmia ane, oro ipia‐emiakei’inave; lia, i arekapu ane, kipura piria ane.
37Oro rawre epakiakei’?-?inave, kape upuakei’inave, ailiakei’inave ane, i rawve e‐avakei’inave ane. Mako mere mako ai oro enanave, mamoe enu kape, nani inu kape ane, oro luki‐emiakei’inave, pei oea kei’inave, ku?-?kunu‐eiakei’inave, mani‐ekavakei’inave ane.
38Pani va’au ima a‐kei’inavea ei a’a eiai. Kekepere ai, akapu ai ane, oro pawru‐enanave, pani va’au ena laru ai oro vauakinave.
39I pirimaroakoa ei a’a uriria uru ima miane euna, a Eloi inu maura‐voa ovara evere’eakeiakape omo a’a monou eiai;
40Uku oro eiai, enei awku eiai, awku ima‐ima miki Eloi evere’eaka, uku oro e kopai iki mi’inavaia.
Currently Selected:
Heberu 11: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
