Galatia 1
1
1Paulo Iva a’a a’a mere a‐okaiviriakei’inavea, i a’a a‐okaiviriakei’inavea, i Iesu Keriso, Eloi Mai ane, u okaiviriakei’inave, Eloi ane U Iesu imua mere la‐okanave;
2Aroa a’a uriria ane nai kiripai pokoina, ei voa enei mere anena Galatia ekalesia eiai:
3La’aruku, airu ane, nakuakeinameki, Eloi Mai mere, ene Amua Iesu Keriso mere ane,
4U ane Una nane U awkunave ene namea eiai, U iakava’ane‐iai ei lipi pani va’au mere orau ene Eloi Mai umuli’ina:
5Enei avioinamaki opai keiakana. Amene.
6Nai varua’ana noro epua laikimakina U mere, U ane i Keriso onu la’aruku U laea‐alau’unave, Iva voa e noro pirimaroakoamakina ane:
7Iva voa e eria keina; a a’a varomo lai iakari?-?nakamakina, Iva voa Keriso eiai namea liai oro ipia‐mimakina ane.
8Enei naea, aivara avaea naea pani muku mere, Iva voa e mi‐anea’ane, ei Iva voa mikiriape liane Iva voa enei omoro kurunainave, u laoiakeinamoki.
9Kurua voa nai kuruane euna nai kairinani kuruna, A’a Iva voa e omoro kurunaiane, ei Iva voa mikiriape liane kurua Iva voa noro miane euna, u laoiakeinamoki.
10A’a anu avioia ana, Eloi inu avioia ana, nai umuli’ina? A’a kopai‐ekavai nai umu‐ama‐li’i? A’a avieiai nai umuliane, Keriso onu aivara a’a nai keiapea.
11Ovaki airavaki e, nai nakiai limakina Iva voa nai omoro kurunave a’a evere’eapea.
12Uku kurua Iva voa a’a mere nai a‐mi’inavea, i a’a nai a‐ipaikiakei’inavea, i erea voa Iesu Keriso mere kurua Iva voa nai mi’inave.
13Na uru noro viriane euna uku Isaraela a’a anu pirimaroakoa voa eiai, Eloi inu ekalesia nai iara mani‐ekanave, laeinave ane:
14Na iviri ane Isaraela a’a anu pirimaroakoa voa eiai na kiri a’a anu iviri paku ai kei’inave, na iviri ovara?-?mai kei’inave a’e mai ane enu eni ipawkia voa eiai.
15A U ane na kinia pani ai U lai’ikanave, i Una la’aruku U laea‐ilau’unave,
16U evere’enave Una Mere nai laru ai ipawkiai, uku lai unuku a’a awkono avao ai Iva voa nai omoro kuruane‐iai; a’a kiripai nai emoki voa a‐ipinavea:
17Ierusalema ai nai a?-?inanavea oro kiripai voa ipiai, oro ane oro na pani paku ai iva a’a kei’inave; Arabia ai nai ikirinave, neko mere ai Damaseko ai nai vairunave.
18Aumeia rere kaiane periakei’inave, Petero au‐awkuai Ierusalema ai nai inanave, u kiripai lare 15 nai pokoinave ane.
19Iakobo Amua anu ovaki nai i‐au‐awkunave, iva a’a e nai inamu‐a‐einavea.
20Ei voa nai kikirimakina Eloi inu paku ai nai kuruna oro voa miki keina. Arauau voa nai a‐kurunakea.
21Neko mere ai Suria ai, Kilikia ai ane, nai ikirimanenave.
22Ekalesia Iudea eiei ai na paku a‐ipali’inave:
23Ei uru voa e oro viriaka, U ane eni pani ai u mani‐akanave, eai pirimaroakoa voa u omoro kuruna, kurua pirimaroakoa voa u oa’anave.
24Uku nai eiai oro Eloi kopai‐awkanave.
Currently Selected:
Galatia 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
