Galatia 2
2
1Aumeia mo 14 periakei’inave ane Banaba kiripai Ierusalema ai nai moawku inanave, nai kiripai Tito awku nai areka’anave.
2I erea voa Eloi inu lai eiai nai inanave; Iva voa lai unuku a’a awkono avao ai nai omoro kuruna nai ipekinave. Ekalesia anu mai‐oro na omoro iaki nai vaua?-?vaua ipekinave, uku na iaki kape liakeinavaia.
3Tito, Heleni a’a, nai kiripai kei’inave, uku momoa‐eiai oro voa eria kurunave:
4Ei e’ei uakei’inave uku arauau aroa a’a ekalesia a’a vauavaua evere’eiakei’inave ene ururua Keriso Iesu laru ai oro inamu‐oiane‐iai, kurua ururua enei mere oro avapu?-?liane‐iai.
5Enei a‐laikinavea kamaia‐ekavai; uku Iva voa noro kiripai miki keia’ane‐iai.
6Ei mai‐oro mere paioka eria nai mi’inave. Oro amua a’a naea, amua a’a peo naea, nai ipapea. A’a anu paku Eloi a’avioinakea. Voa nawawrea oro a‐ipaikinavea.
7Oro inamu‐oinave ane Iva voa ikuakei’inave lai unuku a’a ipekiai, orau Iva voa Petero awkuakeiaka Isaraela a’a ipekiai;
8(Uku U ane U Petero evere’eaka u iva a’a keia’ane‐iai Isaraela a’a eiai, U evere’i’iaka ane nai iva a’a keia’ane‐iai lai unuku a’a eiai:)
9La’aruku ikuakei’inave oro inamu‐oiaka’ane, (oro Iakobo, Kepa ane, Ioane ane, Ekalesia anu aipua orau oro laikoravakei’inave) omo avai ikiriai enere Banaba oro evere’ainave; enere lai unuku a’a ai enava’ane‐iai, oro Isaraela a’a ai enava’ane‐iai.
10A omo rurupu a’a laikora‐ekiai oro nawki‐akanave. Omo lai evere’eai nai kopaili’inave
11Petero Anetioka ai aki‐enanave ane, una paku ai nai voakinave, uku u mua kei’inave.
12Uku Iakobo onu epo a’a anu anea pani paku ai lai unuku a’a kiripai u pei navaka: oro aneaka’ane, lai unuku a’a mere u laikinave, u kore kei’inave momoa‐eia a’a anu voa eiai.
13U kiripai Isaraela a’a e awku omo lai miki vaua?-?ekanave, uku omo vauavaua opara Banaba awku ewaea‐awkavakei’inave.
14Nai inamu oinave ane Iva voa anu opara orau oro anana a‐rokoanavea, oro uriria paku ai nai Petero erau voa kurunave, Ni Isaraela a’a lai unuku a’a orau rokoane, Isaraela a’a orau ni rokoape liane, uku oiana lai unuku a’a ni eunina Isaraela a’a orau rokoai?
15Enere Isaraela a’a kiniakei’inave, lai unuku namea a’a peo,
16Enere ipali’ina i Vupu unu kamaia opara peo a’a anana‐eakeina, a i pirimaroakoa mere Iesu Keriso laru ai a’a mua mere ururuakeina. Enei Keriso Iesu pirimaroakoane euna, i pirimaroakoa mere Keriso laru ai, Vupu unu kamaia opara mere peo, mua mere enei ururua?-?keia’ane‐iai.
17Keriso laru ai ururua namea anu mua mere enei voromakeia’ane, a namea enei auiakeia’ane, ou uku eiai namea liai Keriso ama?-?paiaka’i? Ai.
18Namea nai upupuaka nai moawku la‐okava’ane, nai namea a’a evere’ena.
19Uku i Vupu nai imuane euna Vupu eiai, Eloi eiai nai rokoane‐iai.
20Keriso kiripai iri keoa upa mere nai i‐avakeia’ane euna; a u ane u nai laru ai rokona u nai peo, a Keriso ane U nai laru ai rokona: rokoa nai eai rokona kape laru ai i pirimaroakoa Eloi inu Mere nai rokona, U ane U umu‐ikanave, Una nane imuai U awkunave nai eiai.
21Eloi inu la’aruku nai a‐pauenakea; ururua namea anu mua mere i Vupu mere anea’ane, uku eria Keriso imuane euna.
Currently Selected:
Galatia 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
