2 Korinito 13
13
1Ei aki nai enavai awkamakina noro ai aki rere kaiane vaki. Ione a’a rere naea, a’a rere kaiane naea, vevea voa kavakava evere’eakeiakana.
2Oro ane oro omo eni namea paikina, noro uriria ane, nai nakiane euna, eai nakina ane, orau nai liane euna na aki rere pani ai nai noro kiripai pokoinave’ane, orau nai eai li’ina nai noro kiripai pokoiape, nai anea’ane lai kekepa nai nakava?-?pea nomo namea eiai:
3Uku noro aipo umuli’ina Keriso na ane‐epo mere kuruna, U ane U eapa peo noro eiai, a noro awkono avao ai U iva rokona.
4Voa miki kapoi i eapa mere iri keoa upa mere U avakei’inave, a i Eloi inu iva mere U eai rokona. Enei awku eapa keina, Una eapa aua‐mimakina, a i Eloi inu iva U kiripai enei rokoakana everenaiai.
5Noro ipia‐nami’ine noro ipaliane‐iai noro pirimaroakoa a’a miki keia’ane: noro ipapeana Iesu Keriso noro laru ai rokona, noro namea?-?lia a’a peane?
6A nai araea’araea li’ina noro ipaliakana enei namea?-?lia a’a peo.
7Noro namea eria liai enei Eloi nawki‐awkana; uku ene miki ipawkiapea, a uku noro anana liane‐iai, ene miki ipawkiape liane.
8Uku enei iva eria mi’ina voa miki paueai; enei iva e mi’ina voa miki pai‐okavai;
9Ene kopai eire, enei eapa keia’ane, noro iviri keina. Ei awku enei umuli’ina ane, noro anana‐naiakei?-?a’ane‐iai.
10Ei uku eiai ei voa nai kikirina nai noro kiripai pokoiape, uku nai noro ai anea’ane iara voa nai kurunavaia kurua iva evere’eai Amua ikuane euna uku la‐okavai, uku enakavapea.
11Voa oaio, ovaki airavaki e, pokoio. Opara anana li’ine, iviri li’ine, lai monou mi’ine, airu rokone; Eloi ane U umu, airu ane, awkuna, noro kiripai U rokoakana.
12Monou‐monou iaa epo‐nami’ine.
13Iaa a’a uriria keponaina.
14Amua Iesu Keriso onu la’aruku, Eloi inu umu ane, Avaea Iaa anu paioka ane, noro uriria kiripai keinameki. Amene.
Currently Selected:
2 Korinito 13: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
