Epeso 5
5
1Una naumuki ukua mere orau noro Eloi ipi‐awmi’ine.
2Noro umu‐nakane, orau Keriso awku umu‐nakanave, Una nane ane U awkunave enei eiai la’aruku, epie pei ane Eloi eiai, mera muri rokoamakina.
3Uku eve’eve opara, i’ima opara uriria ane, iawmia opara ane, noro voa pa kuruai; oro voa ima peo Eloi inu a’a eiai;
4Makiri upu voa, avu’avu voa ane, aka rurupu voa ane, uku oro paioka eria mi’ina, noro lari‐ekane: kopai inu voa miki noro kurune.
5Uku noro ipali’ina, eve’eve a’a kapeo, upu i’ima a’a kapeo ane, iawmia a’a kapeo ane, u ane u imunu unu avioia a’a keina, omoro‐aru mi’ina Keriso onu eiei laru ai, Eloi inu eiei ai ane.
6I a’a anu voa kape noro ewaea‐nakavakeina vaia noro oivirine: uku ei namea eiai Eloi inu ia’ia aneliviai anelia larilia a’a eiai.
7Ou uku eiai oro kiripai noro pa aua‐miai.
8Pani uakei’inave noro muru e kei’inave ane. Eai, Keriso onu a’a orau, noro pamea keina: pamea anu ukua mere orau noro rokone.
9(Uku pamea anu uru opara ima, opara anana, opara miki, kavakava ai inamu‐oiakeina;)
10Nomo lai laru ai ipali’ine kurua awku kopai mi’ina Amua eiai.
11Muru unu kono opara larili’ine, omo namea ipawkine.
12Uku makiri uakeina voa kuruai ei opara eiai i ei a’a vauavaua ai liakei’inave.
13A opara kavakava i pamea noro ipia‐miai liakana, una miki orau ipawkiakeiakana; uku awku kavakava u verukua akuruli’ina, u pamea keina.
14Ei uku eiai ei voa kuruakeina, La’ane, awaw vaki e; Imua a’a awkono avao mere la’ane, Keriso pamea nikuakana.
15Ou uku eiai noro oivirine uku nomo opara eiai. Avu’avu a’a anu opara noro pa liai; lai evera a’a orau noro li’ine.
16Ima pani opara ima liai noro epua a’akine, uku ei eai pani namea pani keina.
17Ei uku eiai avu’avu a’a orau noro pa liai, Amua anu lai ipaliai noro eiai ipia‐mi’ine.
18Ere iara pa navai noro awpa ailo orau evere’enavaia; a Eloi inu Avaea na’ane noro evopoakeia’ane‐iai;
19Salamo awni, avaea awni ane, noro kairinani?-?kurunaine. Nomo lai laru ai Amua kopai‐awkane.
20I ene Amua Iesu Keriso onu nawi panipani ai, awku kavakava eiai, Eloi Mai noro kopai‐awkane;
21Keriso avioiai noro kamaia‐nakane.
22A’ero e, orau Amua noro kamaia‐awkana, nomo vakiro awku noro kamaia‐ekane.
23Uku vaki a’e enu uku keina, orau Keriso ekalesia anu uku keina, U ane Una kape enu Iawka U uarokona.
24Orau ekalesia Keriso kamaia‐awkana, orau a’ero awku omo vakiro kamaia‐ekavai limakina.
25Vakiro e, nomo a’ero umu‐ekane, orau Keriso ekalesia umu‐awkanave, Una nane awkunave ane ekalesia eiai;
26Uku ekalesia iaa‐eane?-?iai, i bapatiso ere U urupu?-?eane‐iai, voa orau U iki e’ena,
27Uku ekalesia evao’evao Una nane U awkuane‐iai, aimiai eria, vivi eria ane, Una paku ai u oiane‐iai, upu eria ane u iaa‐keia’ane‐iai.
28Orau vakiro omo a’ero umu‐ekavai limakina orau omo kape oro umu‐ekana. A’a ane una a’e u umu‐awkavai limakina orau una nane u umu‐awkana.
29Uku a’a kapeo una kape vai’i‐awkava’ane euna; una kape u pei awkuna, oivirina ane, orau Keriso Una ekalesia pei awkuna, oivirina ane:
30Uku enei Una kape enu kape‐aru keina.
31Ei uku eiai a’a una mekai, mei ane, ave’eiakana, una a’e u paikiakeiakana, orere monou orau keiakana.
32Vauavaua voa re eire: nai kuruna uku voa miki Keriso eiai, ekalesia eiai ane.
33A ei voa nai kurunake kapoi, nomo a’a kavakava una a’e umu‐awkanamoki orau una nane u umu‐awkana, a’e awku una vaki u avioinamoki.
Currently Selected:
Epeso 5: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
