Epeso 4
4
1Nai ane nai piria a’a Amua eiai, nai nanuku‐nakana opara ima rokoai, a’a orau laea‐elauakeia’ane euna orau noro laea‐nalauakeia’ane euna,
2Lai iva’iva miki, manipu eria ane, lai kekepa umu painakane;
3I airu unu kau ipia‐mimakina Avaea anu airu oiviriai.
4Kape monou e uarokona, Avaea monou e uarokona, orau awku noro laea‐nalauakei’inave ane, araea?-?’araea monou e noro miaka;
5Amua monou e uarokona, pirimaroakoa monou e, bapatiso monou e ane,
6Eloi monou e uarokona, a’a uriria anu Mai, U ane U uriria amua‐ekana, uriria laru ai U iaki limakina, uriria laru ai U pokoina ane.
7A ene a’a kavakava la’aruku awkuakei’inave, Keriso onu veruku orau awkuakei’inave.
8Ei uku eiai Iaa revareva erau voa kuruna, Pani muku ai U moawku inavaka’ane, Piria a’a aila U piriaka‐era?-?nave, La’aruku U a’a ekunave ane.
9Ei voa, moawku inavaka’ane, miki oiana? Miki eire, U pinai pani va’au ai liliaka.
10U ane U pani va’au ai liliaka, U ane U moawku inavaka’ane, U monou uarokona, pani muku uriria upai U inavaka, U pani va’au iki evopoane‐iai.
11A’a varomo U verukua evere’einave Iva a’a keia’ane‐iai, a’a varomo laikorava a’a keia’ane‐iai, a’a varomo aki omoro a’a keia’ane‐iai; a’a varomo omoro a’a keia’ane‐iai;
12Uku Una a’a ipekiai kamaia iaki eiai, uku Keriso onu kape la‐okavai;
13Anea’anea enei uriria pirimaroakoa monou, lai evera monou ane, miane Eloi inu Mere eiai, anea’anea enei a’a miki evere’eane Keriso laruai.
14Enei upi keinavaia, ipawkia voa anu kavaea kavakava voavoa‐akavakei?-?na, i a’a anu orekeke, i omo ewaea ane, oro maika‐maika ewaea‐akavai;
15A voa miki enei umu a’akiakana, U kiripai paikiakeina, U ane U ene Uku, Keriso ane, U kiripai enei la’avakana ane.
16I U mere kape iki rokoa mi’ina, kape‐aru kavakava kau eiei paikimakina, i kape‐aru kavakava anu paioka kape iki la’ana, venea evere’eakeina ane orau kape?-?aru kavakava oea‐rokona, i umu la‐okavai.
17Ei voa nai kurunaina, Amua anu nawi ioneli’ina ane, Lai unuku a’a orau lai kauakaua rokona, noro orau pa rokoai,
18Omo lai muru‐eiakeina, uku omo pauapaua omo lai laru ai Eloi inu rokoa mere oro keke’e laeiakeina, uku omo umu unu inamu‐apua eiai ane;
19Ei a’a makiri eria mi’ina, omo nane oro ekuane euna kape i’ima opara eiai, upu opara uriria voviri liai.
20Ei opara Keriso mere noro ipanakiakeiape;
21Noro Keriso onu voa viriane euane, i U noro ipanakiakeia’ane euane. Keriso onu ipawkia voa miki eire:
22Nomo eni umu vaki noro paueai limakina, uku kurua umu vaki i una ewaea u pomoa keina, mua‐awkavakeina ane.
23Nomo lai inu avaea ai lai nawawrea mi’inamoki;
24Nane nawawrea luki‐nami’ine, kurua nane nawawrea opara anana ai, iaa miki ai ane, Eloi mikiriai u eakeia’ane euna.
25Ei uku eiai arauau au?-?awkane, a’a kavakava una a’a kiripai voa miki kuruai limakina: uku enei monou monou kape‐aru mikirina a’a e eiai.
26Noro ia’ia keia’ane, oivirine noro namea li’inavaia: ia’ia pa pokoiai anea’?-?anea lare euane.
27Pa laikiai diabolo eiai.
28A’a ane u avapu a’a keia’ane euna, u moawku avapu pa liai: una eve u iaki ima li’inamoki u aru miane‐iai, oea‐rokoa a’a kiripai una aru u aua‐miane‐iai ane.
29Voa lipi nomo ane‐epo mere elemaneai pa evere’eai, voa ima e noro kurune nomo voa a’a e la‐ekavai, orau nomo voa paioka voa keia’ane‐iai viria a’a eiai.
30Eloi inu Avaea Iaa lai kukunu pa awkavai, uku i U noro vupu‐nakavakeia’?-?ane euna inaea anu lare eiai.
31Namani uriria, iara ane, ia’ia ane, voa namaro‐namaro ane, anakaia voa ane, mani voa ane, noro mere au‐ekanameki:
32Noro umu‐nakane, lai kekepa‐nakane, paue‐nami’?-?ine, orau Eloi Keriso eiai paue‐namiane euna.
Currently Selected:
Epeso 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
