Kolosi 4
4
1Amua a’a e, opara anana, opara ipi’ipia ane, nomo piria aivara ekune; pa aikavai noro awku Amua mi’ina pani muku ai.
2Eloi nawki‐awkavai noro lari pa liai, ou opara oiviriai noro iviri, kopai ane, li’ine.
3Nawki‐awkane ane enei awku eiai, omoro iaki inu kikau Eloi auane‐iai enei eiai, enei voa miki omoro kuruane‐iai uku Keriso eiai, U ane U eiai nai kipura piria a’a pokoina.
4Kurua Iva voa nai iki ipawkiane‐iai, uku kurua iaki liai nai kamaia‐ikava?-?keina.
5Pani va’au unu a’a paku ai lai evera rokone, ima pani opara ima liai noro epua a’akine.
6Panipani ai nomo voa la’aruku unu iva mi’inamoki, kavani voa miki noro miane‐iai a’a kavakava anu voa vevea eiai.
7Titiku, u ane u naumuki aroa a’a, paioka a’a miki ane, ene kaupu unu a’a Amua anu iaki ai, ene uru u nakuakana.
8Ei uku eiai nai okaivirina noro ai uku ene uru noro viriane‐iai, nomo umu ane u iviri‐eiane‐iai.
9U kiripai Onesimu awku nai okaivirina, u awku a’a miki, naumuki aroa a’a, u nomo a’a ane. Awku kavakava eu ai liakeina orere nakiakana.
10Aritaraku ane, u nai kiripai piriakeina, u keponaina, Mareko ane Banaba anu aro a’e enu mere. Noro voa miane euna u eiai: noro ai u anea’ane, noro umu‐aine.
11Iesu, nawi Iusutu oroiakeina, u awku keponaina. Oro momoa‐eia anu kaupu a’a. Omo kaupu a’a mere oro e nai kiripai iaki liane euna Eloi inu eiei eiai, nai eiai oro paioka a’a keia’ane euna.
12Epapara, u ane u nomo pai’iri inu a’a, Iesu Keriso onu aivara ane, u keponaina, panipani ai u Eloi nawki‐awkamakina noro iviri oiane‐iai, lai anana keia’ane‐iai uku Eloi inu lai kavakava noro eiai.
13Nai ioneliai li’ina uku una iviri miki noro eiai, aroa a’a eiai ane Laodikea ai, oro awku eiai Kierapoli ai.
14Luka naumuki mena?-?mena vaki, Dema ane, orere keponaina.
15Kepoia voa Laodikea aroa a’a eiai, Nimepa eiai ane, ekalesia eiai ane, oro ane una marea ai oro kaupukina.
16Ei revareva noro awkono avao ai oraiakeia’ane, noro orau evere’ene ei revareva Laodikea ekalesia a’a awkono avao ai oraiakeia’?-?ane‐iai, noro awku oraiai limakina revareva nai Laodikea ai okaivirimakina.
17Arakipu erau voa awkine. Arakipu e, omoro iaki Amua mere ni miane euna ni oivirine, kurua iaki ni ima liane‐iai.
18Ei ika kepoia voa i na eve nai kikirina, nai Paulo. Umu‐ikane uku kipura marea laru ai nai ipiriakeina. La’aruku noro mi’ine.
Currently Selected:
Kolosi 4: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
