1 Tesalonia 1
1
1Ei kepoia voa Paulo, Siluano ane, Timoteo ane, mere Tesalonia ekalesia eiai, oro ane Eloi Mai ai, Amua Iesu Keriso ai ane, oro ekalesia rokona. La’aruku, airu ane, noro mi’ine.
2Panipani ai enei Eloi kopai‐awkana noro eiai, enei Eloi nawki‐awkava’ane nomo nawi enei kairinani‐kuruena.
3Uku nomo pirimaroakoa anu iaki, nomo umu unu iaki ane, nomo iviri araea’araea ene Amua Iesu Keriso ai ane, ene Eloi Mai ane enu paku ai enei a‐aikanakea;
4Uku enei ipali’ina, ovaki airavaki e, i Eloi noro nau?-?muki‐nakavakeina, U ie’naiane euna ane.
5Uku Iva voa enei mi‐anenave noro ai, voa e a’anenavea; i iva ane, i Avaea Iaa ane, i voa miki ane, Iva voa anenave, ene opara ane noro awkono avao ai noro eiai noro ipali’ina.
6Iva voa noro pirimaroakoaka’ane, mani kukunu ovara noro mi’inave, kopai awku Avaea Iaa awkuna noro miaka, opara anu aipo enei, Amua ane, nakunave noro ipi‐awmi’inave,
7Orau noro aipo a’a kei’inave pirimaroakoa a’a uriria eiai Makedonia ai, Akaia ai ane.
8Uku noro mere Amua anu voa upurukiakei’inave, Makedonia ai e apea, Akaia ai e apea, a makomako ai awku nomo pirimaroakoa Eloi i upurukiakeia’ane euna; ou uku eiai uku eria uakeina enei awku voa kuruai kurua voa eiai.
9Uku oro verukua akina uku ene aki inu opara noro ai, uku nomo opara ane; imunu mere Eloi i noro urukinave uku Eloi rokoa miki kamaia‐awkavai;
10Uku Una Mere aioiaka‐pokoiai U pani muku mere vairuane, U ane imua mere Eloi la‐okanave, Iesu ioure, U ane U iaka’ane euna kurua ia’ia mere aneliviai anelia.
Currently Selected:
1 Tesalonia 1: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
