Kolosi 3
3
1Keriso kiripai imua mere noro la’ane euane, pani muku unu awku noro evorone, iou ai Keriso ua‐pokoina, Eloi inu eve miki mekai U i‐pa’ana ane.
2Pani muku unu awku, pani va’au unu awku peo, noro umu‐ekane.
3Uku noro imuane euna, nomo rokoa Keriso kiripai Eloi ai vaua‐awkavakeina.
4Keriso, U ane U ene rokoa miki keina, U ereane, noro awku U kiripai evao’evao ereakana.
5Nomo lai pani va’au unu opara eiai noro ea’ane; lai eve’eve, lai upu ane, lai i’ima ane, eiri umu ane, iawmia uriria ane, imunu avioia opara ioure.
6Ei namea eiai Eloi inu ia’ia aneliviai anelia,
7Nomo lai muru pani ai ei namea opara noro awku li’inave.
8A eai namea kavakava noro lai‐awkavai limakina; ia’ia, iara ane, namani ane, mai‐voa ane, anakaia voa ane, ei voa nomo ane‐epo upu‐li’inavaia.
9Arauau pa nakavai, uku umu nane una opara ane noro auane euna,
10Nane nawawrea noro luki‐namiane euna, uku u nawawrea‐eakeimakina lai evera iki ipaliai, una ea Uku unu aipo orau evere’eai.
11Ei nane nawawrea ai Heleni a’a peo, Isaraela a’a peo, momoa‐eia a’a peo, momoa‐eia eria a’a peo, lai unuku a’a peo, Sikitani a’a peo, piria aivara a’a peo, ururua a’a peo; a Keriso awku kavakava anu aw keina, ene uriria laru ai U rokona ane.
12Eloi inu iaa a’a, naumuki a’a ane, orau, umu, lai kekepa ane, lai iva’iva ane, lai kevere‐kevere ane, noro luki‐nami’ine;
13Painamakina, paue’?-?namimakina ane, a’a ane u ia’ia keia’ane a’a e eiai. Orau Amua paue’namiane euna, noro paue’awmiai limakina.
14Ei opara uriria upa mere umu luki‐awmi’ine, uku umu paikia anu kau anana keina;
15Eloi inu airu nomo umu laru ai amua‐awkanamoki, ei airu ai noro laea‐nalauakei’inave Una kape monou unu a’a; kopaili’ine ane.
16Ipawkia voa Keriso eiai aruku vapara orau nomo umu laru ai rokonamoki. I lai evera iki ipanakine, painakane ane, i salamo, awni ane, avaea awni ane, la’aruku nomo umu laru ai awni‐awkane Amua eiai.
17Opara noro li’ina, voa ane noro kuruna, awku kavakava li’ine Amua Iesu unu nawi eiai, i U mere ane Eloi Mai noro kopai‐awkana.
18A’ero e, nomo vakiro noro umu‐ekane, orau Amua evere’ena.
19Vakiro e, nomo a’ero noro umu‐ekane, pa vaki‐emiai.
20Ukua mere e, uku opara kavakava nomo mei, mekai ane, kamaia‐ekane; uku ei opara Iesu kopai‐awkana.
21Mekai e, nomo ukua‐mere iara pa ekavai, oro paku maroa mi’inavaia.
22Piria aivara a’a e, nomo pani va’au unu amua a’a kamaia‐ekane; lai kaikai iaki a’a orau apea, a’a e kopai awkavai oro umuli’ina, a uku noro Amua avioina.
23Iaki kavakava noro limakina, noro li’ine orau noro liane Amua eiai, a’a eiai peo.
24Uku noro ipali’ina Amua mere omoro‐aru, nomo kavani orau, noro miakana. Uku Amua Keriso noro kamaia‐awkana.
25A kurua a’a ane namea u lioko‐lioko, namea anu kavani awkuakeiakana; Eloi a’a naumukiapea uku una pani va’au unu avioia eiai.
Currently Selected:
Kolosi 3: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
