Kolosi 2
2
1Na lai kukunu ovara noro eiai noro ipaliai nai umuli’ina, oro awku eiai Laodikea ai, oro uriria awku eiai na paku oro inamu‐oiape;
2Uku omo umu pai’eka?-?vakeia’ane‐iai, oro umu paie?-?kiakeia’ane‐iai oro lai evera miki inu paioka miane‐iai, anea’anea Eloi inu voa miki inu lai evera iki oro miane‐iai, kurua voa miki Keriso e ua‐rokona.
3U laru ai lai evera, lai ipa ane, enu aruku uriria roikiakeina, a’a anu paku mere vaua‐ekavakeina ane.
4Ei voa nai kuruna a’a i ewaea voa ewaea‐nakana?-?vaia.
5Na kape noro kiripai a‐pokoinakea, a na avaea noro kiripai pokoina, nai kopai‐ikavakeina ane, nomo opara ima inamu‐oiai, nomo pirimaroakoa anu iviri ane Keriso ai.
6Orau Keriso, Iesu ene Amua, noro miane euna, U kiripai are‐rokone.
7Nomo nane enu neva U ai kane kiniakeina, panipani ai U ai la’naka’amakina, pirimaroakoa ai iviri la’?-?nakavakeina orau noro ipanakiakeia’ane euna, kopai evereveremakina.
8Oivirine a’a ane, kipura piria a’a orau u naranavaia i una lai evera voa, una lai inu kape voa ane, i a’e mai ane enu vinako voa ane, pani va’au unu minaia voa ane, noro Keriso mere urukina ane.
9Uku Keriso ai Eloi inu nane iki ua‐pokoina.
10U ai noro evere’naia?-?keina, amua iva uriria anu Amua U rokona.
11U ai awku noro momoa?-?einaiakei’inave i momoa‐eia a’a anu eve liape, kurua pani ai nomo kape enu namea noro au‐ekanave ane i Keriso onu momoa‐eia:
12Nomo bapatiso ai U kiripai noro i’inaiakei’inave, i pirimaroakoa mere i Eloi eakei’inave noro laru ai, U kiripai imua mere noro la’?-?nakavakei’inave, i U ane Keriso imua mere U la’?-?okava’ane euna.
13Noro ane, nomo namea ai, nomo namea nane enu momoa‐eia eria ai, noro imuakei’inave, U kiripai U rokoa‐naiane euna, nomo namea uriria U paue’emiane euna.
14Vupu unu aua aua voa, ene mani orau kei’inave, U pauenave, U laiekanave ane, Una iri keoa ai ikoko epai?-?kinave ane.
15Mani amua, iva ane, U mere U lai‐ekanave, makiri‐ekavai U iki ai ipekinave, i iri keoa U awkoni‐ekanave ane.
16Uku nomo pei naea, ere naea, purai pei naea, ia nawawrea opara naea, sabati opara naea, a’a voa vevenaiai noro pa evere’eai.
17Ei opara uriria aipo kei’inave uku opara aneliviai anelia; omo miki Keriso onu aruku keina.
18Nomo kavani noro mere a’a ewaea iou‐miai noro pa evere’eai i una lai kekepa, una aivara avaea avioia opara ane, uku avaea awku u inamu‐eiane euna, i una i’ima lai u kauakaua‐awka?-?vakeina.
19Kurua a’a Keriso a’?-?akiapea, U ane U Uku keina, U mere Kape iki rokoa mi’ina, kape aru uriria epaikia?-?keina, iaa la’ana ane.
20Keriso kiripai noro imuane euane, pani va’au unu ipawkia voa noro area‐enava’ane euane, uku oiana, pani va’au unu a’a orau, pani va’au unu ipawkia voa noro kamaiali’ina?
21Ei voa: pa nekeai, pa navai, eve mokono ai pa miai, pei e e a’a vupu‐ekana.
22Peipei oro evere’eiakeina uku a’a navai, e‐avai ane.
23Ei vupu lai evera anu aipo mi’ina a’a anu avioia opara ipawkiai, oro auoina a’a iaa a’a keina; a ei vupu kapeo iva mi’ina ene kape enu i’ima awkoni‐ekavai.
Currently Selected:
Kolosi 2: IAR1920
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society in 1920.
