IVA A’A ANU IAKI 27
27
1Oro evere’eaka’ane enei Italia ai mapea area‐enavai, uku Paulo oiviriai Aukuso aiai kaupu unu marevaki, nawi Iulio, awkiakei’inave.
2Mapea Asia eiei inu pai’iri pai’iri ai area‐enavai awkamakei’inave, Adaramitio ai enei mapea lakenave, area‐enanave ane; Aritaku Makedonia a’a, Tesalonia mere, enei kiripai kei’inave.
3Namai lare enei Sidona ai pai’inave. Iulio Paulo umu‐awkanave, Paulo piai una a’a inamu‐eiai u evere’enave ane.
4Enei moawku area‐enavaka’ane uku kavaea ovara Kupura iniki arekamu ai enei area‐enanave.
5Ere aura eiei Kilikia, Pamapila ane, paku ai enei keaka’ane, Mura ai, Likia eiei inu pai’iri, enei pai’inave.
6Alesana mapea Iulio i‐auinave Itali ai area‐enavai awkamakei’inave; mapea lakeai u akinave.
7Lare aila enei akere‐akere area‐enavaka’ane enei kukupuna miaka Kinidio paku ai paiai; ene kapea miki area‐enavai kavaea a‐evere’enavea, Kerete iniki arekamu ai, Salome iou ane mekai, enei area‐enanave;
8Pani va’au arekamu ai area‐enamakei’inave, mako nawi Ima Avao enei pai’inave; arekamu ai Lakea pai’iri uakei’inave.
9Uku ene aki pani va’au kei’inave, e’ei mako ai awku enei area‐enamakei’inave ane, uku awku Isaraela a’a anu pei larilia pani periakei’inave, Paulo e’ei voa kuruenave,
10U erau voa kuruenave, Amua a’a e, nai inamu‐oina ei aki e’ei mo’onu miakana aruku eiai, mapea awku eiai, ene rokoa awku eiai.
11A aiai inu marevaki i mapea anu kapena vaki ailiakei’inave, Paulo onu voa uku e’ei eiai u a‐pirimaroakoanavea.
12Uku avao ima‐a‐kei’?-?inavea laura pani inu eiei i‐pokoiai, mapea a’a aila area‐enavai umuli’inave Poeniki ai paiai oro ipia‐miane‐iai, i‐pokoiai ane laura pani inu eiei ai; kurua avao Kerete ai, anu eiei, laura eiei ane, paku ai kei’inave.
13Kavaea kekepa nara eiei mere evukiaka’ane, oro laikoranave kavaea ima kei’inave omo aki eiai. Oro rawre uakinave, Kerete miri arekamu ai area‐enanave ane.
14Pani va’au peo kavaea ovara auanu eiei mere evukinave; kurua kavaea nawi Eurakilo oroiakei’inave.
15Uku kavaea ovara mapea paku ai area‐enavai a‐li’inavea, mapea oikiai enei kei’inave.
16Enei enamakei’inave iniki mau’u ai, nawi Kauda oroiakei’inave, iou ai boti mau’u mapea ai uakiai enei kukupuna ovara miaka;
17Boti mau’u mapea upa mere lakiakeiaka’ane, konou ovara oro mapea avikiaka?-?pirinave, uku oro kore kei’inave enei oipi ai oikiane‐iai, oro vaura‐vaura uninave ane, orau oikinave ane.
18Uku kavaea ovara‐mai kei’inave, mapea paraka‐liai namai lare oro aruku ere aura ai kai’inave;
19Rere kaiane enu lare mapea anu aru ene eve enei kai’inave.
20Lare aila lare, rawpu ane, inamu‐a‐eiakei’inavea, kavaea awku ovara kei’inave, ene araea’araea iki peri?-?makei’inave.
21Pani va’au pei mau’u e oro navaka’ane, oro awkono avao ai Paulo oimakei’inave, erau voa kurunave, Amua a’a e, na voa noro viriaka livilia, Kerete mere noro area‐enavakape, ei kukupuna, aru paukia ane, noro miakape.
22Iviri mi’ine, uku noro awkono avao ai a’a kapeo paukiakeiakana, mapea e oavakeiakana.
23Uku kipere pani ai na Eloi inu aivara avaea nai ai oinave, Eloi nai avioina,
24U erau voa kurunave, Paulo e, kore pa liai, Kaisara paku ai ni enavai limakina, ei a’a uriria ni kiripai area‐enamakina omo rokoa Eloi nikuane euna.
25Ou uku eiai amua a’a e, iviri mi’ine; nai Eloi pirimaroakona, ei awku evere’eakeiakana orau ikiakeia’ane euna.
26Iniki monou ai enei oikiai limakina.
27Kipere 14 aneaka’ane, Aderia ere aura ai enei oikimakei’inave kipere mokono pani ai, mapea a’a laikoranave pani va’au arekamu ai enei oikimakei’inave.
28Ere ikiau oro kai’inave, ere enu eporo eiei 20 oro mi’inave; maura pani ai ikiau oro moawku kai’inave, eporo eiei 15 oro mi’inave.
29Enei rawre ai oikinavaia, auri rawre morere morere mapea aw mere oro ururunave, pani merea aioiaka‐pokoinave ane.
30Mapea mere area‐enavai mapea a’a umuli’inave, boti mau’u ere aura ai oro ururuaka, auri rawre mapea paku mere kaiai oro auoimakei’inave.
31Paulo Iulio, aiai ane, erau voa kurunave, Ei a’a mapea ai pokoiape liane, noro inakavakeiapea.
32Aiai boti mau’u unu konou ei’inave, boti ere aura ai ara’anave.
33Pani meremakei’inave oro uriria Paulo nanuku‐ekanave pei navai, U erau voa kurunave, Lare 14 eire kavaea ovara oailiai noro aioiaka‐pokoiane euna, pei lari liane euna ane, noro pei navape.
34Ou uku eiai pei navai nai nanuku‐nakana. Ei voa ima keina nomo kape eiai. Kimari monou nomo uku mere oavakeiapea.
35U orau kuruaka’ane, u pu mi’inave, omo paku ai u Eloi nawki‐awkanave, pu u la’a vepenave, na’anave ane.
36Ei opara oro uriria kopai‐ekavakei’inave, oro pei na’anave ane.
37Enei uriria mapea ai a’a 276 akoakei’inave.
38Oro pei navaka’ane oro lai aukiakei’inave ane, mapea paraka‐liai kawni aruku oro kai’inave ere aura ai.
39Pani mereaka’ane pani va’au unu miri ipaliai oro ipia‐mi’inave, oro pauapaua kei’inave. Aiara mau’u unu ane, miri akere ane, oro inamu‐oinave, aiara laru ai mapea awpi‐enavai oro umu?-?li’inave.
40Rawre enu konou oro ei’inave, rawre ere aura ai ave’einave ane, kapena iri awku oro ururunave. Vaura‐vaura paku vaki oro la‐okanave, miri i area‐enanave ane.
41Ere karukaru ai oro paiaka’ane mapea oipi ai oro area‐enanave, mapea paku ai oipi ai kane kei’inave, uku menono ovara mapea aw ai vepeakei’inave.
42Aiai voa evere’enave kipura a’a e‐avai, oro area‐enanavaia.
43Uku aiai marevaki Paulo iawkavai umuli’inave, aiai inu voa u ei’inave; a’a area‐enavai li’inave area‐enavai u ekinave miri ai.
44A’a mo, varomo iri upa mere, mo, mapea anu aru upa mere, enavai u ekinave. Orau oro uriria miri ai pai’inave.
Currently Selected:
IVA A’A ANU IAKI 27: IAR1920
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1920.
